2 Samueli 18 - KITAABA WAAQA

¹ Daudini nama isaa ch'ufa wolti yaame kumkumafi d'ibba d'ibbati ch'ibra gargari qoode, ch'ibra ch'ufa abba duula iti tolche.

² Jennaani inni askarti tana ch'ufa fulla saditi gargari qoode, toko Yoabu abba duula iti tolche, tokole oboleesa Yoabu Abishai abba iti tolche kaanile Itai ka dira Gathiti bahe abba iti tolche. Ammalle hayyichi waan jara isaatini jed'e, Aninileeni isani jalaa inhafu, wolumaani yaana.

³ Ammo askartini waan jetteeni, Nu gula indeemtu; nyaapa keennaa womaniti hojja nu garagale baqanne, yokhaani yo nu nama gari fit'anile, ammo atini nuu seera qit'e nama kuma kud'aniti, si d'abu indandeennu. Ira nu jirti yo atini dira keesati hafte armaa qarqaarsa nu ergitu.

⁴ Hayyichi waan jed'eeni, Aka isani ira jirti seetani ch'ufa intolcha. Jennaani inni fullo balbala dirati gore askarti isaa ta ch'ibra nama kumatifi nama d'ibbati gargari qoodamte yaatu laale.

⁵ Inni Yoabufi Abishaifi Itai yaame waan jed'eeni, Naa jed'a, gurba Absalomuni jed'ani kana intuqina. Askartini ch'ufti jecha Daudini worra abbooti duula kanaani jed'e d'ageete.

⁶ Askartini Daudi lafa ch'ufa keesa yaate, worra Israeli badda Efraimu keesati haate.

⁷ Had'iisa suni keesa worrii Daudi aka hama worra Israeli dabsate, nama kuma diddama guyyuma suni iraa gate.

⁸ Had'iisi lafa suni ch'ufa gahe, nami badda keesati hobae nama had'iisa keesati fit'ani kaanile ira jira.

⁹ Absalomuni ka gaange gubba tau ato deemu worra Daudi ira bue, gaangeeni mukha gudda toko jaalani baate jennaani Absalomuni mataani dame mukha keesati rakate, gaangeeni kaate iti d'aabate, Absalomuni achumati rakate hafe.

¹⁰ Askartichi Daudi toko isaa mukhati rarau arge jennaani gara Yoabu d'aqe waan jed'eeni, Anini Absalomu ka mukha gudda tokoti rakate rarau arge!

¹¹ Yoabuni waan jed'eeni, Yo argite, maanifi artumati d'oofte lubbu keesa imbaasini? Ato sila ijeefte anu sila qarsi ked'anifi gurda sii kenna.

¹² Ammo namichi waan jed'eeni, Ato atini sila qarsi kuma toko naa kennitele anini ilma hayyu qubale iti inqabu. Nuni ch'ufti aka hayyichi sifi Abishaifi Itaini, Na jed'a, gurba Absalomuni jed'ani suni intuqina jed'e d'ageenne.

¹³ Ammo ato anini hayyu ch'aqasu dide Absalomuni ijeese, hayyuuni inuma d'agaya — inni waan ind'ageenne inqabu — atinileeni naa indubbattu.

¹⁴ Yoabuni waan jed'e, Anini si bira tae hagana ch'ufa si ineegu, jennaani woraana sadi fud'ate Absalomu qoma keesa woraane ato lubbuuni keesa jirtu akasumati mukhuma suni irati lakise.

¹⁵ Jennaani askartini Yoabu nami kud'ani d'ufe, Absalomu marse woworaane lubbu keesaa baase.

¹⁶ Jennaani Yoabunu aka had'iisa ejachisu magalata d'ae, askartini isaaleeni ta worra Israeli reebdu jala dachaate.

¹⁷ Duuba reefa Absalomuni fuud'ani, boola qile toko ta badda keesa jirtu keesa buusani, d'akha iti tuulani. Worri Israeli ch'uftinu abbu worra ufiti baqate.

