Aayubu 31 - KITAABA WAAQA

¹ Anini yayu kakhad'e, aka ato dubra argele ind'araanefi.

² Waaqi guddaani maani nu tolcha? Huji namati jed'e maani namaa kenna?

³ Inni nama waan hamtu tolche gaargalaani iti d'ufe imballeesu?

⁴ Inni kara kiyya arge ejata kiyya ch'ufa haga imbeekhu?

⁵ Yo anini ch'ubbu hojad'e, kiyyibaani deeme nama sobe —

⁶ Waaqi ha d'ugaani qore, aka anini ch'ubbu inqamne arguuti.

⁷ Yo anini kara iraa gore ilti tiyya ch'ubbu keesa na buufte, yokhaani harki kiyya t'urae,

⁸ oobru tiyya ha balleesani, yokhaani nami d'ibiini waan anini oobrad'e ha nyaatu.

⁹ Yo anini taka nad'eeni biyyaati d'arae, balbala jalati d'okhad'e eege,

¹⁰ niitiini tiyya ha nama d'ibi sagale d'aabde sire isaa ira woliini rafaniti.

¹¹ Hameenni akasi sunini waan duati nama geesa.

¹² Woni suni sila ibida wo balleesu, ka fulla duati wo geesu, ka hori kiyya ch'ufa gubu fakaati.

¹³ Yo anini hojattu tiyya ta uwatifi ta d'iirale gaafa worri na himate dabse,

¹⁴ hojja Waaqi na gaafate anini maani taha? Hojja Waaqi dubbi suni barbaade anini maani jed'aani?

¹⁵ Namuma na uumeeti worrale uumeniti? Namuma takati nu d'aleeniti?

¹⁶ Anini taka hiyyeesa qarqaaru indinne, yokhaani nad'eeni hiyyeeyile nahu indinne

¹⁷ yokhaani taka sagale tiyya koba nyaad'e ilmaani haad'afi abba inqamne ind'owanne.

¹⁸ Haguma kaimoma kiyyati anini akuma abba ilmaani suni guddise nad'eeni hiyyeeyile qorqorad'e.

¹⁹ Hojja nama hiyyoomate woya bitachu dad'abe arge

²⁰ anini woya liilani dabasa hooliye tiyya iraa mid'aasani kenneefi. Duuba inni garaa isaa ch'ufaani na eebise.

²¹ Yo waan anini jaarole dubbi qortu beekhufi anini ilmaani haad'afi abba inqamne dabse,

²² harka kiyya ha ch'absani, gurmu tiyya ira ha buqisani,

²³ waan Waaqa sodaad'ufi anini waan akana dandae intahu.

²⁴ Anini taka worqi dugeefad'e abdi intolfanne,

²⁵ yokhaani, hori gudda qaba jed'e taka inkiyyimne.

²⁶ Anini taka ifsa adutifi mid'aaguma jia jaalad'e inkad'anne.

²⁷ Anini taka soba nami na sobe aduufi jia harka iti qabi d'ungad'i guddisi naani jed'e, gula imbaane.

²⁸ Ch'ubbuuni akasi sunini waan nama ijeesaati, ta Waaqa gudda mormatani.

²⁹ Hojja nyaapi kiyya gaargala argate d'ipate bade, anini taka ira ingammanne;

³⁰ anini taka, Waaqi isani ijeesinna jed'e worra inabaare.

³¹ Nami na hojatu ch'ufti imbeekha, aka anini keessuma gololchu.

³² Anini nama imaltu deemu taka ka mana kiyya imbulchini alaati illakimne.

³³ Biyyiti daba ufi d'ossiti, anini ammo taka kiyya ind'ossine.

³⁴ Anini taka dubbi biyya sodaad'e ch'allise manati inhamne maro goyeesa worra sodaad'ufi.

³⁵ Nami tokoleeni dubbi tiyya inch'aqasu? Anini inkakhad'a, aka dubbini tiyya d'ugaa. Waaqi guddaani ha naa himuuti.

³⁶ Ato sila waan nyaapi kiyya naani himate t'aafani na garsiisani, anini sila gurmu tiyya irati baad'e, aka sure matati marad'e kiyyibaani.

³⁷ Anini sila waan tolchu ch'ufa Waaqati hime, aka nama guddaa isa dura eja.

³⁸ Yo anini lafa qotad'u hate, irreeni abba isii iraa fuud'e,

³⁹ yokhaani yo anini sagale oobru suni keesaa baatu nyaad'e, abba oobru suni beelaani ijeese,

⁴⁰ fulla sila dargayefi garbu, buuyofi qoraatini ha oobru suni keesati baatu. Dubbini Ayubu asi buufatti.