Danieli 12 - KITAABA WAAQA

¹ Malaikaani woya boofta uyifattu waan jette, Gaafasi malaikaani guddoni, Mikaeli jed'ani, ta gosa tante qorqorattu, ind'ufti. Duuba guyya gaargala ka haga nama lafa irati uumani takaa inarginiti d'ufa. Gaafasi nami gosa teeti, ka maqa isaa kitaaba keesati t'aafani ch'ufti lubbu baha.

² Nami hedduuni ka qara due inkaa: ka gari jireenna ind'umanne argata, ammo ka gari ch'eera ind'umanne argata.

³ Jaaroleeni qalbi qabdu aka gubbani bilit'u bibilit'i; jari nama heddu d'uga barsiisuleeni akuma urji haga jiru jireenna ifsa.

⁴ Inni waan nani jed'e, Danieli, amma kitaaba ch'ufi, beesisa ira kayi, haga muummeeni d'uftuti. Nami hedduuni olgadi orie waan baratu barbaada.

⁵ Jennaani anini jara lama ka galaana moga moga ejaanju arge.

⁶ Worra suni nami toko d'ufe, malaika gara bisaani gadi d'ufanifi ejitu taanini waan jed'e, Wonti mama kunini yoomi guutamti?

⁷ Malaikaani taani harka lachu gara Waaqa olqabatte, maqa Waaqa haga jiru jireenna jirutini kakhate waan jette, wonti sunini eegi ganni sadiifi jii jaa dabre guutamti. Gaafa gumi Waaqa gaargalchani iraa deebiani wonti kunini gaafasu ya guutamte. Gaafa isiini dubbi suni jette anini artuma jira.

⁸ Anini waan isiini jettu ind'agaye male ammo inhubanne. Tanaafi anini isii gaafad'e, Aabbo, dubbini tunini akami buufatti? jed'e.

⁹ Isiini waan nani jette, Danieli, beeni, ufiraa deemi, wonti akanatiifi haga muummeeni d'uftuti, dubbi tana jabeesani d'ossu malani.

¹⁰ Nami hedduuni qulqullae aabo womatu d'aba, ammo namnami hamamani woma inhubatu, hameennuma sunini taa; ammo nama qalbi qabu ch'allaati hubata.

¹¹ Haguma gaafa sorio guyya ch'ufa baasani balleesani, yokhaani haguma gaafa waan hamtu nama rifachiisa kaani old'aabani, guyya kuma tokotifi d'ibba lamafi sagaltamati dabra.

¹² Nami bulti kuma tokotifi d'ibba sadiifi sodomi shani obse eegatu eeba argata!

¹³ Danieli, atini akuma kanke kaani, haga muumme, kara d'uga keesati buli, Duuba eege indoota, ammo yo dootele gaafa muumme kaate galata kanke argatta.