Aayubu 29 - KITAABA WAAQA

¹ Jennaani Ayubuni ammalle dubbi fuud'e waan jed'e:

² Ato sila finni kiyya aka duri gaafa Waaqi na qorqoratu kaani jiraate, akami dansa!

³ Gaafasi Waaqi na woliini jira, inni ato anini dukana keesa deemu ifsa naa kenne.

⁴ Gaafasi gaafa anini jabeenna qabu, ka Waaqi jaala naa tahe worra kiyya eebise.

⁵ Waaqi guddaani gaafasi na woliini jira, ilmaani tiyyale ch'ufa gaafasi wolumaani teenna.

⁶ Gaafasi anini aanani quufe, qoda worra kiyya ch'ufa itituni guute; mukeeni tiyya ta ejersaleeni d'akhale ch'ufa gubbaati baati;

⁷ yo anini kora jaarolee dira d'aqe keesa tae,

⁸ nami diqaani ch'ufti olkae na dura gora, jaaroleleeni na ulfeesite oli naa kaati.

⁹ Nami nama dura yauleni ch'allise afaani qabata;

¹⁰ nami gurra qabuleeni ch'ufti akanumati ch'allise ufuma ch'iisa.

¹¹ Nami na d'agaye dansuma tiyya dubbate, nami na argeleni quufa kiyya dubbate.

¹² Yo hiyyeesi nati bohe anini inqarqaare, ilmaani hiyyeeyile gaargala keesaa baase.

¹³ Nami duu jiruleeni na eebise, anileeni haad'a hiyyeesale gammachiise.

¹⁴ Anini d'uga aka woya uyifad'e, aka sure matati marad'e.

¹⁵ Anini ballaa ila tahe, naafa miila tahe.

¹⁶ Anini hiyyeesa abba tahe, nama fuula imbeennele ch'ufa qarqaare.

¹⁷ Anini irre nama nama dabsu balleese, nama inni dabsule baase.

¹⁸ Anini waan guyyaani kiyya d'eerate nagayaani worruma kiyya keesati duu sehe.

¹⁹ Anini aka mukha hiddi isaa bisaani quufe jira, ka dameeni fit'eesoftu.

²⁰ Nami ch'ufti hojja ch'ufa dansuma tiyya dubbate, guyyaani toko ka anini jabeenna d'abe injiru.

²¹ Hojja anini biyya gorse, biyyiti ch'allifte aka dansa dubbi tiyya ch'aqafte;

²² yo anini dubbi buufad'e, nami deebie dubbatu injiru. Dubbini tiyya akuma bokai lafa seenu qalbi namaa seente;

²³ nami ch'ufti dubbi tiyya jaalate eege, akuma nami oobru bokaya ganna eegatu.

²⁴ Gaafa worri garaa laafe, anini worrati qumaade garaa jabeese.

²⁵ Anini gudda worraa tahe, kara worri deemu fohad'e; akuma hayyuuni duula ufitini deemu, worraani deeme, hojja worri ufi jibbaate, garaa worraa jabeese.