2 Samueli 16 - KITAABA WAAQA

¹ Daudini diqo fiit'e gaara ira gabuunaani Sibani, hojattuuni Mefiboshethi, ka harrele lama ta qit'a d'iba lamatiifi d'unkurura mid'aani zabibu ka d'ibba tokotifi d'unkurura akasi ka mid'aani d'ibitifi daad'i gorjo toko iti fahe deemu worra d'aqabe.

² Jennaani hayyichi waan jed'eeni, Atini waan kana ch'ufa maani tolchita? Sibani waan jed'eeni, Harreleeni waan worri kanke yaabatu ee, hayyicha; qit'afi mid'aani waan askartini tante nyaatu, ammalle daad'ileeni waan worri hojja lafa alooti d'eebote d'ugu.

³ Hayyichi waan jed'eeni, Mefiboshethini, akhaakhuni Saulo, meeti? Sibani waan jed'eeni, Inni Yerusalemuti hafe, wonti akanatiifi inni waan worri Israeli arra guddinna akhaakhu isaa Saulo isaa deebisu seha.

⁴ Jennaani hayyichi waan Sibani jed'e, Wonti qara Mefiboshethini qabu ch'ufti kanketi. Sibani waan jed'e, Anini hojattu tanteeti ee, hayyichi hojja ch'ufa akanuma naa nahi!

Daudifi Shimei

⁵ Hayyu Daudini Bahurimu d'umnaani, namichi fiit'a Saulo toko, ka Shimei ilma Geera jed'ani dira suni keesaa bahe fuula keesa d'ufe arabse.

⁶ Inni Daudifi worra isaa gugurda, ka askarti isaatiifi jaari isaa eegu marse mirga bita yau, d'akhachani had'e

⁷ Shimeini lalabe isa abaare iti murate waan jed'e, Arma keesaa bahi! Armaa d'id'imi, algala harka d'iiga!

⁸ Atini hayyuma Saulo iraa fud'ate jennaani AABBO Waaqi waan atini worra Saulo fit'eefi amma haalo si baafachu jira. AABBO Waaqi ya hayyuma ilma kanke Absalomuti kenne, ammo atini ya badde, bada harka d'iiga.

⁹ Jennaani Abashaini, ilmi Seruya waan hayyuuni jed'e, Atini maani woni saricha tae si abaaru kana ufiti lakifte? Na gad'iisi, d'aqe mata iraa kuta!

¹⁰ Ammo hayyichi waan Abishaifi oboleesa isaa Yoabuni jed'e, Isani maani naraa qabdani? Hojja inni waan Waaqi abaari jed'eefi na abaare eenuti dandae, inni maanifi akasi tolche jed'e gaafata?

¹¹ Ammalle Daudini waan Abishaifi worra isa gugurdaani jed'e, Ilmi kiyya ufiftu na ijeesu fed'a, namichi gosa Benjamini kunini maanifi isani mamsiisa? AABBO Waaqati abaari jed'eeni, iti lakisa ha abaaruti.

¹² Hegeri AABBO Waaqi gaargale kiyya arge fulla abaarsa isaa kana na eebisa.

¹³ Ato Daudifi jari isaa kara gula yau, Shemeini worra d'aatu, gaara gubba deeme abaare d'akhafi biyyeeni worra had'e.

¹⁴ Hayyichafi jari isa woliini jiru ch'ufti, ka dad'abini hobaafte, galaana Yordanitini bahe, achiti boqote.

Absalomu Yerusalemu keesa

¹⁵ Duuba Absalomufi worri Israeli ch'ufti, ka Ahithofelileeni keesa jiru, Yerusalemuni bahe.

¹⁶ Hushaini jaali Daudi, Absalomuti d'ufe waan jed'eeni, Ee hayyicha, hori buli! Lubbu buli!

¹⁷ Absalomuni, jaalalti atini jaala kanke jaalatu tana? Atini maanifi jaala kanke gula indeemini? jed'e gaafate.

¹⁸ Hushaini waan jed'eeni, Anini akami dandae gula deema? Anini gama namicha AABBO Waaqafi gumi tanaafi gochiti Israeli fohate jira, anini gamuma kanke jira.

¹⁹ Sila eenu hojad'a, yo ilma gudda kiyya intahiini? Akuma abbeeti hojad'e amma sile hojad'a.

²⁰ Jennaani Absalomuni waan Ahithofelini jed'e, Mala nu d'ai, waan tolchu malani nuti himi.

²¹ Jennaani Ahithofelini waan jed'eeni, Beeni, gaarayoota abbeeti ta mana isaa keesati hafte taani ch'ufa bira rafi. Duuba nami Israeli ch'ufti aka akanaani atini abbeeti had'oofte nyaapa tateefi beekhe ammalle golini tanteeleni garaa jabaatu.

²² Jennaani mana hayyu gubbati waaro Absalomu jaarani, inni fuula nama ch'ufa durati gaarayoota abbaa suni bira rafe.

²³ Bara suni mali Ahithofelini namaa d'au dubbi gara Waaqati d'ufte namati fakaata; Daudifi Absalomuni akasi d'ugeefatte gula yaate.