Danieli 1 - KITAABA WAAQA

ODU DANIELITIFI TA JAALLANI ISAA ( 1.1—6.28 ) Jara d'iira kaima ka huji Nebukadreza hojatu

¹ Ganna sadeeso ka Yehoiakimuni lafa Yuda mohate, Nebukadrezani, hayyuuni Babiloni, Yerusalemu d'ufe marse had'e.

² Aabbo Waaqi Yehoiakimu, hayyu Yuda, harka isaati kenne, ammalle inni miha Mana Waaqa haga toko boojie. Inni nama gari boojie, mana waaqoota isaa ka Babiloni jiruti geese, miha boojie kaanile mana waaqoota isaa keesati olkaye.

³ Jennaani hayyichi namicha Ashpenazi jed'ani, ka hojatu isaa ch'ufati mataa, yaame waan jed'eeni, Worra Israeli ka boojiani kana keesa, kaima d'aloota hayyutifi ka worri isaani worra gurra qabu fohad'u.

⁴ Worri ch'ufti ha nama mimid'aaga, naafi aabo womatu inqamne qaqaro hubacha dansa qabu ka yoosu wo baratu tahuti, aka worri mana kiyya keesa hojatu. Duuba atini aka worri afaani Kaldayo t'aafe somu worra barsiisi.

⁵ Ammalle hayyichi, guyya ch'ufa daad'ifi sagale dansa anini guyya ch'ufa soorad'u worrale kenna, ammalle haga ganna sadi worra barsiisa, eegi suni natiini koota jed'e.

⁶ Worra fohatani suni keesaa nami afuri gosa Yuda; jari suni afrani kana: Danieli, Hanania, Mishaeli, Azaria.

⁷ Namichi hojattu mataa kaani maqa haareesa worraa baase — Danielini, Belteshaza jed'e, Hananiani Shadraka jed'e, Mishaelini Mesheki jed'e, Azariani Abednego jed'e.

⁸ Danielini aka sagale dansaafi daad'i hayyuuni sooratu soorate akasiini ufi int'ureesine kutate, duuba Ashpenazi kad'ate, aka inni sagale suni isaa inkennine;

⁹ jennaani AABBO Waaqi Ashpenazi isaa naasise.

¹⁰ Ammo Ashpenazini hayyu d'eete waan Danielini jed'e, Hayyuuni waan isani nyaattani d'uddani ya mure; yo atini haalate jara kaani hanqatte, inni hegeri na ijeesa fa.

¹¹ Duuba Danielini namicha Ashpenazini isaafi jara sadeeni kaani qorqorad'a jed'eeni kaani d'aqe

¹² waan jed'eeni, Bulti kud'ani nu ilaali, raafufi bisaani ch'alla nuu kenni.

¹³ Duuba nuufi kaima sagale hayyu dansa nyaatu kaani wolti ilaali, waan agartu gula waan jechu malte jed'i.

¹⁴ Duuba inni dubbi suni gula bulti kud'ani worra ilaale.

¹⁵ Bultiini kud'annani taani hobaate jennaani worri, worra sagale hayyu nyaatu kaani ira, gabbate mid'aage.

¹⁶ Duuba arti asi namichi worra gololchu kaani sagale hayyu lakise raafuni worra gololche.

¹⁷ Waaqi jara kaima afrani kaani beekhafi hubacha waan soomanini baratani kenneefi. Tana malele inni Danieli qalbi inni daayyafi oobjuuni himu kenneefi.

¹⁸ Ganni sadeeni hayyuuni jed'e kaani hobae jennaani, Ashpenazini jara kaima kaani ch'ufa Nebukadreza duraani d'ufe.

¹⁹ Hayyichi worra ch'ufaani dubbate, jennaani Danielifi Hananiafi Mishaelifi Azariani, worra kaani ch'ufa ira, hayyu gammachisani. Duuba akanaani worri huji hayyu duude.

²⁰ Waan tateefu ka hayyuuni gaafatu ch'ufa, waan qaroomatiifi yokhaani ka hubachale taanaani, jari afrani kunini nama wo himufi falfaltu lafa inni mohatu keesa jirtu ch'ufa maro kud'ani ira wo beekha.

²¹ Danielini huji hayyu suni, haga Koreshini lafa Babiloni hayyu iti tahe, keesa tae.