Boha 3 - KITAABA WAAQA

¹ Anuma ch'allati d'aanicha ule Waaqa beekha.

² Inni na fuud'e dukana sipe keesa na buuse.

³ Maro heddu naasu male na d'aane na ijeese.

⁴ Inni fooni diimo diidati na baase lafe na ch'ach'abse.

⁵ Inni na qabe gaargalafi d'ipu hamtu keesa na buuse.

⁶ Ammalle irrumani dukana sipe dua keesa na teesise.

⁷ Inni sansalatani na hid'e aka nama qabani ka abdi baqatuni inqamne na tolche.

⁸ Yo anini qarqaarsa kad'ad'a lalabe iti bohule, Waaqi na ch'aqasu dide.

⁹ Ato anini daaqa deemu, naaboni d'akhaani jaarani na marsite deemu na d'owarte.

¹⁰ Aka gorjama na gaade aka nyeench'a nati kurupate,

¹¹ kara iraa na gorse gargari na ch'ire lafa na buuse.

¹² Guube ufi ta t'iya fud'ate t'iya ufitini na had'e.

¹³ Inni t'iya ufitini na woraane na fufulaanse.

¹⁴ Halkani guyya na koblani sirba keesati na goyeesani.

¹⁵ Bisaani had'ao laagati na naqe sagale had'ooftu irreeni nati guure.

¹⁶ Fuula lafati na rige ilkani ch'irachaani na ch'ach'abse.

¹⁷ Anini waan fayyaafi nagayafi gammadi qabu ya wollaale.

¹⁸ Tanaafi anini waan jed'e, Guyyaani kiyya ya hobae, gara Waaqale d'aabu inqabu.

¹⁹ Qaabachani d'ukubsacha tiyyaatiifi ka worra kiyya ka anini d'abe, yayu had'a nati taate.

²⁰ Anini hojja ch'ufa waan suni qabad'e garaani kiyya iraa hamaate.

²¹ Ammo hojja waan kana qaabad'e waan heregad'u qaba:

²² Jaalalaafi naasuuni AABBO Waaqa, ta ind'umne guyya ch'ufa inuma jirti.

²³ Jaalalaafi naasuuni sunini diirama ch'ufa hareeti, ammalle guyya ch'ufa injirti aka bari diirama.

²⁴ AABBO Waaqa male woma inqabu, tanaafi isa heregad'a.

²⁵ AABBO Waaqi nama isa d'ugeefate ch'ufati dansa,

²⁶ tanaafi yo obsani baafama isaa eegatani ira namaa jirti.

²⁷ Ammalle obsa kana yo ijoollumani barattani guddo dansa.

²⁸ Yo gaargali namati d'ufe, ch'allisani obsani koba ufira tau malani.

²⁹ Waaqa durati ufi diqeesu malani, d'aabuuni inuma jirtifa.

³⁰ Ato d'aanani arabsanile nami waan kana ch'ufa ee jed'e fud'achu male.

³¹ AABBO Waaqi naaso, haga jiru jireenna nama indidu.

³² Inni dandae laalala namatiini d'ufa, ammo jaalalti isaa ta inni nu jaalatu jaalala d'ugaati, ammalle jabdu.

³³ Inni laalefachafi d'ukubsacha namatiini d'ufu iraa ingammadu.

³⁴ Hojja hid'ansa keesati nama ch'ach'arasani AABBO Waaqi imbeekha.

³⁵ Hojja d'uga inni nu kenne nu d'owani, inni imbeekha.

³⁶ Hojja gaadisati nu dabsani, inni imbeekha.

³⁷ Fed'i AABBO Waaqa ch'allati guyya ch'ufa guutama.

³⁸ Wonti dansaafi hamtuleeni jechuma isaa gula taati.

³⁹ Nu maanifi gungumna, yo wollaala keenna jed'ani nu d'aanani?

⁴⁰ Koota me, aka dansa ufi qorre AABBO Waaqati deebina.

⁴¹ Nu garaa keenna banne Waaqa keenna ka gubba jiru kad'anne waan jennu,

⁴² Nu yayu ch'ubbamne si dinne AABBO Waaqa, atileeni nu inaraamne.

⁴³ Atini nu reebde nu fit'e, dallansuni tanteleeni naasu tante nuraa d'ossite;

⁴⁴ dallansuni tante suni ta aka dumansa siti gollite, kad'a teenna siti dabru d'owarte.

⁴⁵ Atini yayu huura wolti harani ka lafa ch'ufa nu tolchite.

⁴⁶ Nyaapi keenna ch'ufti yayu nu arabse nu miid'e.

⁴⁷ Gaargala hamafi badileeni nu qabate. Arrale soda lubbuti imbulu.

⁴⁸ Imimaani aka galaana ila keesaa na yaani waan gosa tiyya balleesanifi.

⁴⁹ Imimaani kiyya akuma laga yau yaani.

⁵⁰ Haga AABBO Waaqi nu ilaale nu arguti.

⁵¹ Hojja anini waan nad'eeni dira kana tolchani argu, garaani kiyya guddo laalefata.

⁵² Nyaapi kiyya ka womafu na injibbine akuma simpire t'ururaani qabani na qabe.

⁵³ Ato anini jiru boola keesa na buuse d'akhaani nati timfe.

⁵⁴ Bisaaleeni na liqimsani, ufi sodaad'e waan lubbuuni na keesaa baatu ufi sehe.

⁵⁵ Ka hunda boola suni jiru, ee AABBO Waaqa, anini siti bohe si kad'ad'e.

⁵⁶ Na d'agayi siini jed'e jennaani na d'ageete,

⁵⁷ na jalaa owaate, insodatini nani jette.

⁵⁸ Ee AABBO Waaqa, atini na qarqaaru d'ufte lubbu na baafte.

⁵⁹ Daba nati hojattani imbeeta, d'uga naa laali.

⁶⁰ Atini haalo nyaapi kiyya naa qabuufi aka worri nati malatu imbeeta.

⁶¹ Atini aka worri na arabse nati malate imbeeta, ee AABBO Waaqa.

⁶² Guyya gudda kana ch'ufa worri waan kiyya dubbate mala nati d'aata.

⁶³ D'ia bari ch'ufa na goyeesani.

⁶⁴ Ee AABBO Waaqa kiyya, akuma worri kunini na tolche kana worrale tolchi.

⁶⁵ Worra abaari ufi jibbisisi!

⁶⁶ Fulla ch'ufa barbaadi lafa ira hat'ai!