Bahisa 1 - KITAABA WAAQA

Aka worra Israeli lafa Misiriti gaargalchani

¹ Ilmaani Israeli ta isaafi worra isaani woliini lafa Misiri d'ufte tana:

² Reubeni, Simeoni, Lawi, Yuda,

³ Isakari, Zabuloni, Benjamini,

⁴ Dani, Naftali, Gadi, Asheri.

⁵ Nami Yakobooni d'ale ch'ufti wolti torbatama; ammo ilmi isaa Yusufuuni worra duratu lafa Misiri jira.

⁶ Jennaani Yusufufi oboleyaani isaa ch'ufafi d'alooti sunini ch'ufti hobaani.

⁷ Ammo d'alooti Israeli hore deebane lafa ira dabre lafa suni ch'ufa guute.

⁸ Jennaani nami d'ibiini ka Yusufu fuula imbeenne hayyuma argate lafa Misiri fide.

⁹ Inni waan gosa isaatini jed'e, Me ilaala, worri Israeli kunini ya heddate irre argate, hegeri nufa dabsata.

¹⁰ Yo hegeri woraani d'ufe, worri nyaapa keennafa kalche nu had'e nu duraa baqata. Tanaafi koota, mala d'aane worra horu d'owarra.

¹¹ Tanaafi worri Misiri nama irreeni worra Israeli hojachiisu, ka worra dabse waan ulfo baachisiisu, iti tolche. Duuba worri Israeli dira Pithomufi Ramesesi Farao jaare, aka inni keesati wo olkeyatu.

¹² Ammo akuma gaargali worri Misiri worra gaargalchu worrati guddatuni, hormaati Israelileeni guddate lafa ira dabre fulla ch'ufa gahe. Tanaafi worri Misiri worra Israeli jibbe sodaate.

¹³ Duuba worri guddo worra Israeli gaargalche naasu male worra hojachiise.

¹⁴ Huji jabdu ta d'oqe supani matofaara mid'aasani iti kennani oobrule hojachiisani, akasiini jireenna worraa yakani huji tana ch'ufa keesa naasu d'abaniifi.

¹⁵ Jennaani hayyichi Misiri nad'eeni nad'eeni Ebrania deesiftu, ta Shifrafi Pua jed'ani, dubbise waan jed'eeni,

¹⁶ Hojja nad'eeni Ebrania deesiftani, aka daimi dubrafi d'iira gargari hubad'a; yo d'iira taate ijeesa, ammo dubra yalabaha.

¹⁷ Ammo nad'eeni taani Waaqa sodaatte waan hayyuuni Misiri jed'e guutu didde ilmaani d'iira inijeemne lakifte.

¹⁸ Duuba hayyuuni Misiri deesiftu nad'eeni taani wolti yaame waan jed'eeni, Isani maafi ijoolle d'iira ijeesu diddani waan akana taatani?

¹⁹ Deesiftuuni taani waan Faraoni jette, Wonti nu akana taanefi nad'eeni Ebrania aka nad'eeni Misiri injirtu; isiini yoosu sablatti, ato deesiftuuni ind'umne.

²⁰ Duuba Waaqi deesiftu suni eebise, worri Israelileeni heddate jabeenna argate.

²¹ Waan deesiftuuni taani Waaqa sodaattefi, inni ilmaani kenneefi.

²² Jennaani Faraoni waan gosa isaatini jed'e, Ilma d'iira ka Ebrania ka d'alatu ch'ufa galaana Nile keesa buusa, ammo dubarti ha guddattuti, lakisa.