3 Yohona 1 - KITAABA WAAQA

¹ Anini Jaarsi, gara Gayo ka anini guddo jaalad'u t'aafa.

² Jaala kiyya, anini Waaqa kad'ad'a, aka atini nagayaani teete fayya nafa argattu, anini imbeekha, lubbuuni tante fayya.

³ Oboleyaani toko d'ufte, aka atini d'uga keesa jirtu nati himte jennaani anini guddo gammade akuma atini durile d'uga keesa teetu.

⁴ Wonti ijoolle tiyya ta d'uga keesa teetu ira na gammachiisa injirtu.

Huji Gayo

⁵ Jaala kiyya, yo oboleyaani qarqaartu, ato worri keessuma taatele, waan guddo dansa tolchita.

⁶ Jaalala tante ya gumi armaati hasaani. Worra qarqaari, aka imaltuuni worraa kara Waaqi fed'uuni toltu.

⁷ Worri kaeti imaltu huji Kristo tolchu d'aqe, ka qarqaarsa nama ind'ugefatinle iraa infeene.

⁸ Nu Kristiani jara kana qarqaaru male, aka nu huji worraa ta d'uga worra woliini qoodannu.

Waan Diotrefefi Demetrio

⁹ Anini tatabe diqo toko gara gumi t'aafe; ammo namichi Diotrefe jed'ani, ka gudda worraa tahu fed'u, dubbi tiyya womatu indarre.

¹⁰ Yo anini d'ufe, waan inni tahe ch'ufa diidati baasa, waan hamtu inni nu tolcheefi kiyyiba inni dubbate! Ammo wonti kunini isa ingeetu; yo oboleyaani d'ufte inni worra ind'ieesu, ammalle jara worra d'ieesu fed'ule d'owe gumi keesaa baasu fed'a!

¹¹ Jaala kiyya, waan hamtu gula indeemini, ammo waan dansa gula deemi. Nami waan dansa tolchu ch'ufti ka Waaqaati; ka waan hamtu tolchu Waaqa ingarre.

¹² Nami ch'ufti waan Demetrio dansa dubbata; d'ugaleeni waan isaa dansa dubbatti. Nuleeni d'uga teenna iti dara, atini aka wonti nu jennu d'uga imbeeta.

D'aamsa nagaya

¹³ Anini waan heddu ka siti himu qaba, ammo tatabe irati t'aafu imfed'u.

¹⁴ La heregad'e aka d'iotu si argu, yoosi wolhasoomna.

¹⁵ Nagaya keesa tai. Jaallaani tante ch'ufti nagaya d'aamti. Jaallaani teenna ch'ufa nagaya naa fuud'i.