Bahisa 21 - KITAABA WAAQA

¹ Seeri atini worra Israeliti himtu kana:

² Yo isani nama Ebrania bitattani tisse tolfattani, inni ha haga ganna jaa tisse isanii tahu; ammo ganna torbeeso gad'iisa, inni ka waan tokole imbaamne ha isani biraa deemu.

³ Yo inni gaafa d'ufe niiti male d'ufe, gaafa deemule ha niiti male deemu, ammo yo inni niitiini d'ufe, gaafa deemu ha niiti isaa fud'ate deemuuni.

⁴ Yo nami inni hojatufi nad'eeni fuusise, niitiini suni ilmaani d'alteefile, nad'eenifi ijoolleeni ta abba fuusise suni; tanaafi tissichi suni ha kobuma deemu.

⁵ Ammo yo tissichi, Abba kiyyafi niiti tiyyafi ijoolle tiyya injaalad'a biraa deemu imfed'u jed'e,

⁶ abbaani isaa ha fuud'e fulla Waaqa iti kad'atani geese, mikhikila balbalati hirkachiise gurra isaa toko uru, aka inni haga jiru ch'ufa tisse isaa tahu.

⁷ Yo nami intala isaa aka tisse gurgure, isi aka tisse d'iira gad'iisu himmalle.

⁸ Yo nami isi bite suni qara fuud'u fed'e ammo eege isi jibbe, nami suni ha abba isi d'aleti gurguru; nami suni isii dandae nama gosa d'ibiti ingurguru, wonti akanatiifi inni ya qara waan hamtu isi tolche.

⁹ Yo nami tisse uwa bitate ilma ufii fuusise, ha akuma intala ufi d'ale tolfatu.

¹⁰ Yo nami nad'eeni lameeso fuud'ele, niitiini qara ha waan ch'ufa, sagaleefi gaad'ale, akuma duri argattu.

¹¹ Yo inni waan kana intolchiinifi inni ka worra isii woma iraa imfud'anne gad'iisuti.

Seera karmuraa

¹² Nama nama d'ae ijeese, isale ha ijeesani.

¹³ Ammo yo ijeechaani danu taate, ha lafa anini fohufiti baqatu, duuba achiti imbaha.

¹⁴ Nama dallansuuni beekhaa nama ijeese, ha isale ijeesani, ato inni fulla sorio iti na baasanile d'eete.

¹⁵ Nama abbaafi haad'a d'aane ha ijeesani.

¹⁶ Nama nama gurguracha yokhaani tisse tolfacha jed'e hate ha ijeesani.

¹⁷ Nama abbaafi haad'a arabse ha ijeesani.

¹⁸ Yo nami woldide toko d'akhaani yokhaani harkaani d'ae ka inijeesiini wa tolche, nama isa akana tolche suni woma intolchina. Ammo yo nami d'aani suni ch'iise;

¹⁹ eege ule d'ad'aabate deeme, nami isa d'ae suni ha buula kaye haga inni fayyuti qorqoratu.

²⁰ Yo nami tissicha yokhaani tissiti isaa uleeni d'aane ijeese isale ha wo tolchani.

²¹ Ammo yo tisseeni suni guyya toko lamati induiini, abba suni woma intolchani; wonti akanatiifi tisseeni suni hori isaati.

²² Yo nami d'iira woldide dida suni keesa niiti garaacha qabdu d'aani garaacha iraa baasani, ka ammo isiini waan d'ibi intahiini, nami isi d'ae suni ha waan d'iirsi isii fed'u baasuti, akuma jaarsi buufatu gula.

²³ Ammo yo niitiini suni wo taate, nama suni ha seera nama nama ijeese iti murani isale ijeesani,

²⁴ ka ila nama basse isale ha bassani, ka ilkaani nama keesaa baase isale ha keesaa baasani, ka harka nama iraa kute isale ha iraa kutani, ka miila nama iraa kute isale ha iraa kutani,

²⁵ ka nama gube isale ha gubani, ka nama madeesu isale ha madeesani, ka nama dirmameesu isale ha dirmameesani, seera akasi jed'ani suni gula wo iti murani.

²⁶ Yo nami tissiti isaa yokhaani tissicha isaa d'ae ila basse, nami suni ila inni basse suni jed'e ha tisse suni gad'iisu.

²⁷ Yo inni tissiti isaa yokhaani tissicha isaa d'ae ilkaani buqise, ha ilkaani inni buqise suni jed'e tisse suni gad'iisu.

Waan abbootini horii tolchuu malte

²⁸ Yo kormi looni gaafaani d'ae nama ijeese, isale ha d'akhaani ijeesani, fooni isale nami inyaatini, ammo abba woma iti imurani.

²⁹ Ammo yo kormi suni qara nama nyaate abbaaleti himatani abbaani nama iraa d'owu dide, you inni eegi suni nyaate nama ijeese, isaafi abbaale ha ijeesani.

³⁰ Ammo you aka lubbu ufii bitu abba suni hori iti murani, ha waan iti murani suni ch'ufa baasu.

³¹ Yo kormi ijoolle d'iiratifi ta dubrale ijeese, ha akuma seera qara kaani gula wo iti murani.

³² Yo kormi tissiti yokhaani tissicha ijeese, abbaani korma suni ha qarsi sodoma abba tisseleeti baase kormale d'akhaani ha ijeesani.

³³ Yo nami waan afaani boola ira kayani iraa fuud'e yokhaani boola qote woma afaani ira kayuu baate, ka duuba looni yokhaani harreeni ke buute,

³⁴ nami suni beese hori suni ha baasu. Inni ha beese abbaa kenne reefa hori suni fud'atu.

³⁵ Yo kormi nama toko korma nama d'ibi ijeese, worri suni lamaani ha korma korma ijeese kaani gurgure beese gargari qoodatu; ammalle fooni korma duele ha gargari qoodatu.

³⁶ Ammo yo qara kormi suni aka inni nama nyaatu beekhani, ka abbaani d'owe iti inch'ufatiini, abbaani suni ha namicha kaani korma d'ibi fulla kennu, ammo yo fed'e ha korma ijeesani kaani fud'atuti.