2 Samueli 15 - KITAABA WAAQA

¹ Eegi suni Absalomuni gaari fardi hirkisufi askarti shantama ta gula yaatu tolfate.

² Inni ganama ch'ufa fullo dira d'aqe, kara keesa eja. Hojja nami hayyuti wo himatu kara suni gula d'ufu ch'ufa Absalomuni nama suni yaame, atini eesaa d'ufta? Jed'aani, Eegi nami suni gosa ufi himate,

³ Absalomuni waan jed'u, Atini karuma jirta, ammo hayyuuni nama daba sii laalu intolchine.

⁴ Ammalle iti dare waan jed'e, Ato sila jaallaba na tolchani nama wold'abe ch'ufa yokhaani ka wodeefatu ch'ufa dandae nati d'ufe anini d'uga gula qoraafi.

⁵ Ammalle hojja nami Absalomu durati gajed'e saalfatufi innileeni ufii gaqabe d'ungata.

⁶ Absalomuni nama Israeli ka sila d'ufe d'iba hayyuuni ilaalufi ch'ufa akanaani sobe, ufi gula deebise.

⁷ Eegi ganna afuri Absalomuni waan hayyichaani jed'e, Aabbo, Hebroni d'aqe kakhu anini AABBO Waaqati kakhad'e guuta, na gad'iisi.

⁸ Gaafa anini Geshuri lafa Shamu keesa tau, anini AABBO Waaqati kakhad'e, aka hojja inni Yerusalemuti na deebise anini Hebroni keesati isa kad'ad'u.

⁹ Hayyichi, beeni, nagayaani deemi jed'e gad'iise, jennaani inni kae Hebroniti iti d'aabate.

¹⁰ Ammo inni d'ossaani gosa Israeli ch'ufa keesa nama erge waan jed'e, Yoyu qonqo magalata d'ageetani, lalaba, Absalomuni yayu hayyu Hebroni tahe jed'a hima!

¹¹ Duuba nami d'ibba lama jira ka Absalomuni yaame. Worri sunini ka waan suni tokole quba inqamne qulqullooni isa woliini Yerusalemu keesaa bahani, Woliini yaani.

¹² Ammalle ato sorio qaluu jiru, Absalomuni nama dira Giloti erge, Ahithofeli, nama Daudi mala d'au, yaame. Mali hayyuuni gaargalchani suni guddo irre horate, golini Absalomunileeni heddatte.

Aka Daudini Yerusalemuu baqate

¹³ Jennaani nami erga d'ufe waan Daudini jed'e, Garaani nama Israeli ch'ufti yayu Absalomu gula deebie.

¹⁴ Jennaani Daudini nama hojattu isa ka Yerusalemu keesa jiru ch'ufa yaame koota, imbaqanna, yo akasi intahiini aka Absalomu duraa baanu inqamnu! Hurrisa! Yokhaani inni yoosu arma d'ufe, nu dabsate nama dira kana keesa jiru ch'ufa hobaasa!

¹⁵ Worri waan jed'eeni, Ee hayyicha nu kurfo jirra, aka waan atini feetu ch'ufa tolchinu.

¹⁶ Jennaani hayyichi worra isaatiifi hojattu isaa woliini kae, ammo nad'eeni isaa kud'ani ta mana isaa qorqorattu achiti lakise.

¹⁷ Hayyufi jari isaa ch'ufti dira keesaa bahani mana moga geennaani ejaanjani.

¹⁸ Ato hojattuuni isaa ch'ufti isaa d'aatu ejaanjitu askartini isaa ta isa eeddu worra d'aatu yaate isa dura dabarte. Ammalle askartini nami d'ibba jaa ka Gathi isa gula d'ufteleeni akasuma worra bira dabarte.

¹⁹ Jennaani hayyichi waan namicha Itai jed'ani ka gudda worraatini jed'e, Atini maanifi nu gula d'ufta? Beeni deebii, hayyu hareesa suni woliini taa. Atini qarale keessuma, namuma lafa iti d'alate keesaa baqate.

²⁰ Atini kale d'ufte — anini maanifi si gaargalche ufi gulaani si mara ka anini ufiftu gara deemule imbeenne? Nama gosa tanteeti woliini deebia AABBO Waaqi si nahe si jabeesina.

²¹ Ammo Itaini waan jed'eeni, Ee hayyicha, anini maqa AABBO Waaqatini kakhad'a aka fulla atini baatu ch'ufa si gula deemu, duafi jireennale taanaani.

²² Daudini waan jed'eeni, Hataatu, dansa beena yaa! Duuba Itaini askarti isatifi worra isaanile woliini kae isa dura iti d'aabate.

²³ Biyyiti haguma geettuni lalabde boote, yo worri Daudi bira dabru ch'ufa hayyichi ka worri isa gula yau, bale Kidroni taake wolumaani lafa alooti qajeelani.

²⁴ Qaallichi Sadoki jed'anileeni gumi suni keesa jira, ammalle isa woliini worra Lawi ka Sanduqa Wold'aqisa Waaqa baatuti jira. Worri Sanduqa suni lafa kae haga nami ch'ufti dira keesa bahuti oliinfuune. Qaallichi Abiathari jed'anileeni achi jira.

²⁵ Jennaani hayyichi waan Sadokini jed'e, Sanduqa Wold'aqisa fuud'i, dirati deebisi. Yo AABBO Waaqi fed'e, taka tana asi na deebise, fulla Sanduqi tau na agarisa.

²⁶ Ammo yo inni infeene womaniti, ha waan fed'u na tolchu.

²⁷ Ammalle inni waan Sadokini jed'e, Waan tatu ilma kanke Ahimaasifi Abiathari, ilma Yonathani, fud'ad'i, nagayaani dirati deebii.

²⁸ Anini ammo hagasi malka galaana ta lafa alooti isaani eega, haga qonqo teesani argad'uti.

²⁹ Duuba Sadokifi Abiatharini Sanduqa Wold'aqisa fuud'ani, Yerusalemuti deebiani achi taani.

³⁰ Ammo Daudini bohaa gaara ejersa olkore; inni aka laalala agarsiisu, kobe baafate mata hagogate. Nama isa gula yau ch'ufti mata hagogate akasuma bohe.

³¹ Daudini aka Ahithofelini goli Absalomu tahe d'ageennaani Waaqa kad'ate waan jed'e, Ee AABBO Waaqa, mala Ahithofelini Absalomu d'au balleesi!

³² Daudini fiit'e gaara, fulla Waaqa iti kad'ataniini bahe jennaani Hushaini ka gosa Arki, jaala isaa, woli argani, ka woyaani isaa tatarsaate Mataani isaa biyye qabu.

³³ Daudini waan jed'eeni, Ato woliini yaanele womale na imbaatu,

³⁴ ammo yo atini dirati deebite, Absalomuni, akuma abba kanketi hojad'e si hojad'a jetteeni na qarqaarte mala Ahithofelini isaa d'au balleesita.

³⁵ Qaaloleeni, Sadokifi Abiatharini achi jirti — waan atini mana hayyu keesati d'ageete ch'ufa worrati himi.

³⁶ Worri suni ilmaani worra Ahimaasifi Yonathani woliini jirani, duuba dandeete waan d'ageete ch'ufa worraani naa ergita.

³⁷ Akanaani Hushaini jaali Daudi, Yerusalemuti deebie, ka Absalomunileeni dira suni seenu jiru.