Aayubu 23 - KITAABA WAAQA

¹ Jennaani Ayubuni waan jed'eeni:

² Anini ammalle gungumsuufi morkiti Waaqaani morku yala imbahu, yokhaani waachule illakisu.

³ Ato anini sila fulla inni jiru beekhe fulla inni tahu d'aqe, akami dansa!

⁴ Anini waan kiyya ch'ufa iti himad'e, aka dansa afaani kiyyaani ufii dubbad'a.

⁵ Anini waan inni naani jed'ufi aka inni na jalaa qabu beekhuu fed'a.

⁶ Waaqi irre ufii ch'ufaani na dida? Akasiniti, inni dubbi tiyya inch'aqasa.

⁷ Anini nama d'ugaati; dandae waan kiyya Waaqati himad'a; inni dubbi tiyya qore, d'uga naa mura.

⁸ Yo anini barbaada isaa ilaboru deeme inni achi injiru yo ila adu deemele achiti inargu.

⁹ Hojja inni mirgaafi bitaleti wo tolche anini isa dandae inargu.

¹⁰ Ammo Waaqi ejata kiyya ch'ufa imbeekha. Hojja inni na ilaalu anini aka worqi qulqulleesani iti fakaad'a.

¹¹ Faanti tiyya ejata isa gula deemti, anini kara isa taka ira ingorre.

¹² Anini hojja ch'ufa seera isaa guute, fed'i tiyya lakise ta isaa tolcha.

¹³ Inni injijiramu, nami tokoleeni dandae waan inni fed'u imorkuuni.

¹⁴ Inni waan naa herege inguuta; herega suni malele inni herega heddu d'ibi qaba.

¹⁵ Tanaafi anini hojja waan kana qaabad'u isa durati mudama.

¹⁶ Waaqi guddaani ya garaa na laafise na mudamsise.

¹⁷ Nami na sodaachise sunini dukanaaniti, Waaqa — ato dukanti ila na d'owartele.