Danieli 6 - KITAABA WAAQA

¹ Darioni nama d'ibbafi diddama, ka isa jala hojatu lafa inni fidu keesaa fohate.

² Jara suni malele, inni Danielifi nama lama d'ibi, ka worra suniti mataa tahe waan hayyu jabeesu, fohate.

³ Danielini jara woliini hojatani kaanile ch'ufa ira huji guute. Waan inni jara kaani waan ch'ufaani ira jirateefi, hayyichi aka gudda lafa suni ch'ufa isa tolchu herege.

⁴ Jennaani jari hayyu jala hojatu kaani ch'ufti, huji Danieli keesa wollaala sila isaani himatani barbaade, ammo d'abe, wonti akanatiifi Danielini nama d'uga, ka d'ugeefatani ka wollaala womatu inqamne.

⁵ Worri waan woliini jed'e, Nu dandeenne nama kana waan himanuni irati ingarru, yo kara aada Waaqa isaatini himanu male.

⁶ Jennaani woli galani gara hayyu d'aqani waan jed'aniini, Ee hayyu Dario lubbu buli!

⁷ Nu, nami si jala hojatu ch'ufti — jara, jara gugurdati matatifi, jara gugurdafi jara worra suni jala hojatu, hojattuuni d'ibileeni — yayu woligalle, aka atini, ee hayyicha, seera baafte, seera suni aka male jabeesitu, aka guyya sodoma nami tokoleeni namaafi waaqa d'ibi inkad'anne, si male, ee hayyicha. Nama seera kana ch'abse ch'ufa ha goda nyeench'i miju keesa buusaniti.

⁸ Tanaafi, ee hayyicha, seera baasi, beesisa kanke ira keeyad'i, aka nami seera suni gara ingalchine, aada gosa Meditifi ta Ajemi gula.

⁹ Duuba hayyu Darioni seera suni baase beesisa ira kaye.

¹⁰ Danielini aka seera suni beesisa ira kayani d'ageennaani kae gale. Dereshani mana isaa toko Yerusalemuti fuula deefata. Duuba inni akuma aada isaa kaani deresha suni bane, artiti jilbiifate, guyya keesa maro sadi Waaqa kad'ata.

¹¹ Nyaapi Danieli kaani aka inni Waaqa kad'atu arginaani.

¹² Worri ch'ufti wolti d'ufe, gara hayyu d'aqe, Danieli hime waan jed'e, Ee hayyicha, atini seera baafte, nama guyya sodoma namaafi waaqa d'ibi si male kad'atu goda nyeench'i miju keesa buusa jette. Hayyichi waan jed'e, Ee akasuma anini seera jaba baase seera gosa Meditifi ka Ajemi, ka nami dandae garaingalchine.

¹³ Jennaani worri waan hayyuuni jed'e, namichi Yuda toko ka boojiani, ka Danieli jed'ani, sii insaalfatu, ee hayyicha, yokhaani seera atini baafte inguutu. Inni guyya ch'ufa maro sadi Waaqa kad'ata.

¹⁴ Hayyichi dubbi suni d'ageennaani aka male rifate, haga dandau haga d'ia adute asi kara Danielini baasu barbaade d'abe.

¹⁵ Jennaani jari kaani hayyuti deebie waan jed'eeni, Ee hayyicha, atini imbeeta, aada gosa Meditifi ta Ajemi gula, eegi seera baasani seera suni dandaani garingalchani.

¹⁶ Jennaani hayyichi seera baase, Danieli qaba, goda nyeench'i miju keesa buusa jed'e. Duuba inni waan Danielini jed'e, Waaqi kanke, ka atini guyya ch'ufa kad'atu, si baasinna

¹⁷ goda suni afaani isaa d'akha guddaani duuchani. Hayyichi beesisa isaatiifi ka jara isaa gugurda d'akha suni ira kaye, aka nami tokoleeni dandae Danieli imbaamne.

¹⁸ Jennaani hayyichi mana ufiti gale, sagaleefi taba dide, hiriba d'abe, haga lafti bariituti akasuma ch'iise.

¹⁹ Lafti bariinaani hayyichi ganama ariifate, goda nyeench'aa d'aqe.

²⁰ Achini bahe jennaani qonqo laalalatini Danieli yaame waan jed'e, Danieli, hojattu Waaqa jiru Waaqi atini d'ugeefatu nyeench'a duraa si baase?

²¹ Danielini waan jed'eeni, Ee hayyicha, lubbu buli!

²² Waaqi malaika ufi erge afaani nyeench'a ch'ufe, nyeench'i woma tokole na intolchine. Wonti inni akasi tolcheefi, waan anini takaa isa durati wollaala intolchinifi, ammalle sile takaa waan hamtu intolchine, ee hayyicha.

²³ Hayyichi aka male gammade waan jed'e, Danieli goda suni keesaa baasa. Jennaani Danieli qulqulicha woma intahini goda kaani keesa fuud'ani, waan inni Waaqa ufi d'ugeefatefi.

²⁴ Jennaani hayyichi, Jara Danieli hime kaani ch'ufa qaqaba jed'e, worraafi nad'eeni worraatifi ijoolle worrale ch'ufa qaqabani, goda nyeench'a keesati guurani. Ato worri hunda goda suni ingahiini nyeench'i worrati baafate nyaate lafeele ch'ach'abse hobaase.

²⁵ Jennaani hayyu Darioni tatabe nama gosafi d'alootafi afaani afaani dubbatu ch'ufa, ka lafa ch'ufa keesa jiruti t'aafe waan jed'e, Nageenni isani bad'aad'a?

²⁶ Anini amma seera baasa, aka nami lafa anini fidu keesa jiru ch'ufti Waaqa Danieli sodaate saalfatufi. Inni Waaqa jiru, ka haga jiru jireenna tau. Finna isaa dandaani imballeesani jabeenni isaaleeni muumme inqabu.

²⁷ Inni nama baase badile d'owa, lafafi gubba irati akheekha jabaafi waan mama tolcha. Nami afaani nyeench'a keesaa Danieli baase isuma.

²⁸ Duuba akasiini Danieli bara Dariofi Koreshini, ka gosa Ajemi, lafa mohate bulti dansa, argate.