Abba herega 2 - KITAABA WAAQA

¹ Anini waan ufiini jed'e, Eega, nyaad'e d'uge ufira tae gammada. Ammo waan anini arge, suleeni woma imbaatu.

² Anini waan arge, kobli daalluma, machileeni nama yakiti.

³ Ato qarooma barbaaduma barbaadu, anini farso d'uge ufi owise ufi gammachiise. Anini waan sehe, karaani kunini kara dansa, ka nami haga jireenna gabaaba lafa tana gubba jiru tauu male.

⁴ Anini waan guddo tolfad'e, mana jaarad'e, zabibule oobrad'e.

⁵ Anini oobru oobrad'e, mukha mid'aani heddu keesati oobre;

⁶ qaba keesati qote, fulla bisaani keesaa iti yaanile mid'aase.

⁷ Anini tisse heddu, d'iirafi uwale, bitad'e, ammalle tisseeni hedduleeni worra kiyya keesati d'alatte. Anini nama Yerusalemu duri keesa jirule ch'ufa ira loonifi reele qaba.

⁸ Anini qarsifi worqi, ta lafa anini mohad'u keesati olkayani, ch'ufa guurad'e wolti tuule. Sirbitu d'iirafi nad'eenile qaba, nad'eenile haga d'iirti feetu ch'ufa inqaba.

⁹ Akanaani anini jabaad'e nama Yerusalemu keesati d'alate ch'ufa bira dabre, ammalle beekhi kiyya taka na iwollaachimne.

¹⁰ Anini waan fed'u ch'ufa inargad'e, waan ilti tiyya d'araatufi ch'ufa inquubse, gammachu tokole ufi ind'owarre, wonti anini hojad'e ch'ufti na gammachiifti. Wonti anini argad'e kunini ch'ufti galata huji tiyya.

¹¹ Jennaani eegi suni huji tiyya aka isiiti d'ibame hojad'e herege, ammalle aka wonti suni tokoleeni woma keesa injirre hubad'e. Fakeenna, isiini akuma qilleensa gussani jirti — woma keesa injirtu.

¹² Qarale hayyuuni woma hayyuuni d'ibiini qara tolche male dandae waan d'ibi intolchu. Duuba anini eegi suni waan qaroomafi maraatufi daallumti qabdu herege.

¹³ Ee, anini imbeekha, qaroomi daalluma ira dansa, akuma ifsaani dukana ira dansaa.

¹⁴ Nami qarooni gara deemu beekha, ammo daalleeni imbeekhu. Yo akasile taate, anini imbeekha, aka nama ch'ufa dooti eegattu.

¹⁵ Anini herege waan ufiini jed'e, Yo wonti daalle qabata nale qabatu qaroomi kiyya maani na baha ree? Woma tokole na imbahu.

¹⁶ Nama qaro inqaabatani, daallele inqaabatani. Takaa tana nama ch'ufa inded'ani. Nami ch'ufti akuma takaa dua, qaroofi daallele inqabdu.

¹⁷ Tanaafi anini jireenna jibbe; wonti akanatiifi gaargala male woma ira ingargatani. Jireenni woma keesa injiru, seeruma nama qilleensa gussuuti.

¹⁸ Anini waan huji hojad'eefi ch'ufa ya gaabe; wonti akanatiifi anini imbeekha, namuma d'ibi eege tiyya d'ufuti lakisa.

¹⁹ Eentu beekha — inni qaro taanaani yokhaani daalle taanaani? Ammo ha taatuti, waan anini hojad'eefi ka qaroomi kiyya lafa tana irati naa kenne ch'ufti isumaa hafti. Tokoleeni woma imbaatu.

²⁰ Tanaafi huji hojad'e suni ch'ufa gaabe.

²¹ Nami qaroomafi beekhumafi oguma ufitiini hojate, duuba eege nama waan suni inhojatiiniti lakisa. Aki kunini woma imbahu, ammalle daba!

²² Nami hojate jireenna ufi keesa heregaani deeme maani iraa argata?

²³ Nami haga jiru ch'ufa heregafi gaargala qaba. Halkanile qalbiini isaa imbultu; tuleeni woma imbaatu.

²⁴ Wonti namaa ira jira aka inni waan hojate nyaate d'uge gammaduuni. Ammo anini ya hubad'e, aka tunileeni Waaqa iraa d'uftu.

²⁵ Waaqa male nami eesa waan nyaate d'uge gammaduuni argata?

²⁶ Waaqi qaroomafi beekhumafi gammada nama isa gammachiisuu keenna; ammo inni nama daba hojachiise, aka waan inni argateefi waan olkeyatu nama Waaqa gammachiisuu kennani. Tunileeni woma imbaatu, seeruma nama qilleensa gussuuti.