Aayubu 10 - KITAABA WAAQA

¹ Anini ya amma ufi jibbaad'e, tanaafi gungumsu tiyya ta laalala, ch'aqasi, gaargala kiyya keesa inuma dubbad'a.

² Ee Waaqa, wollaala nati imuriini; ammo waan naani himatu nati himi.

³ Gaargali atini na gaargalchitu kunini fulluma? Aki atini waan uumte tufatu kunini dansaa? Aki atini herega worra ch'ubbicha jaalatu fulluma?

⁴ Ilti tante aka ila namaa jirti? Atini aka nama wo garta?

⁵ Guyyaani kanketifi ganni kankeleeni, akuma ka nama, gabaaba?

⁶ Maanifi ch'ubbu tiyya gula deemte wollaala kiyya barbaada re?

⁷ Aka anini ch'ubbu inqamne, ka nami d'ibileeni dandae sii dura na imbaamne, atini imbeeta.

⁸ Harkuma keetiti supe na mid'aase, duuba amma harkuma sunini garagalte na balleesita?

⁹ Qaabad'i, atini duri d'oqeeni na mid'aasite, amma gargalte, bulleesite biyye na tolchita?

¹⁰ Atini aka aanani na jissite, aka ititu na inirbine?

¹¹ Atini nafa kiyya lafeefi maach'eraani mid'aasite, lafe suni foonifi gogaani duuchite.

¹² Atini jaalala na garsiifte jireenna naa kennite lubbu tiyyale qorqoratte.

¹³ Ammo amma tana ya hubad'e aka atini mala nati d'aate, d'ossaani na balleesu feetu.

¹⁴ Atini na gaade daba nara barbaada, aka duuba akasiini naa araaramu diddu.

¹⁵ Yo anini ch'ubbu hojad'e, gaargala badi tiyya, ammo ato waan dansa tolchele, d'uga inargad'u. Anini ya ch'eeri na ijeese ufi jibbaad'e.

¹⁶ Yo anini diquma mata olfud'ad'ele, atini aka nyeench'a na gaade, waan mama tolchite na balleesita.

¹⁷ Atini hojja ch'ufa nama na himatu gadiini d'ufte, dallansuuni tanteeleni nati guddati; ammalle atini hojja ch'ufa nati malatte kara d'ibiini na haata.

¹⁸ Atini maanifi garaa haad'a tiyya keesaa na baafte? Ato sila ka nami na inargini due, guddo naa woyya.

¹⁹ Ato sila akuma anini garaa haad'a tiyya keesaa bueeni na awaalani guddo ira naa jirti.

²⁰ Guyyaani kiyya gabaabani dabru ingeenne? Na lakifte ho? Guyya naa hafe gammadu fed'a.

²¹ Anini d'iotu deema, deebie gadi indeebiu. Lafti anini deemu sunini bolgodu dukanooftu,

²² ta dukanti isii sipeeni gaandidoofte nama wo gassitu, ta ifsaani isiileeni ch'ufti dukana fakaatu.