Aayubu 5 - KITAABA WAAQA

¹ Yo feetu yaami, ammo eenuti sijala owaata? Malaikaani atini qarqaarsa iraa argattu jirti?

² Laalefachaani daalle ijeefti, d'iibiini sirgo balleesiti.

³ Anini daalle qutuma dansa qabdu arginaani, maro tokotu isa abaare.

⁴ Ilmaani isaa maro tokotu qarqaarsa d'abde, gaadisa dubbiti nama worra dubbatu d'abani.

⁵ Nami beela qabu mid'aani daalle nyaata mid'aani qoraati keesati baheele nami d'eebu qabuleeni horifi isa d'iibifata.

⁶ Hameenni biyye keesaa ind'ufu, gaargalileeni lafa keesaa imbahu.

⁷ Akuma qaanqeeni ch'ech'eetu, namileeni gaargalati d'alata.

⁸ Yo sila anini si taate, anini Waaqa yaamad'e, gaargala kiyya iti himad'a.

⁹ Inni waan jabdu mama ka nami dandae inhubanne, tolcha.

¹⁰ Inni bokaya namaa roobe, oobru namaa jiisa.

¹¹ Ka nama irre inqamne olfuud'e nama bohu gammachiisu Waaquma.

¹² Inni mala malticha balleesa aka harki isaa woma inarganne.

¹³ Inni jaarole mala dura balleese, herega worrale d'aanfa.

¹⁴ Worra suni guyyaani dukanti ira buute, guyya guddaani aka nama halkani deemu jonjani.

¹⁵ Ammo Waaqi hiyyeesa dua keesaa baase, harka nama worra dabsule keesaa baasa.

¹⁶ Akanaani hiyyeesi abdi argate ch'ubbichale afaani qabachisani.

¹⁷ Nami Waaqi gorsu ayyaana qaba! Yo Waaqi guddaani sii qajeelchu, intufatini.

¹⁸ Waaqi si madeese ammalle qorsa sii mat'ansa inni wo si tolche harkuma ufiitini si fayyisa.

¹⁹ Inni maro heddu gaargala keesaa si baase, duuba deebie gaargali si inqabatu.

²⁰ Yo oolaani buute, inni duu si d'owe guyya woraanale lubbu si baasa.

²¹ Inni nama si arabsu sira d'owe, hojja badiini d'uftu duraa si baasa.

²² Atini yo woraanafi beelti d'uftu inkofaltta, bineensa alaale insodaatu.

²³ Oobruuni atini qotatuleeni d'akha inqabdu, bineensi alalleni deebie si inhad'u.

²⁴ Gaafasi atini nagayumani mana keetiti galta; yo ree tante toatule tokole keesa ind'abdu.

²⁵ Haguma buuyooni geetu, ilmaani teetileeni lafa ira dabarte, hagasi geeti.

²⁶ Akuma dargayeeni baate fulla geete billachaatu, atinileeni jaarte fulla geete doota.

²⁷ Nu jaarole waan kana ganna heddu teeneti baranne, dubbini teenna d'uga, fud'ad'i.