Aayubu 16 - KITAABA WAAQA

¹ Jennaani Ayubuni waan jed'eeni;

² Anini dubbi akana tana qara d'agaye; isani fulla na qarqaaru d'uftani, gaargalaani nati d'uftani.

³ Dubbini aka qilleensa isani keesaa yaatu tunini haguma jirtu isani keesaa ind'umatu? Isani haguma jirtani wo moroma illakiftani?

⁴ Yo sila anini aka keesani jiraad'e, isanileeni aka kiyya kana jiraattani, anini waan isani jettani kana inuma jed'a. Anini sila mata isaniti irbe waan heddu isaniti haasaa.

⁵ Anini sila gorsaani isaani jabeese dubbi dansaani isani kiba.

⁶ Ato anini dubbad'ele, woma naa ingoomani yo anini afaani qabad'ele gaargali kiyya naraa imbahu.

⁷ Waaqa, atini yayu na dad'absiifte, atini yayu worra kiyya ch'ufa hobaafte.

⁸ Atini ya nyaapa nati taate na qabde. Anini yayu d'umad'e gogafi lafe ch'alla tahe. Tanaafi biyyiti, inni wollaala qaba naani jetti.

⁹ Waaqi ya dallansuuni gargari na tatarsaase, ila jibbaatiini na laale.

¹⁰ Biyyiti na goyeesite, na marsite, fuula keesa na d'oofti.

¹¹ Waaqi ya na lakise, harka worra hamaati naa kenne.

¹² Anini qara nagayumani taa, ammo eege Waaqi lubbu na qabe, na d'ae na ch'ach'abse. Waaqi t'iya ufi nati abire,

¹³ gama ch'ufaa na had'a — t'iyiti sunini na woraante na madeesiti; ato akasile taate, inni diqole na innahu.

¹⁴ Inni ammalle maro heddu na mamadeese, aka nama duula na had'a.

¹⁵ Anini bohe, ch'arqi naqad'e, ufi jibbaad'e daara keesa ch'iisa.

¹⁶ Anini bohe, ilti na diidimate, iiti ila tiyya ch'ufa na marsite,

¹⁷ ammo taatule anini harka kiyyaani waan hamtu intolchine, kad'achaani tiyya ta d'ugaati.

¹⁸ Ee lafa, ch'ubbu nati tolchani ind'ossini, iyyana anini d'ugaani barbaadu ha d'agayaniti.

¹⁹ Nama gara Waaqa gubbaati d'uga na tahe na dubbatutii jira.

²⁰ Jaalani tiyya na tufate, ilti tiyya imimaani Waaqati booti.

²¹ Anini nama Waaqati naa dubbatu fed'a akuma nami jaala ufiiti dubbatu.

²² Ganni kiyya ya gabaabate, anini yayu fulla d'uga d'aqu gahe.