¹⁸ Absalomuni gaafa jiru d'akha guure Bale Hayyu keesati woli irati jaare, waan jed'e, Anini ilma maqa kiyya badi d'owu inqabu, tanaafi d'akha suni maqa isaa iti baase akanaani haga arrale d'akha Absalomuni jed'ani yaamani.

Aka lubbu Absalomuni Dauditi himani

¹⁹ Jennaani Ahimaasini, ilmi Sadoki, waan Yoabuni jed'e, Eegi, anini utaale, odu dansa tana, ta AABBO Waaqi hayyicha harka nyaapa isaa keesaa baase iti hima.

²⁰ Yoabuni waan jed'eeni, Nami arra odu dansa tana geesu siiniti guyya d'ibi inuma geesita, ammo arraniti, waan ilmi hayyuu duefi.

²¹ Jennaani inni waan tisse isaa ta lafa Kushiti d'ufteeni jed'e, Beeni, waan garte kana hayyuti himi. Jennaani tissichi durati gajed'e kae iti d'aabate.

²² Ahimaasini Yoabu gaargalche waan jed'eeni, Ato inni deemele, nale gadi na d'isi; Yoabuni waan jed'eeni, Ilma kiyya, atini maanifi deemu feeta? Ato deemtele woma keesa inargatu.

²³ Inni waan jed'eeni, Ato waan feetu tateele, anini inuma deema. Jennaani Yoabuni waan jed'eeni, Yoosi beeni, iti d'aabad'i. Duuba Ahimaasini kae, kara bale Yordani kaani gula utaale, namicha Kushi kaani qolche.

²⁴ Ato Daudini fullo alaatifi ta garaa keesaa jiddu tau, namichi lafa eegu eeddo fulla gubba kore, nama toko ka koba utaalu arge.

²⁵ Jennaani inni lalabe hayyuti himnaani hayyuuni waan jed'e, yo inni nama toko ch'alla tate, inni odu dansaani d'ufa. Namichi kaani gaduma d'ufe worrati gadi d'iaate.

²⁶ Jennaani namichi wo eegu kaani ammalle millate nama d'ibi ka gadi utaalule arge. Namicha fullo eegu kaaniti lalabe waan jed'ani, Ilaali, namicha toko d'ibi ka koba utaalule! Hayyuuni ammalle waan jed'e, Kulleeni oduma dansaani d'ufuu jira.

²⁷ Namichi wo eegu kaani waan jed'e, Namichi dura utaalu kunini aka Ahimaasi utaala. Hayyuuni waan jed'e, Inni nama dansa, oduma dansaani d'ufa.

²⁸ Ahimaasini hayyu nagaya fuud'e, durati lafaani ufi d'ae waan jed'e, Ee hayyicha AABBO Waaqa kanke ha faarsani ka worra siti garagale nyaapa siti tahe si dabsachiise!

²⁹ Hayyuuni waan jed'eeni, Gurbaani Absalomuni jed'ani kaani bahe? Ahimaasini waan jed'eeni, Aabbo hojja hojatuni kanke Yoabuni na erge anini nama wolti bahe, wold'au arge, ammo anini waan suni keesa imbeekhu.

³⁰ Hayyichi waan jed'eeni, Yoosi atini achuma eji, jennaani inni kae achi eje.

³¹ Jennaani tissichi lafa Kushi kaanileeni d'ufe waan hayyuuni jed'e, Anini arra odu dansaani si d'ufuu jira, ee hayyicha, AABBO Waaqi arra worra siti gargagale nyaapa siti tahe kaani ya si dabsachiise.

³² Hayyichi waan jed'eeni, Gurbaani Absalomuni jed'ani kaani bahe? Tissichi waan jed'eeni, Ee hayyichi, nyaapa kanketifi nami siti gamu ch'ufti ha aka inni tahe tahu.

³³ Hayyuuni aka male laalefate mana fullo gubba jiruti olkore, ato deemu jiru faarse bohe waan jed'e, Ee Absalomu, ilma kiyya! Ee ilma kiyya! Ee Absalomu ilma kiyya! ato sila fulla tante due ho!