Efessoon 5 - KITAABA WAAQA

¹ Isani ijoolle Waaqaati, tanaafi aka isaa tahu maltani.

² Jaalala keesa yaa, akuma Kristoni nu jaalate jireenna ufii nuu baase, sorio dansa fooleeni isii Waaqa gammachiiftu nuu tahe.

³ Maro isani gumi Waaqa taataniifi waan algaloomatiifi ka t'uritiifi ka sabdooma jiddu teesaniti maqale ind'aiina.

⁴ Dubbi t'uritiifi ta daallumatiifi ta imfakaanne jechu himmalle. Ammo waan ch'ufa keesati sila Waaqaa galata deebisu maltani.

⁵ Waan kana aka dansaa beekhu maltani: nami algali, t'urichi, sabdiini (ka Waaqa wollaale waan nami harkaani mid'aasu kad'atu) qooda Finna Kristotiifi ka Waaqa keesaa inqabu.

⁶ Nami tokoleeni dubbi kiyyiba ta d'aratiini isani insobini: maro waan kanatifi dalansuuni Waaqa worra isaa inch'aqamneti d'ufti.

⁷ Tanaafi nama akana kana lagad'a.

⁸ Isanumanu duri dukana keesa jirtani, ammo haga gumi Aabbo taatani, ifsa ke jirtani. Tanaafi aka nama ifsa keesa jiru tahu maltani.

⁹ Ifsati mid'aani dansoomatiifi ka d'ugatiifi ka qajeelumatiini d'ufa.

¹⁰ Waan Waaqa gammachiisa jabaad'a barad'a.

¹¹ Nama waan woma imbaane tolchu, ka dukana fed'u, lagad'a. Ammo waan suni diidati baasa.

¹² Yo waan worri d'ossaani tolchu hasaani waan ch'eeraati.

¹³ Ammo wonti ifsati baasani ch'ufti aka dansa mullatti;

¹⁴ wonti mullisani suni ch'ufti ifsaa taati. Wonti, Kai, nama rafe, duisa keesaa kai, Kristoni siti ifsa jed'aniifi tana.

¹⁵ Tanaafi deema teesani keesa aka dansa ufi qorqorad'a. Aka nama woma imbeenne intahiina, aka nama qaro taha.

¹⁶ Yo qoomni argattani ch'ufa waan dansa tolcha, bari kuni hama.

¹⁷ Indaallaina, fed'i Aabbo Waaqaa hubad'a.

¹⁸ Daad'iini imachaiina, wonti kuni isani balleesiti; ammo Lubbuuni Waaqaa isani guutiinna.

¹⁹ Dubbi faarutiifi ta sirba Waaqaatiini wolhasaa; faaru Aabbo garaa keesani keesati gammadaani d'ahad'a.

²⁰ Waan ch'ufa keesafi hojja ch'ufa Waaqa Aabbo galata deebisa, maqa Aabbo Yeso Kristotiini.

Gorsa d'iirsafi niiti

²¹ Woli ch'eera, maro Kristo saalfattaniifi.

²² Nad'eeni ha d'iirsole ufiti ch'eerfatuuti, akuma Aabbo ch'eerfattu.

²³ Akuma Kristoni mata gumi isaa, d'iirsileeni mata niiti isaati; Kristoleeni ufi isaati Qarqaarsa gumi, ta nafa isaa.

²⁴ Tanaafi nad'eeni aka dansa d'iirsole ufiiti ch'eeru malte, akuma gumiini Waaqa Kristo ch'eertu.

²⁵ D'iirsole, akuma Kristoni gumi ufi jaalate nafa ufi kenneefi, isanileeni akasuma nad'eeni teesani jaaladlad'a.

²⁶ Inni aka gumi ufi qulqulleesu waan kana tolche, dubbi ufitiini, eegi bisaaniini d'iqe,

²⁷ aka gumi isaa ila ufi duraani d'ufu, mid'aagumafi qulqulloomaani, wollaalafi bobotolefi waan qit'e intahiini male.

²⁸ D'iirti aka ufi jaalattu niiti ufi jaalachu malte. Nami niiti ufi jaalatu ufi jaalata.

²⁹ Nami ufi jibbu injiru, ammo namu ufi bulcha, akuma Kristoni gumi Waaqaa tolchu;

³⁰ wonti akanatiifi nu mita nafa isaati.

³¹ Maro waan kanatifi t'aafiini, d'iirti abbaafi haad'a ufi lakifte niiti ufitiini taka taati, jari lamaani nafa takaa taha jetti.

³² Dubbi d'uga guddoti t'aafi tana keesa mullata; isiini, mala kiyya, Kristofi gumi Waaqale baanti.

³³ Ammo isanile imbaanti: d'iirti ch'ufti niiti ufii aka ufi jaalattu jaalachu malte; nad'eenileeni d'iirsole ufiiti ha saalfattu.