Ebrania 10 - KITAABA WAAQA

¹ Seeri Yahudi fakeenna dansa ka waan d'ugaatiniti. Ammo inni gandidu waan dansa ka hegeri d'ufu ch'alla. Sorio takati ganna ch'ufa qalani baasani. Seeri yoosi akami dandae, sorio tanaani, worra Waaqati d'ufu qulqulleesa?

² Yo worra Waaqa kad'atu aka dansa daba iraa qulqulleesani, worri sila iti deebie daba ufirati inargu, sorio ch'ufa sila illakisani.

³ Ammo sorioni baasani ganna ch'ufa daba nama qaabsiifti.

⁴ Wonti akanatiifi d'iigi koromitiifi ka ree dandae daba imbaasu.

⁵ Maro waan kanatifi Kristoni, ato diquma lafa ind'ufiini, waan Waaqaani jed'e, Atini soriofi waan sii baasani imfeetu, ammo atini ya nafa naa kurfeesite.

⁶ Sorioni ta gubani si ingammachiiftu, yokhaani sorio ta daba baaftu.

⁷ Jennaani anini waan jed'e, Anini kuno, Ee Waaqa, aka waan atini feetu ch'ufa tolchu, akuma kitaaba Seera keesati waan kiyya t'aafani.

⁸ Qaraa fiit'e inni waan jed'e, Atini soriofi waan Waaqaa baasaniifi yokhaani sorio gubaniifi sorio daba baaftu imfeetu, isiini si ingammachiiftu. Inni waan kana, ato sorio tana Seera gula baasanile jed'e.

⁹ Jennaani inni waan jed'e, Anini kuno aka waan atini feetu ch'ufa tolchu. Tanaafi Waaqi sorio duri ch'ufa balleese, sorio Kristo fulla isii kaye.

¹⁰ Maro Yeso Kristoni waan Waaqi, Tolchi jed'eeni ch'ufa tolcheefi, sorioni nafa isaa yayu maro tokotu daba ch'ufa nura d'it'e.

¹¹ Qaaloleeni Yahudi ch'ufti guyya ch'ufa huji ufi hojatte sorio takati maro heddu baafti. Ammo sorioni tunini daba keesaa nama imbaaftu.

¹² Taatule Kristoni sorio toko maro dabaatiifi baase, sorio hojja ch'ufa dansa, duuba harka Waaqa ka mirga tae.

¹³ Achi tae eega, haga Waaqi nyaapa isaa barch'uma miila isaa tolchuuti.

¹⁴ Sorio tokooni inni ya worra daba iraa qulqulleesani haga hegeri qit'e tolche.

¹⁵ Lubbuuni Qulqulloleeni d'uga nuu taati. Qara isiini waan jettu:

¹⁶ Aabbooni waan jed'u, taka tana, Wold'aqisi anini worra woliini tolfad'u kana: Anini Seera kiyya garaa worraa keesa keyad'e, qalbi worrale keesati t'aafa.

¹⁷ Ammalle isiini waan jettu, Anini deebie dabaafi hameenna worraa tokole inqaabad'u.

¹⁸ Eegi waan kana ch'ufa araaramani, sorio daba baaftu iti deebiani imfed'ani.

Koota, Waaqati d'iaanna

¹⁹ Tanaafi oboleyaani tiyya, nu Fulla Fulla Ch'ufa Ira Qulqullo, maro d'iiga Yesotiifi, soda male seenu indandeenna.

²⁰ Inni golla keesa kara hareesafi ka jireenna nuu bane; akasi jechaani nafa isaa keesa.

²¹ Nu qaallu gudda, ka Mana Waaqa qorqoratu qamna.

²² Koota yoosi, Waaqati d'iaanna, garaa d'ugatiifi ka d'ugefachatiini, garaa herega hameenna ira qulqulleesaniifi nafa bisaani qullooni d'iqaniini.

²³ Abdi nu eegannu jabeesiina, waan nu aka Waaqi kakhu ufi guutu heregannuufi.

²⁴ Waan woli herenna, wolqarqaarra, woljaalanne, waan dansa woli tolchina.

²⁵ Wolwoldeenna lakisu himmalle, aka nami gari tolchu jiru. Ammo woljabeesiinna, wonti akanatiifi aka guyyaani Aabbo d'iaatu argu jirtani.

²⁶ Wonti akanatiifi sorioni tokoleeni amma dandeete daba nuraa imbaaftu, yo nu beekha daba tolchine, eegi d'uga nuti himani.

²⁷ Wonti nuu hafe, aka waan eegi tana d'ufa sodaannu; qorsumafi ibida gudda, ka worra Waaqa didu balleesu.

²⁸ Nama Seera Musa didu ch'ufa naasu male ijeesani, eegi d'ugaani lamaa sadi, aka inni wollaala qabu himte.

²⁹ Nama Ilma Waaqa tuffatu, ka d'iiga wold'aqisa Waaqa ka isa qulqulleese bilaasha sehu, ka Lubbu eebaa arabsu, maal tolchani re? Gaargala isaa, aka inni hama, me herega!

³⁰ Nu nama, Anini haalo imbaafad'a, anini gati imfud'ad'a jed'e imbeenna. Ammalle ka, Aabbooni gumi isaa inqora jed'ele imbeenna.

³¹ Waan guddo hamtuti, yo harka Waaqa jiru seenani.

³² Aka isani duri jirtani qaabad'a. Gaafasi, eegi ifsaani Waaqa isaniti ifse, isani guddo gaargaltani, ammo gaargali suni isani indabsanne.

³³ Maro heddu gumi keesati isani arabsani gaargalchani, maro heddu worra akana tolchanile kalchu feetani.

³⁴ Isani gaargala worra hid'ani qoodattani, ammalle gaafa miha keesani ch'ufa saamani gammadaani obsitani, maro isani aka waan hagasi ira jira, ta haga jirtu teetu, qabdani beetaniifi.

³⁵ Tanaafi garaa jabaad'a, yo akasi tolchitani, gati guddo argattani.

³⁶ Isani obsu maltani, aka fed'i Waaqa tolchitani, waan inni kakhate argattani.

³⁷ Akuma t'aafiini jettu, D'iotu, nami d'ufu jiru ind'ufa, inturu.

³⁸ Taatule nama kiyya ka d'uga d'ugefateeti jiraata; ammo yo tokoleeni garagale anini iraa ingammadu.

³⁹ Nuu nama garagale baduuniti. Ammo nu d'ugefacha qamna, inuma baafamna.