Aayubu 37 - KITAABA WAAQA

¹ Bokeeni sunini onne tiyya chochoosa.

² Isani ch'ufti qonqo Waaqa ch'aqasa, mandisu afaani isaa keesa baatu.

³ Inni angaasu muumme lafa tana fuud'e, taaniti d'aabe, gubbaati angaa.

⁴ Duuba eege, qonqo isaa ta manditu, d'agayani, qonqo mandisu guddo, ta yo ch'ufa angaasuuni woliini jirtu.

⁵ Jecha Waaqaa gula wonti mama taati, wonti taka inargini, ta nami dandae inhubanne.

⁶ Inni hagayyaani, roobi jed'e, gannaani, gabad'i jed'a.

⁷ Inni huji nama ch'ufaa ejachise, aka huji hojatu nama garsiisa.

⁸ Bineensileeni goda ufiti baqata.

⁹ Bubbeeni jabduuni bitaa d'ufte, d'aamochi hamani mirgaa d'ufa,

¹⁰ hafuuri Waaqa bisaani qabaneese d'akha tolcha.

¹¹ Angaasuuni dumansa keesa angaati,

¹² ato dumansi fed'i Waaqa gula gubba deemu. Dumansi suni fed'i Waaqa gula fulla ch'ufa yaa.

¹³ Waaqi bokaya lafati rooba; bokeeni sunini gaargala namaatiini d'ufa, yokhaani eeba namatini d'ufa.

¹⁴ Ayubu me miila d'abad'i, waan mama ka Waaqi tolchu heregi.

¹⁵ Atini aka Waaqi dubbate angaasu dumansa keesa angau imbeeta?

¹⁶ Atini aka dumansi gubba deeme, qalbi Waaqaa guddo garsiisu beeta?

¹⁷ Atini gaafa qilleensi bitaa lafa balleesu, ufuma teete owani doota.

¹⁸ Atini dandeete Waaqa qarqaarte, gubba ballifte jabdu aka sibiila diima tolchita?

¹⁹ Waan nu Waaqaani jechu male nu barsiisi: nu dukanuma keesa jira waan jennu imbeennu.

²⁰ Aka anini Waaqaani dubbachu fed'u iti himani? Nami tokoleeni Waaqaani na balleesi injed'a? Amma tana nami tokoleeni dandae adu ilaalu.

²¹ Isiini bibilit'eti ilati nama ejiti; bubbeeleeni yayu gubba harte qulqulleesite.

²² Waan aka worqi bibiliqa mirgati argani, guddinni Waaqa nu mamsiisa.

²³ Nu dandeenne Waaqa gudda ind'aqamnu, jabeenna isaa dandeenne iti ind'iaannu; inni nama indabsu, d'uga gula nama qajeelcha.

²⁴ Tanaafi aki nami ch'ufti isa sodaatu mama inqabdu, wonti akanatiifi inni nama qaro ufi sehu woma ira inqabu.