Aayubu 26 - KITAABA WAAQA

¹ Jennaani Ayubuni waan jed'eeni:

² Qarqaarsi atini nama hiyyeesa laafa aka kiyya kana kennitu kana?

³ Atini daalle aka kiyya kana akana gorsite, qarooma kanke garsiifta?

⁴ Atini mala keeti, waan nami dubbi tante tana ch'ufa d'agayu jiru seeta? Eenuti dubbi tana si dubbisise? (Bildadi)

⁵ Ekheraani bisaani lafa jala keesa jirtu holate,

⁶ fullaani Ekheraani teetu Waaqa durati imbanamti; wonti tokoleeni ka fulla ekheraa suni Waaqa d'ossa injirtu.

⁷ Inni gubba gama mirga ballise, lafa akanumati ka womati infannisiini raraase.

⁸ Nami dumansa bisaanini d'ud'ufeesu Waaqa, inni dumansa ulfinna bisaanitini tarsauu d'owa.

⁹ Inni goobana dumansaani d'osse,

¹⁰ naanno baariini gubbaati mid'aase akasiini ifsafi dukana gargari qoode.

¹¹ Utubaani gubba chochoe holata, hojja inni mudamsiisu.

¹² Irreeni isaa baariini dabsate, qalbiini isaa goorjama Rahabu jed'ani gargari ch'irte.

¹³ Hafuura isaati goorjama baariini ka baqatu ijeese.

¹⁴ Ammo tunini jabeenna isaa haguma diqa toko nu garsiifti; wonti isaa ka nu ind'agiyiini, guddoti hafe! Eenuti dandae d'uguma jabeenna Waaqa haga beekha?