2 Yohona 1 - KITAABA WAAQA

¹ Anini Jaarsi, gara Jaarti Waaqa fohatetifi ijoolle isii ta ani guddo jaalad'u t'aafa. Anini ch'allaani isani injaalad'u, ammo nami d'uga beekhu ch'ufti isani jaalata;

² wonti akanatiifi d'ugaani nu keesa jirti, ammalle haga hegeri nu woliini teeti.

³ Abba Waaqafi Yeso Kristoni, Ilmi Abba, eebafi naasufi nagaya nuu kenninna; wonti kunini ch'ufti ha d'ugaafi jaalalaani teenna taatu.

D'ugaafi jaalala

⁴ Anini aka ijoolleeni tante ta gari d'uga keesa teetu arginaani guddo gammade, akuma Abbaani nuti hime.

⁵ Tanaafi anini si kad'ad'a, Aato, nuuni ch'ufti woljaalanna. Seeri anini sii t'aafu kunini hareesaaniti; seeruma haga duriiti harkaa qamnu.

⁶ Jaalalti anini waan isi dubbad'u tunini, Seera Waaqa guutu maltani nuuni jetti. Seeri, isani haguma duriiti d'ageetani, kana: Woljaalad'a.

⁷ Nami nama sobu hedduuni ka Yeso Kristoni fakaata nama intaane jed'u, ya lafa d'ufe nami akana kunini nama soba, inni nyaapa Kristoti.

⁸ Ufi eegad'a, aka waan hojattani argattani imballeesine, ammo galata keesani aka dansa argattani.

⁹ Nami barsiisa Kristo keesa inteenne, ammo biraa dabru, Waaqa inqabu. Nami barsiisa suni keesa tau Abbaafi Ilmale inqaba.

¹⁰ Yo nami d'ufe barsiisa tanaani siti ind'umne, nama suni balbala mana keti duraa imbaniini; nagayale infuud'iini.

¹¹ Wonti akanatiifi nami nagaya isa fuud'u ch'ufti waan hamtu inni tolchu isa woliini qoodata.

Dubbi eege

¹² Anini waan heddu ka siti himu qaba, ammo tatabe irati t'aafu imfed'u; taatule la heregad'e aka d'ufe siini hasau, aka nuuni ch'ufti gammannu.

¹³ Ijoolleeni Oboleeti tante, ta Waaqi fohate, nagaya sii d'aamti.