Aayubu 6 - KITAABA WAAQA

¹ Jennaani Ayubuni waan jed'e:

² Hojja sila d'ipufi gaargala kiyya biimani,

³ isiini maansa galaanale ch'ufa ira ulfaati. Tanaafi dubbini akanumati na keesaa yaatu tunini isani imamsisiini.

⁴ Waaqi guddaani ya t'iya ufiitini na woraane, had'ani isii ya nafa ch'ufa na qabatte. Waaqi ya waan nama mudamsiisa fuula nati deebise.

⁵ Harreeni diida, yo buuyo quuftu, imbaroodi? Qotiyooni yo okhaya qabdu imarrati?

⁶ Ammo eenuti dandae sagale soodda inqamne soorata? Eenuti dandae oota okhokaani mieefate nyaata?

⁷ Anini sagale akasi dandae insorad'u, fayya na d'owarti.

⁸ Waaqi maanifi waan anini fed'u naa kennu dida? Inni maafi kad'acha tiyya ind'ageenne?

⁹ Ato inni na ch'arase gargari na ch'ire, guddo dansa!

¹⁰ Ato sila aka inni akasi tolchu beekhe olch'ech'e gammada, ato guddo d'ukubsachu jiraad'ele. Anini imbeekha Waaqi qulqullo, anileeni taka dubbi isatini imorkine.

¹¹ Anini irree maani qaba ta jiraad'uuni? Ka d'aabu womatu inqamne akami tae obsa?

¹² Anini d'akhaa? Nafa kiyya sibiilani mid'aasani?

¹³ Irreeni anini ufiini baasu na keesati inhamne; fullaani anini qarqaarsa iraa argad'u injirtu.

¹⁴ Nami gaargala akana kana keesa jiru jaalani dansa fed'a, ato inni Waaqa gudda sodaachu batele.

¹⁵ Ammo jaalani tiyya, isani laga fakaatani, ka hojja bokaya inqamne gogogu.

¹⁶ Lagi suni qara bisaani qabanao qaba,

¹⁷ ammo yo boni d'ufu bisaani sunini fooqatani lagi suni duwa tahe gogoga.

¹⁸ Nami karaa yau, ka bisaani barbaadu, karaa iraa gore bada; worri lafa mare lafa aloo ta gamooji keesati hobaha.

¹⁹ Nami karaa yau, ka Shebafi Tema yau, bisaani d'ugu abdata,

²⁰ ammo abdiini sunini d'aatuma laga bisaani inqamneeti, worra ira baddi.

²¹ Isani laga suni nati fakaatani, isani baddi tiyya agartani naraa rifattani.

²² Anini qara ya wo isani kad'ad'e? Yokhaani nama naa gumbeesa ya isaniini jed'e?

²³ Yokhaani harka nyaapatifi ka worra na dabsu ya, keesaa na baasa isaniini jed'e?

²⁴ Hayye, me na barsiisa, wollaala kiyya na garsiisa. Anini ch'alliseti isani ch'aqasa.

²⁵ Dubbini d'ugaa nama tut'i, ammo dubbini teesani maani namaa baati?

²⁶ Isani yo woma qilleensi na keesaa yau seetani, maafi dubbi tiyya ta ufi jibbaata na jalaa qabdani?

²⁷ Isani hit'a buufatani hiyyeeyi bitatani. Jaala keesani ka isaniti aanule dabsitani waan isaa nyaatani!

²⁸ Me aka dansa fuula keesa na laala; anini nama d'ara dubbatuuniti.

²⁹ Dubbini teesani ya naa geete, deebitani na indabsina, lakisa. Anini d'uga qaba, wollaala nati imurina.

³⁰ Araaba kiyyati ch'ubbu qaba? Afaani kiyya d'araafi d'uga gargari imbeekhani?