2 Samueli 23 - KITAABA WAAQA

¹ Daudini, ilmi Yese, nama Waaqi guddo guddise toko, ka Waaqi Yakobo hayyu fohate. Ammalle inni nama faaru heddu Israelii baase. Dubbini isaa ta eege tana:

² Lubbuuni AABBO Waaqa afaani kiyyaani dubbate, inni arraba kiyyaani wod'aamate.

³ Waaqi Israeli dubbate, siidani Israeli waan nani jed'e: Hayyuuni d'ugani lafa fidde seera Waaqa gula deemu,

⁴ adu ganama duumansa male baatu, ta fit'eesa ganama bibilisitu, fakaata.

⁵ AABBO Waaqi d'aloota kiyya akasuma eebisa. Waan anaafi inni wold'aqisa hegeri woliini tolfanne, wold'ageeti haguma jirtu imbannefi kakhu injijiramne wolti kakhanneefi. Woni anini fed'u tanuma, tanumati dabsacha na taha, Waaqileeni tana inuma guuta.

⁶ Nami Waaqa imbeenne akuma qorati alati gadigargatani jira, nami torkoleeni dandae harkani inqabatu.

⁷ Nami qorati suni qabachu fed'u sibiilafi yokhaani woraana male dandae inqabatu. Qorati suni fulluma isiini jirtuti gubani balleesani.

Askarti Daudi ta gurra qabdu

⁸ Kunini maqa askarti Daudi ta gurra qabdu; nami qara Yasheb-Bashebethi ka lafa Hakemoniti bahe, inni worra sadeeni gugurda kaaniti mata; inni woraana isatini nama d'ibba saddeeti had'iisa guyya toko keesati hobaase.

⁹ Worra sadeeni suni keesa nami nama matati aanu Eleazari ilma Dodai, ka balbala Ahohi. Guyya toko isaafi Daudini duula worra Filisti ka had'iisa wolti baheeti, qoma d'aatani fokorani iti ga d'ufani. Worri Israeli iraa d'eete.

¹⁰ Ammo inni chochou dide worra Filisti suni had'uma had'e ato ituma jiru, harki isaa goraadeti gogoge gad'iisu dad'abe. Guyya suni AABBO Waaqi worra Israeli dabsacha guddo kenneefi, duuba eegi had'iisi hobae, worri fulla Eleazarini jiruti dachae, worra fit'ani kaani miha lola iraa hikhate.

¹¹ Worra sadeeni kaani keesa nami sadeeso shama, ilma Age, ka lafa Harariti d'ufe, gaafasi worri Filisti oobru d'engo guddo keesa Lahiti wolti bahe. Worri Israeli worra Filisti baqate,

¹² ammo Shamani oobru suni keesa chochou dide worra Filisti had'e fit'e. AABBO Waaqi guyya sunile worra dabsacha guddo kenneefi.

¹³ Gaafa mid'aani murani, askarti sodoma keesa jari sadeeni jajanni kaani goda adulamu, fulla Daudini jiru, ka gaafasi worri Filisti bale Refaimu keesa jiru, d'ufe.

¹⁴ Gaafasi Daudini gaara jabeesani jarani kaani gubba jira duuba askartini Filisti d'ufte, dira Bethlehemu keesa qubatte.

¹⁵ Daudi oodooni worraa qabate jennaani waan jed'e, Ato nami bisaani anini d'ugu eela fullo Bethlehemu d'aatu jiru keesaa na fuud'e akami dansa!

¹⁶ Worri askarti ka gurra qabu kaani sadeeni olla Filisti duude eela kaani keesaa bisaani woraabe Dauditini gale. Ammo inni d'ugu dide fulla d'ugu AABBO Waaqaa d'ibaayu baase.

¹⁷ Waan jed'e, AABBO Waaqa, anini bisaani kana dandae ind'ugu! Yo d'uge nama d'iiga worra lubbu ufi jibbaate kana d'uga fakaad'a jed'e, d'ugu dide. Wonti jabduuni worri askarti sadeeni gurra qabdu suni tolchite tana.

¹⁸ Abishaini, oboleesi Yoabu, ka ilma Seruya, gudda askarti nama sodoma suni. Inni woraana ufitini nama d'ibba sadii had'e fit'e akanaani worra sodoma kaani keesa gurra baafate.

¹⁹ Inni worra sodoma kaani ch'ufa iraa jabaate, gudda worraa tahe, ammo hataatuti gurri isaa haga worra kaani sadeeni ind'umne.

²⁰ Benaiyani, ilmi Yehoyada ka lafa Kabseeliti d'ufeleeni, nama askarti toko ka guddo gurra qabu; inni waan jannooma heddu tolche, askarti Moabu jajannale nama lama ijeese guyya toko, ka lafti aka hama d'aamotu, inni boola toko seene keesati nyeench'a ijeese.

²¹ Ammalle inni namicha Misiri gudda toko ka woraana bode gudda qabu, bokuuni d'ae qabe, woraana iraa fud'ate, woraanuma isaa sunini ijeese.

²² Sunini ch'ufti waan Benaiyani, ka askarti nama sodoma taani keesa jiru, jannoomaani tolche.

²³ Inni askarti suni keesa guddo maqa qaba, ammo haga jara kaani sadeeni ingahu. Daudini isa fuud'e, gudda jara isa eegu tolche.

^24-39 Jari askarti sodomani kaani kana: Asaheli, oboleesa Yoabu, Elhanani ilma Dodo ka Bethlehemu d'ufe, Shamafi Elika, ka Harodi d'ufani, Helesisi ka Peloni d'ufe, Ira ilma Ikeshi, ka Tekoa d'ufe, Abiezeri ka Anathothi d'ufe, Nebunai ka Husha d'ufe, Salmoni ka Hahohi d'ufe, Maharai ka Netofathi d'ufe, Helebu ilma Baana ka Netofathi d'ufe, Itai, ilma Ribai, ka Gibea lafa Benjamini keesa d'ufe, Benaiya ka Pirathoni d'ufe, Hid'ai, ka bale lafa Gaashiti d'ufe, Abialboni ka lafa Arabati d'ufe, Azmawethi ka Bahurimu d'ufe, Eliaba ka Saalboni d'ufe, ilmaani Yoashemti Yonathani Shama ka Harani d'ufe, Ahiamu, ilma Sharari, ka Harari d'ufe, Elifelethi, ilma Ahasbai, ka lafa Makati d'ufe, Eliamu, ilma Ahithofeli, ka Gilo d'ufe, Hezro ka Karmeli d'ufe, Paarai ka Arabi d'ufe, Igali, ilma Nathani, ka Soba d'ufe, Bani ka Gadi d'ufe, Seleki ka Amoni d'ufe, Naharai ka Beerothi d'ufe, ka miha lola ka Yoabu baatu, Irafi Garebu, worra Yatiri d'ufe, Uria ka gosa Hiti. Worri kunini ch'ufti wolti nama sodomi torba.