Bahisa 17 - KITAABA WAAQA

¹ Gumiini Israeli ch'ufti lafa aloo ta Siniiti kaate, akuma AABBO Waaqi jed'e gula Refidimu qubate; ammo artiti bisaani d'uganile d'abani.

² Jennaani worri Musati bohe waan jed'eeni, Bisaani d'ugani nuu kenni. Musani waan jed'eeni, Isani maafi gungumtani? Isani maafi Waaqa ilaalattani?

³ Ammo worri Israeli aka hama d'eebonnaani gungumsu lakisu dide waan Musani jed'e, Atini maalifi lafa Misiri keesaa nu baafte ijoolle teennafi hori keennale d'eebuuni hobaafte?

⁴ Jennaani Musani AABBO Waaqaati bohe waan jed'eeni, Anini worra kana maal tolcha? Worri ya d'akhaani na had'e na ijeesu gahe.

⁵ Duuba AABBO Waaqi waan Musani jed'e, Jaarole Israeli ta gari fuud'i, biyya dura dabri. Ule galaana Niletini d'oofte taanile fuud'i deemiini.

⁶ Anini achiti d'akha gaara Sinai ira tau ira eje isani eega; duuba atini d'akha suni d'ai, bisaaniti keesa baha, bisaani suni ha biyyiti d'uduti. Duuba Musani ila jaarole Israeli durati waan suni tolche.

⁷ Fulla suni maqa Masafi Meriba baaseefi; wonti akanatiifi worri Israeli Musa d'ugefachu dide AABBO Waaqa ilaalate waan jed'e, Isii, AABBO Waaqi jiddu teenna jira mo injiru?

Woraani Amalekitifi Israeli jiddu jiru

⁸ Worri gosa Amaleki Refidimuti d'ufe worra Israeli had'e.

⁹ Jennaani Musani waan Yoshuaani jed'e, Nama si woliini yae gosa Amaleki had'u nu fohi. Anini bori fiit'e gaaraa ira eje ule Waaqi, Fud'ad'i naani jed'e taani harkaa qabad'a.

¹⁰ Duuba Yoshuaani akuma Musani jed'eeni kaani tahe gosa Amaleki had'e, ka Musafi Harunifi Huriini fiit'e gaara ejaanjani.

¹¹ Hojja Musani harka olqabatu ch'ufa, worri Israeli worra Amaleki dabsate, ammo yo inni harka gadeefatu ch'ufa worra Amalekiti ka Israeli dabsate.

¹² Ammo Musani dad'abe harki iraa bue jennaani Harunifi Huriini d'akha fuud'anifi, inni ira tae. Duuba worri lachu gama gama isaa eje harka isaa olqabe, haga aduuni d'iituti.

¹³ Akanaani Yoshuaani worra Amaleki dabsate naasu male hobaase.

¹⁴ Jennaani AABBO Waaqi waan Musani jed'e, Waan woraani kana ch'ufa aka indeenne kitaaba keesa t'aafi Yoshuati soomi: anini gosa Amaleki ch'ufa imfit'a, aka iti deebiani maqa worraa lafa tana irati inqaabanne.

¹⁵ Musani fulla sorio iti qalani Waaqaa jaare maqa Yehova-Nisi baaseefi. Yehova-Nisi jechuuni AABBO Waaqi bandera kiyya jechu.

¹⁶ Ammalle Musani waan jed'e, AABBO Waaqi ya kakhate, aka d'aloota Amaleki akuma inni woli gula d'alatuni ch'ufa woraana iti buusu.