Abba herega 5 - KITAABA WAAQA

¹ Hojja Mana Waaqati kad'achu d'at'u ufi eegad'i; yo wo baracha Mana Waaqa d'at'e ira sii jirti, fulla atini aka worra daalle, ka d'araafi d'uga gargari imbeenne, sorio baaftu.

² Hubatte male indubbatiini, ammalle herega male, Waaqaa wo tolcha injed'ini. Inni gubba jira, atini lafa jirta, tanaafi waan jechu malte male, dubbi ind'eerisiini.

³ Akuma atini waan guddo yaadduuni, akasuma oobju hamtu oobjatta; ammalle akuma dubbi guddattuuni, daallumti siti guddatti.

⁴ Yoyu atini Waaqa wo kakhatte, kakhu suni hurrisi guutiifi; inni daalle woma ira inqabu, tanaafi atini waan kakhatte suni guutiifi.

⁵ Fulla kakhu dandeete inguunne kakhattu, yo afaani qabatte ufira teete, ira sii jirti.

⁶ Arabi kanke ch'ubbu keesa si imbuusini, aka hegeri kakhu tante tana ergattu Waaqa durati imormanne. Maafi Waaqa ufiti dallansiifta? Maafi aka inni huji atini tolchitu balleesu iti lakifta?

⁷ Ato guddo oobjatte, huji woma keesa injirre hojatte, yokhaani dubbi d'eeratele, Waaqa sodaachu malte.

Jireenni woma namaa imbahu

⁸ Hojja atini lafa toko keesati hiyyeesa dabsani d'ugaafi qajeeluma d'owani argite, imamiini. Nama gudda ch'ufa nama isa ira jiruti tissa, ammo worra lachule nama worra ira jiruti tissa.

⁹ Hayyuleeni waan lafti baaftu male injiraatu.

¹⁰ Nami beese jaalatu inquufu; nami durooma barbaadu waan fed'u ch'ufa inargatu. Tuninileeni woma imbaatu.

¹¹ Akuma nami hori gudda qabuuni, nama heddu nyaachisa. Tirfiini inni waan kana iraa qabu maani? — Agarta ila male.

¹² Nami harkaani hojatu, yo waan diqofi guddo nyaatule, hiriba dansa halkani ind'abu. Dureesi ammo ato waan nyaatu guddole qabaate yaadaa imbulu.

¹³ Wonti hamtuuni toko ta anini lafa tana keesati arge tana: nami beese guddo woi jed'e olkayu,

¹⁴ duuba mudani iti galte, waan ilmaani isaa iraa d'aaltule d'aba.

¹⁵ Nami akuma qulla garaa haad'aa keesaa bahe, akasuma lafa tana iraa dua. Ato inni hojate waan guddo qabaatele, gaafa duu harkuma duwa biraa deema.

¹⁶ Akasi qajeelaniti, ka nami akuma d'ufe deebiu! Inni guddo hojate qilleensa qabichati game, maani argate re?

¹⁷ Inni dukana keesa laalefachafi gaargalafi dallansufi fayyad'abaani taa.

¹⁸ Wonti anini arge tana: wonti waan ch'ufa ira dansa, ka namu tolchuu male, aka waan hojate argate nyaate d'uge gammaduuni, haga bulti gabaabdu Waaqi kenneefi tana jiru; jiruuni namaatu tanuma.

¹⁹ Yo Waaqi duroomafi qabeenna namaa kenne nama macheese, nami sunini sila galata isaa deebise, waan hojate kaale iraa gammadu male. Tunini ch'ufti kenni Waaqaati.

²⁰ Waan Waaqi isa gammachiiseefi, inni jireenna isaa gabaaba kana guddo iyyaadu.