Ebrania 13 - KITAABA WAAQA

¹ Aka oboleyaani Kristo keesa woljaalacha illakisina.

² Keessuma bulcha. Nami gari akasi tolchinaani, ato imbeekhiini, malaika bulche.

³ Worra hid'aansa keesa jiru qaabad'a, aka waan hid'aansa keesa woliini jirtanu. Worra gaargala keesa jirule qaabad'a, aka waan ufile gaargalu jirtanu.

Aka Waaqa gammachiisani

⁴ Nami ch'ufti fuud'a ulfeesu male, d'iirsafi niitiini wollakisani gara d'ibi yau himmalle. Waaqi worra waan hamtu tolchuufi algala wollaala iti mura.

⁵ D'araa hori gula imbadiina; waan qabdani sifefad'a. Wonti akanatiifi Waaqi waan jed'e, Anini haga jiru isani illakisu; haga jiru isani biraa indeemu.

⁶ Tanaafi garaa jabaanne, Aabbooni qarqaarsa kiyya, anini woma insodaad'u! Nami maani na tolchu dandaa? jenna.

⁷ Worra duri isani dura yau qaabad'a, ka dubbi Waaqa isaniti hasae. Aka worri duri tahe due herega, d'ugefacha worra gula yaa.

⁸ Yeso Kristoni sunuma, ka kale, ka arra, ka haga jiru jireenna.

⁹ Barsiisaani d'ibiini ta qajeeltu intahiini, d'uga ira isani ingorsiini. Guddo dansa yo eebiti Waaqa garaa nu jabeesite, fulla seera sagale gula yaani ira; wonti akanatiifi worri seera kana gula yau qarqaarsa tokole ira inarganne.

¹⁰ Qaaloleeni waaro Yahudi keesa hojattu hojja sorio teenna qalani d'uga d'ufte nyaattuni inqabdu.

¹¹ Qaallichi Guddaani Yahudi d'iiga hori Fulla Fulla Ch'ufa Ira Qulqullotiini d'ufa, aka maro dabaatiifi sorio baasu; ammo nafa hori suni alati gubani.

¹² Maro waan kanatifi Yesoleeni balbala dira alati due, aka d'iiga ufitiini daba nama iraa qulqulleesu.

¹³ Tanaafi koota, gara isaa alati yaane, ch'eera isaa fud'anna.

¹⁴ Wonti akanatiifi nu dira haga hegeri tau lafa tana keesa inqamnu; nu dira hegeri d'ufu eeganna.

¹⁵ Waan kanaafi nu hojja ch'ufa faaru teenna aka sorio Waaqaa baasu malle, maqa Yesotiini; akasi jechaani hojja ch'ufa qonqo teennaani maqa isaa faarsina.

¹⁶ Waan dansa tolchaafi woli qarqaarsa inded'ina. Sorioni akana tunini Waaqa gammachiifti.

¹⁷ Nama isani dura yau saalfad'a, dubbi worraa ch'aqasa. Worri hojja ch'ufa lubbu teesani qorqorata, maro Waaqi waan worri tolchu worra gaafatuufi. Yo isani worraa saalfattani, worri gammadaani huji ufi hojata; yokhaani lalefachaani hojata, lalefachaani sunini woma isani imbaatu.

¹⁸ Hojja ch'ufa Waaqa nuu kad'ad'a. Nu imbeenna aka herega dansa qamnu, nu hojja ch'ufa waan dansa tolchu feena.

¹⁹ Waan ch'ufa ira, anini isani kad'ad'a, aka Waaqi hurrise gara keesani na deebisu naa kad'ad'a.

Kad'acha

²⁰ Waaqi la Aabbo keenna Yeso duisa keesaa Kaase. Inni d'iiga ufitiini Tissitu Guddo hooliye tissu tahe, ka wold'aqisa hegeri beesisaniini.

²¹ Waaqi nagayaa waan dansa ka isani feetani ch'ufa isanii kenniina, aka fed'i isaa tolchitani; ammalle inni Yeso Kristo keesa waan isaa gammachiisa nu tolchisiisiina. Guddinni haga hegeri gara Kristo ha tahu! Amini.

D'aamsa eege

²² Anini isani kad'ad'a, oboleyaani tiyya, aka isani dubbi gorsa tana aka dansa ch'aqaftani; tatabeeni anini isanii t'aafe tunini guddo d'eertuniti.

²³ Anini aka oboleesi keenna Timotheoni hid'aansa keesaa bahe isani beesisu fed'a. Yo inni hurrise d'ufe, hojja gara keesani d'ufu wolumaani d'umna, aka wolgarru.

²⁴ Nama isani dura deemuufi gumi Waaqa ch'ufa nagaya nuu fuud'a. Oboleyaani lafa Taliana nagaya isani d'aamti.

²⁵ Eebiti Waaqa isani ch'ufa woliini ha jiraattu.