Aayubu 12 - KITAABA WAAQA

¹ Jennaani Ayubuni waan jed'eeni:

² Ee, qonqooni nama si; hojja dootule qarooma wolumaani doota!

³ Ammo anini qalbi akuma kanke qaba, waan tokoleeni si inhanqad'u; nami waan kana imbeenne injira?

⁴ Jaalani tiyyaaleeni amma na kofalti, ato anini nama d'uga, ka wollaala inqamne tahele jaalani tiyya, na kofalti, duri Waaqi kad'acha tiyya naa d'agaya.

⁵ Atini ufii gaargala womatu inqabdu ammo teete na goyeesita: Nama ufiftu diquma inqaariini d'oofta.

⁶ Ammo shiftaafi nami Waaqa imbeenne nagayaani taa, ato Waaqi worraa irre worraa taatele.

⁷ Bineensafi simpirrele gaafad'i, worrati si barsiisa; waan garaani lafa ira loatifi

⁸ simpirrele gaafad'i, worrati siti hima.

⁹ Wonti kunini ch'ufti aka AABBO Waaqi harka ufiitini worra uume imbeetu?

¹⁰ Jireenni waan lubbu qabati ch'ufti harka isaa keesa jira, hafuuri namaaleeni isa iraa baha.

¹¹ Akuma arabi kanke sagale mieefatu, gurri kankeleeni dubbi mieefata.

¹² Qaroomi ka jaaroleetiiniti? Hubachaani ta nama lafa buleetiiniti?

¹³ Qaroomafi jabeenni ka Waaqati, inni hubachaafi irre woini tolchu qaba.

¹⁴ Eenuti waan inni ch'abse dandae jaara? Ammalle eenuti dandae nama Waaqi hid'e hiikha?

¹⁵ Oolaani, hojja Waaqi roobu didu, d'ufti; bisaani hojja inni bokaya roobu, lafati fach'aani.

¹⁶ Waaqi jaba, waan ch'ufa indabsata; ka wo sobuufi ka sobanileeni ch'ufti harkuma isaa keesa jira.

¹⁷ Inni qarooma worra lafa fidu iraa fuud'e worra nama dura deemule daallesa.

¹⁸ Inni hayyootale hayyuma iraa fuud'e hid'aansa geesa;

¹⁹ inni qaalole huji qaalluma iraa fuud'e worra jajabaale balleesa.

²⁰ Inni nama d'ugeefatani ch'allisise, qarooma jaarole iraa fuud'a.

²¹ Inni worra lafa fidu ch'eerse, worra irre qabu irre isaani balleesa.

²² Inni dukana sipe balleese, ifsaani d'ufa.

²³ Inni gosa jabeese irre kennaafi, ammo eege gosa suni firfirse balleesa.

²⁴ Inni worra nama dura deemu qalbi d'owe, lafa kara inqamne keesa marsa.

²⁵ Worri dukana keesa jinjimate, aka nama machae dadaaqa.