Abba herega 8 - KITAABA WAAQA

¹ Eentu nama qaro fakaata? Eentu waan dubbini ch'ufti jettu beekha? Qaroomi hameenna nama ira balleese nama mid'aasa.

Hayyuu saalfad'a

² Waan hayyuuni jed'e tolchi, heredde male Waaqa durati woma inkakhatiini.

³ Hayyuuni waan fed'u tolcha, tanaafi isa biraa deemu malte; fulla soda ta akana tana keesa intaiini.

⁴ Dubbini hayyuu jabeenna qabdi; eentu, atini maafi waan kana tolchita? Jed'e isa gaafata?

⁵ Nami dubbi isaa guutu woma intahu, qarooni dubbi suni aka guutufi hojja guutule imbeekha.

⁶ Hojafi karaani dansaani wo tolchani injira, ammo beekhi namaa diqa!

⁷ Nu nami tokoleeni ka waan taha beekhu injiru, yokhaani nami nuti himuleeni injiru.

⁸ Nami tokoleeni ka dandae duu ufi d'owe guyya isaa dabarfatu injiru. Sunini woraana, nu nami tokoleeni dandae duraa imbaane; nu diqole duraa ufi baasu indandeennu.

Ch'ubbichafi qajeela

⁹ Anini gaafa waan lafa tana irati tolchani herege, wonti anini arge, nama gari ka jabeenna qabuufi nama gari ka worra suni jalati gaargalu arge.

¹⁰ Anini nama hamama awaalani arge, ammo nami worra awaale biraa galu, ato karaa yau, diruma worri duri hameenna keesati tolche keesati dansuma worraa dubbata. Tunileeni woma imbaatu.

¹¹ Nami maanifi yoosu ch'ubbu tolcha? Maro ch'ubbu worraa hurrisani qorani wollaala iti imurreefi.

¹² Ch'ubbichi dandae maro d'ibba toko hameenna tolche iraa hafe lubbu bula. Anini waan nami jed'u imbeekha; hojja atini Waaqa sodaatte woma intaatu,

¹³ ammo ch'ubbichi wo taha. Jireenni isaa aka gaandidu jira, inni yoosu dua, waan inni Waaqa insodaanneefi jed'ani.

¹⁴ Ammo tunileeni dubbiniti, d'ara. Me, waan lafa keesati tahe, laala: hojja gari nami qajeelani fulla ch'ubbicha gaargala argata, ammalle ch'ubbichileeni fulla nama qajeela galata argata. Anini waan jed'u, Tunileeni woma imbaatu.

¹⁵ Tanaafi wonti anini arge, nami ufi macheesu male; wonti akanatiifi gammachuuni inni jireenna kana keesa qabu nyaatafi machi ch'alla. Ato inni haga Waaqi lubbu isaa lafa tana irati bulchu hojatu, yo waan d'ibi dad'abele waan kana tolchu indad'abu.

¹⁶ Gaafa anini duri qarooma barbaade waan lafa keesati tolchani barachaa iti game, wonti anini hubad'e, ato nami halkani hiriba ufi d'owe taa bulele,

¹⁷ dandae waan Waaqi tolchu inhubatu. Ato nami haga fed'u barbaadele inargu. Nami qarooleeni ato, Imbeekha jed'ele dandae imbeekhu.