Boha 4 - KITAABA WAAQA

¹ Worqiini teenna bibilit'uni ya boorajofte; d'akhaani Mana Waaqatini duri jaaranile firfirfame fulla ch'ufa kara keesa ch'iisa.

² Ilmaani Sioni duri nuti waan jabdu, worqi nuti fakaatti, amma tana yayu aka okote faarati heregani.

³ Yayileeni ilmaani ufi qorqorate hosifate, ammo worri kiyya akuma guchi ilmaani ufiti naasu inqamne jira.

⁴ Ilmaani worra garaachafi d'eebuuni duati lakisani; duuba ijoolleeni sagale kad'atti, ammo namu nahe inkennufi.

⁵ Nami duri nama ch'ufa ira sagale dadansa nyaatu ch'ufti garaachani, dira keesati hobau jira; worri duri machi keesa guddate, ch'ufti fulla huura sagale iti jissani keesa bubua qote barbadata.

⁶ Worri kiyya ya worra dira Sodoma ka ato worri imbeekatini harka Waaqatini bade ira gaargale.

⁷ Ilmaani hayyoota teennaleeni duri qulqullo adi ch'aama aka aananiti, gagabbo jajabdu, nafi fayya qabu.

⁸ Ammo amma kara dira keesa goblooli worraa, ka nami gargari imbenne, dooti guratesite gogafi lafeeni aka mukha wolti gogodde ufuma ch'iisaa.

⁹ Nami woraanani due, nama eegi suni, garaachani gaargale hobae ira gooma.

¹⁰ Gaafa gumi tiyya balleesani, waan hamtu taka inarginiti worra kiyyati bue, haawani ilmaani ufi d'alte naasu d'abde, d'aabate nyaate.

¹¹ AABBO Waaqi aka male dallane, gugubate, dallansu sunini d'ufe Sioni, ibida iti bobeese gube hobaase.

¹² Nami lafa gubba jiru tokoleeni, yokhaani hayyooti lafa d'ibileeni, aka nyaapi dandae fullo Yerusalemu, ch'abse seennu qara insehatu.

¹³ Ammo wonti woni sunini taatefi maro raagooti isi ch'ubbu tolchite, ammalle qaaloleni isiileeni nama wollaala inqamne d'iiga buufteefi.

¹⁴ Jaaroleeni worra gugurdoni aka balla kara gula jonjiti; ammalle nani tokoleeni botole d'iigati jed'e worrati d'iachu dide.

¹⁵ Biyyiti iti iyyite waan jetteni, Nura fagaad'a! Isani ya t'urooftani, nu intuqina! Jennaani worri kae lafa ch'ufa keesa mare, ka keessumoma nama tokole ira inargatini.

¹⁶ AABBO Waaqi worra firfirse, deebie qaabachu dide. Ammalle dubbi qaaloleefi raagoota, tufate.

¹⁷ Nu qarqaarsa eganne guyya ch'ufa iluma baamne gara inni d'ufufi laale. Ammo nu ufuftu gosa qarqaarsa womatu ka nu kennitu inqamne iraa wo eeganne.

¹⁸ Nyaapi nu eegate, nu karale gula worraa jenne yau dad'amne. Guyyaani keenna ya gabaabate, muummeeni teenna ya geete.

¹⁹ Worri risa waaqa ira barisu ira oriuti nu reeba. Gareeni irati faana nu d'ae lafa alooti ka nu imbeekatini tassa na qabe.

²⁰ Worri, hayyu AABBO Waaqi fohate, ka jireenna keenna, ka nu waan inni nyaapa ch'ufa nuraa d'owu seenne abdane qabe,

²¹ Isani worri Edomufi Usi amma haga dandeetani kobla gammada; badiini teesanileeni fago injirtu ya isani d'aqabu geete; isanileni amuma d'iotu ch'eeraani dadaaqa qulla yaatani.

²² Sionini ya gati daba ufi baafte tanaafi, AABBO Waaqi harka worra nu boojie keesaa gadi nu d'iisa. Ammo ee Edomu, AABBO Waaqi si gaargalche wollaala kanke diidati baasa.