Bahisa 7 - KITAABA WAAQA

¹ AABBO Waaqi waan Musani jed'e, Anini Farao durati aka Waaqa si tolcha, oboleesi kanke Harunileeni, aka raaga kanketi, isati dubbata.

² Waan anini siini jed'u ch'ufa Haruniti himi; inni duuba gara Farao d'aqe, Worra gosa Israeli gad'iisi lafa Misiri keesaa baasi jed'aani.

³ Ammo anini garaa Farao jabeese, duuba hojja anini akheekha kiyyafi waan mama heddu lafa Misiri keesati garsiisele, Faraoni si inch'aqasu.

⁴ Anini gaargala gudda worra Misiriti buuse, duuba gosa tiyya ta Israeli dura deeme lafa suni keesaa baasa.

⁵ Eegi anini gaargala gudda worra Misiriti buuse gosa tiyya ta Israeli dura deeme lafa keesaa baase, worri Misiri aka anini AABBO Waaqa aka d'ugaa beekha.

⁶ Musafi Harunini waan Waaqi jed'eeni ch'ufa tolchani.

⁷ Gaafa worri Faraoni dubbate suni, ganni Musa saddeetama, ka Haruni saddeetami sadi.

Ule Haruni

⁸ AABBO Waaqi waan Musafi Harunini jed'e,

⁹ Hojja Faraoni, Waan mama tolcha, ufi garsiisa isaniini jed'u, atini waan Harunini jettu, Ule tante fuud'i, Farao durati lafa buusi, aka isiini bofa taatu.

¹⁰ Duuba Musafi Harunini gara Farao d'aqani, akuma AABBO Waaqi jed'eeni tolchani. Harunini ule ufii Faraofi hojattu isaa durati lafa buuse, uleeni taani bofa taate.

¹¹ Jennaani Faraoni worra qarootafi falfaltu wolti yaame, duuba worri sunileeni tolcha isaanitiini akasuma wa tolche.

¹² Worri suni ch'ufti ule ufii lafa jisse uleeni suni bofa taate, Ammo uleeni Haruni ule worra ch'ufa liqimsite.

¹³ Ammo ha taatuti, Faraoni garaa jabaate Musafi Haruni ch'aqasu dide, akuma qara AABBO Waaqi jed'eeni kaani.

D'iiga

¹⁴ Jennaani AABBO Waaqi waan Musani jed'e, Faraoni ya mataa jabaate worra gadi lakisu dide.

¹⁵ Tanaafi bori diirama, hojja Faraoni gara galaana Misiri d'aqu, atinileeni ule bofa taate taani fud'ad'i, afaani galaanati eegi.

¹⁶ Duuba waan atini isaani jettu, AABBO, Waaqi gosa Ebrania, gara kanke na erge waan jed'e, Worra kiyya galakisi, aka lafa aloo keesati na kad'atu; ammo haga amma atini ch'aqasu didde.

¹⁷ Duuba, Ee Hayyicha, AABBO Waaqi waan jed'u, Aka anini AABBO Waaqa akanaani beeta: Anini bisaani galaana Nile ule anini harka qabu tanaani d'ae, bisaani suni garagalani d'iiga tahani.

¹⁸ Qurt'umileeni indodooti, galaanileeni inajaa, aka worri Misiri dandae bisaani dansa argate keesaa ind'unne.

¹⁹ AABBO Waaqi waan Musani jed'e, Waan atini Harunini jettu, Ule tante fud'ad'u, bisaani lafa Misiri keesa jira ch'ufa ira olqabi, galaana taanaani, dambala taanaani, haro taanaani, fulla bisaani naqattu ch'ufa ira olqabi. Duuba bisaani lafa Misiri keesa jira ch'ufti d'iiga tahani. D'iigi sunini waan bisaani iti woraabani ch'ufa ka mukhaafi d'akhaani mid'aasani guuta.

²⁰ Jennaani Musafi Harunini akuma AABBO Waaqi jed'eeni tolchani. Faraofi hojattu isaa durati Harunini ule isaa taani olfuud'e bisaani galaana Misiri keesa jira d'ae, bisaani kaani ch'ufti d'iiga tahani.

²¹ Qurt'umiini galaana Misiri keesa jirtu ch'ufti raawatte, bisaani aka hama ajaani, worri Misiri d'ugu dad'abe. Lafti Misiri ch'ufti d'iiga taate.

²² Jennaani worri Misiri ka wo tolchu akuma suni tolcha ufii tolche, Faraoni akuma AABBO Waaqi qara jed'e kaani garaa jabaate dubbi Musafi Haruni d'agayu dide.

²³ Duuba inni kae worra ufiiti deebie waan kana garaati qabate womatu daru dide.

²⁴ Worri Misiri ch'ufti bisaani d'uguu barbaada d'aatu galaana qote, waan bisaani galaana Misiri d'ugu dad'abaniifi.

²⁵ Haga AABBO Waaqi galaana d'ae bulti torba bulani.