Ebrania 3 - KITAABA WAAQA

¹ Oboleyaani tiyya ta Kristiana, Waaqi ya isanile yaame! Yeso ka Waaqi erge, aka Qaallu Gudda d'ugefacha teenna tahu, ilaala.

² Akuma Musani duri huji Waaqa ch'ufa guute, mana isaa keesati, akasuma Yesoleeni huji Waaqi isa fohateefi guute.

³ Nami mana jaaru, mana suni ira gurra argata. Akuma suni Yesoni Musa ira guddinna argachu male.

⁴ Mana ch'ufa namati jaara — ammalle waan ch'ufa Waaqati jaare.

⁵ Musani huji Mana Waaqa ch'ufa guute. Inni hojattu, waan Waaqi hegeri dubbatu ch'ufa la dubbate.

⁶ Ammo Kristoni aka Ilma mana Abba qorqoratu waan ch'ufa guute. Nu mana isaati, yo nu waan abdannu, soda male, garaa jabaanne d'ugefanne.

Boqota gumi Waaqa

⁷ Tanaafi, akuma Lubbuuni Qulqullooni jettu, Yo qonqo Waaqa arra d'ageettani,

⁸ aka duri mata jabaatani Waaqa diddani, amma indidiina, aka gaafa duri lafa gamooji keesati isa ilaalattani.

⁹ Achiti ababooti teesani nati gamte, ato waan anini ganna afurtama keesati tolche argitele.

¹⁰ Maro waan kanatifi anini worra kanati dalane, waan jed'e, Worri kuni hojja ch'ufa waan heregu keesati wollaala qaba, taka kara kiyya imbaranne

¹¹ anini dalane kakhad'e waan jed'e, Worri kuni haguma jiru boqota anini worraa kurfeese inargatu!

¹² Oboleyaani tiyya, eegad'a, aka nami tokoleeni, isani keesa, garaa hama ka ind'ugefanne argate Waaqa jireenna iraa garingale.

¹³ Ammo aka dabi nama tokole yake sobe mata injabeesine, guyya ch'ufa woli qarqaara, haga t'aafiini, Arra jettu ch'ufa.

¹⁴ Nuuni ch'ufti Kristoni woli wahela, yo nu d'ugefacha teenna haga muumme jabeesine qabanne.

¹⁵ T'aafiini akana jetti: Yo qonqo Waaqa arra d'ageettani, aka duri mata jabaatani Waaqa diddani indidiina.

¹⁶ Eentu qonqo Waaqa d'agaye dubbi isaa dide? Worra Musani Misiri keesaa yaame ch'ufa.

¹⁷ Waaqi ganna afurtama eennuti dalane! Worra daba tolche, ka lafa gamooji keesati raawate ch'ufa.

¹⁸ Gaafa Waaqi khakhate, worri kuni haguma jiru boqota anini worraa kurfeese inargatu jed'e, Inni waan eennu dubbate? Inni waan worra dubbi isaa dide dubbate.

¹⁹ Tanaafi, aka worri waan d'ugefachu dideefi boqota suni argachu dad'abe argina.