Aayubu 21 - KITAABA WAAQA

¹ Jennaani Ayubuni waan jed'eeni:

² Dubbi tiyya aka dansa ch'aqasa, aki isaani garaa na jabeesitani ha hagasuma tahuti.

³ Qoomni anini dubbad'uuni naa kenna, duuba eegi anini dubbad'e haga feetani na goyeesa.

⁴ Anini nama dubbi maani iraa qaba? Yo anini obsuu baad'e maani nara qabdani?

⁵ Na dawaad'a mama, afaani qabad'a.

⁶ Hojja anini waan na tolchani heregu, anini aka male nahe holad'a.

⁷ Ch'ubbichi maanifi lubbu bule jaare hori horata?

⁸ Worri ijoolleefi akhakhowani d'ale, ilmaani suni ta olguddatu arga.

⁹ Waaqi mana worraa imballeesu, worri soda womatu inqabu.

¹⁰ Koromini worraa bara ch'ufa goobde, looni worraleeni, ka insaleesine, aka dansa d'alani.

¹¹ Ilmaani worraa buraat'e aka ilmoole hoola tabati,

¹² kiraariifi fulludo d'oofte sirbiti.

¹³ Worri nagayaani tae, gaargala male due, fulla ekheraa d'aqa.

¹⁴ Worri waan Waaqa guddaani jed'u, Nu lakisi nu kara kanke beekhu imfeennu.

¹⁵ Atini qara maani, ka nu sii hojannu? Yo nu si kad'annu, maani nu baata?

¹⁶ Worri waan jed'u, Nu irruma teennaani arganna, ammo anini dandae herega worraa suni ee injed'u.

¹⁷ Ifse ch'ubbicha taka ya d'aamfani? Worri akasi sunini tokoleeni taka gaargala ya argate? Waaqi taka worra ch'ubbuti dallane,

¹⁸ aka buuyo qilleensi fuud'u fuud'e, yokhaani aka awaara bubbeeni fuutu ya fuud'e?

¹⁹ Isani waan jettani, Waaqi maro wollaala abbaatifi ilmaani d'aana, ammo dubbini sunini akasiniti. Waaqi ha nama wollaala tolche wotolchuti; nami wollaala tolchu ha aka maro wollaala ufiiti gaargala argatu beekhuti.

²⁰ Nami wollaala tolchu ha gaargala ufii argate, dallansu Waaqaa gudda arguuti.

²¹ Nami hojja guyyaani isaa gahe, waan ilmaani isaa iyyaala?

²² Nami dandae Waaqa, ka hayyootale qoru, imbarsiisa?

^23-24 Nami gari ato fayyaafi jabeenna qabu, quufafi gammada keesa dua, ka nafi isaa gabbinna qabu.

²⁵ Ammo hagi toko gammada inqabu, gaargalaani tae, gaargala keesa dua.

²⁶ Ammo nami ch'ufti akuma taka due awaalani raamooni nyaati.

²⁷ Anini herega keesani, ka isani mala hama natiini d'aatani, imbeekha.

²⁸ Isani waan jettani, mani namicha gudda kaani meeti, ka duri hameenna tolche?

²⁹ Isani ideemtuni woli inhaasoftani? Isani odu worri d'ufuuni ind'ageenne?

³⁰ Guyya Waaqi namati dallane nama d'aanu, nami lubbu baasani ch'ubbicha ch'alla.

³¹ Nami ch'ubbicha himate, waan inni tolche gula gati kennuufi injiru.

³² Hojja awaalati isa geesani, awaala isaale aka dansa eegani,

³³ nami hedduuni isa duraafi duubale yaa, biyyeeni lafaleeni isati mioofti.

³⁴ Ammo isani maafi dubbi woma keesa injirreeni garaa na jabeesu feetani? Dubbi isani naani jettani tana, d'ara male d'ugaani keesa injirtu.