2 Samueli 22 - KITAABA WAAQA

¹ AABBO Waaqi Daudi harka Saulotifi ka nyaapa isaa jala baamnaani, inni faaru taanaani AABBO Waaqa faarse waan jed'e:

² AABBO Waaqi d'akha kiyya, siida jaba ka anini jalati d'okhad'u.

³ Waaqi kiyya siida kiyya ka anini jalati d'eed'u. Inni wonte tiyya, na qorqorate na baasa, inni baafama kiyya, na qorqorate harka nama hama jala na baasa.

⁴ Anini AABBO Waaqa yaamad'e, inni harka nyaapa kiyya keesaa na baasa. AABBO Waaqa ha faarsani!

⁵ D'awani dua na marsite, bisaani nati fach'aani na balleesani.

⁶ Haadi dua lubbuti na marate, irreesileeni ya t'urura isaa naa hid'e.

⁷ Gaargala kiyya keesa anini AABBO Waaqa yaamad'e, na qarqaari jed'eeni. Mana isaa keesa inni qonqo tiyya d'agaye. Iyyanti tiyya isani baate.

⁸ Jennaani lafti hollate chochote, yayabi gubbaa rorae chochoe, waan Waaqi dallaneefi!

⁹ Aari funani keesaa yae, ibida wogube balleesuufi ch'ileeni bobeetu afaani keesaa yaate.

¹⁰ Inni gubba gargari tarsaase, dumansa guraacha miila ufi jala kaye gadi bue.

¹¹ Inni waan koola ka gubba d'ufeeni barise, koola bubbe gubbaa deeme.

¹² Inni dukana uyifate, dumansa bokayatini ufi mare.

¹³ Ifse angaatu ta isa dura deemtu keesa ch'ileeni bobeetu baate.

¹⁴ Jennaani AABBO Waaqi gubbaa mandie, qonqo Waaqa gudda d'agayani.

¹⁵ Inni t'iya ufii darbate nyaapa isaa gargari baase, angaasu isaaleeni worra suni ufi duraa gusse.

¹⁶ Bisaani baariini fooqatani, biyyeeni godduuni mullate, yayabi lafaleeni diidati bahe, gaafa AABBO Waaqi nyaapa ufi dallansuuni loleeni iti mandie.

¹⁷ AABBO Waaqi gajed'e, harkaa na qabe, d'immu bisaani keesaa na fuud'e.

¹⁸ Inni harka nyaapa kiyya jajaba keesaa na baase, nama na jibbufi ka nara irre qabule.

¹⁹ Gaafa anini d'iba keesa jiru nyaapi na had'e, ammo AABBO Waaqi naraa d'owe.

²⁰ Inni gaargala keesa na qarqaare, na jaalate, lubbu na baase.

²¹ AABBO Waaqi waan anini d'uga tolchufi na qarqaare, waan anini ch'ubbu inqamneefi na eebisa.

²² Anini Seera AABBO Waaqa ya guute takaa kara isaa iraa ingore.

²³ Anini seera isaa ch'ufa ya jabeese, aada isaa tokole illakimne.

²⁴ Anini isa durati qulqullo, waan hamtu ch'ufa ya ufi hanqise.

²⁵ Duuba waan anini waan d'uga tolchufi inni na eebisa, waan anini isa durati ch'ubbu inqamneefi.

²⁶ Ee, AABBO Waaqa, atini nama si heregatu heregatta, ammalle nama siti inch'ubbanne atini iti inch'ubbamtu.

²⁷ Nama qulqullo atini iti qulqullo, ammo nama hama nyaapa iti taata.

²⁸ Nama ufi insaane baafte nama ufi saadu lafa buufta.

²⁹ AABBO Waaqa, atini ifse tiyya ta dukana naraa balleesitu.

³⁰ Atini humna anini nyaapa kiyyaani had'ufi irre anini dallaa nyaapa kiyyatiini kurupad'ule naa kennita.

³¹ Waaqa kana karaani isaa akami qajeela, dubbi isaa akami d'ugefachu malani, inni nama isati d'iaatu wonte tahafi!

³² AABBO male Waaqi d'ibiini injira? Isa male siida jalati d'okhannu d'ibi inqamna?

³³ Nami irre na tahu Waaquma kana, isumati kara naa hara.

³⁴ Inni aka abroble miila na sablise, gaara gubbati na tissa.

³⁵ Inni harka kiyya huji woraana barsiise, aka anini guube t'iya jabduuni wohad'u.

³⁶ Ee, AABBO Waaqa, atini wonte naa taate na baafte, qarqaarsi kankeleeni ya guddinna naa kenne.

³⁷ Atini kara naa ballifte, miila kiyya gufachu d'owarte.

³⁸ Anini nyaapa kiyya reebe dabsad'e, haga balleesuti yaala imbahu.

³⁹ Anini worra d'ae buuse lafaa kau d'owe, worri miila kiyyati jige jala ch'iisa.

⁴⁰ Atini humna woraana naa kennite, nyaapa kiyya na dabsachiifta.

⁴¹ Atini nyaapa kiyya na dura baqachifte, aninileeni nama na jibbu balleesa.

⁴² Worri qarqaarsa barbaade, ammo nama worra baasu d'abe. Worri AABBO Waaqa yaamate, ammo inni worra jalaa dida.

⁴³ Anini worra daakhe aka biyye d'ukeese, aka d'oqe kara keesati ira sirba.

⁴⁴ Atini worra kiyya ka nati gamu, dura na baafte, finna anini nama fidu jabeesite. Worri duri anini imbeneleeni amma na jalati bulla.

⁴⁵ Sidiini d'ibileeni na durati jilbifate, qonqo tiyya d'ageennaani na ch'aqafte.

⁴⁶ Worri nahe hollate fulla keesati d'okhate gayae.

⁴⁷ AABBOONI Waaqa jiru! Siida kiyya ha faarsani! Waaqa jaba ka na baasu guddinna isaa odeesa.

⁴⁸ Inni nyaapa kiyya na dabsachiise, sidi d'ibi na jalati bulche,

⁴⁹ nyaapa kiyya jala na baase. Ee AABBO Waaqa, atini nyaapa kiyya na dabsachiifte worra hamama jala na baafta.

⁵⁰ Tanaafi anini sidi ch'ufa keesa sii faarse maqa kanke guddisa.

⁵¹ Waaqi dabsacha guddo hayyu isaati kenna, ammalle nama fohate muude haga jiru ch'ufa jaalata, Daudifi d'aloota isaa ch'ufa, haga jiru jireenna.