2 Samueli 11 - KITAABA WAAQA

¹ Wogaani ganna ta hayyooti duula d'at'u geennaani Daudini, Yoabufi worra gugurda askarti Israelitiifi askarti ch'ufa duula erge; worri worra Amoni dabsate, dira Raba marse ammo Daudini gaafasi ufi Yerusalemumati hafe.

² Galgala toko Daudini hiribaa kae mana isa gubbaa kore. Ato inni mana gubba dedeemu inni niiti mid'aadu toko, ta bisaani diqachu jirtu, arge.

³ Duuba inni nama erge waan jed'eeni, Beni, niiti suni odeefad'u. Namichi deebie waan jed'eeni, Bita, isiini Bathsheba niiti Uria ta namicha gosa Hiti kaani, ta abbaani isi Eliamu jed'e.

⁴ Daudini nama iti erge yaame, worri suni isiini d'ufe, jennaani inni isi bira rafe. (Isiini d'io aada uwa d'iqate qulqulloofte.) Duuba isiini kaate galte.

⁵ Eegi suni isiini aka garaachoofte arginaani, anini ya garaachae jette qonqo Dauditi ergite.

⁶ Jennaani Daudini qonqo Yoabuti erge. Waan jed'eeni, Uria, namicha gosa Hiti kaani na gadi ergi. Duuba Yoabuni isa Dauditi erge.

⁷ Uriani achini bahe jennaani Daudini waan Yoabufi askartini keesa jirtuufi odu woraanale odeefate.

⁸ Jennaani inni waan Uriani jed'e, Beni gali, diqo hafuura baafad'u. Uriani isa biraa deeme jennaani, Daudini mana isaati wo ergeefi.

⁹ Ammo Uriani galu dide fullo hayyu keesa askarti hayyu tissituuni woliini bule.

¹⁰ Daudini aka Uriani ingaliini d'agae jennaani waan jed'eeni, Atini guddo worra kanke iraa turte, malifi ingaliini?

¹¹ Uriani waan jed'eeni, Askartini Israelitiifi ta Yudaleni duula ala jirti, ammalle Sanduqi Wold'aqisaleni fulla worraa jira, guddaani kiyya Yoabufi jari gugurdaleni ala bulu jirani; duuba anini akami worra kiyyati gale nyaad'e, d'uge ammalle niiti tiyya woliini rafa? Anini maqa AABBO Waaqatini kakhad'a, aka anini waan akasi intolchine?

¹² Jennaani Daudini waan jed'eeni, Yoosi ara armuma ooli, bori keesa si deebisa. Guyya sunifi boriyyale Uriani Yerusalemu keesa oole.

¹³ Daudini golola isa yaame, farso iti guure macheese; ammo Uriani halkani sule galu dide fulluma askarti achi eeddu woya afate rafe!

¹⁴ Boriyyaate Daudini tatabe t'aafe, Uriati kenne, Yoabuti geesi jed'eeni.

¹⁵ Tatabe suni keesati waan inni jed'e: Uria, lola owa keesa askarti dura aansi, duuba bira baqad'a, aka isa ijeesani.

¹⁶ Tanaafi Yoabuni ato dira Marsani had'anu Uria fulla nyaapi guddo nama muduuni erge.

¹⁷ Nyaapi kaani dira keesaa gadi baafate askarti Yoabutini wolihad'e, askarti Daudi nama garitifi Uriale wolumaani fit'ani.

¹⁸ Jennaani Yoabuni odu woraanaa ch'ufa Dauditi erge,

¹⁹ waan nama odu, suni geesuni jed'e, Eegi atini waan had'iisa ch'ufa hayyuti odeesite,

²⁰ inni hegeri dallane, Isani maanifi akasi dirati d'iaatani worra haatani? jed'e si gaafata? Yokhaani isani aka worri dallaa ira ch'iise t'iyaani isaani had'u imbeetani? sini jed'a.

²¹ Isani aka Abimeleki ilma Gideoni ijeesani inqabattani? Ka Thebesiti niitiini d'akha daakhu dallaa ira iti gadi d'iifte ijeefte. Isani maafi akasi dallaa d'iaatani yoosi? Yoyu hayyuuni dubbi akana si gaafate waan jettuuni, askarticha kanke Uriale yayu ijeesani jed'i.

²² Jennaani namichi ergani kaani gara Daudi d'aqe, waan Yoabuni jed'e ch'ufa iti hime.

²³ Waan jed'e, Nyaapi guddo nura irre qaba, dira keesa gadi baafate diidati nu had'e, ammo nuleeni haane fulla dirati worra deebimne.

²⁴ Jennaani worri dallaa irani t'iyaani nu had'e, akanaani nama askarti tante haga gari ijeese, Uriale ijeesani.

²⁵ Daudini waan namicha erga d'ufeeni jed'e waan atini Yoabuni jettu wonti kunini garaa siiyakini, woraani nama keesaa infilatu, kama iti gabahe ijeesa. Dira suni aka jaba had'i balleesi garaa jabaad'u.

²⁶ Bathshebani duisa d'iirsa d'ageennaani guddo booteefi.

²⁷ Guyyaani boha kaani hobanaani Daudini isi yaame manati galfate; akanaani isiini niiti isaa taate, ilma deetefi. Ammo wonti Daudini tahe suni AABBO Waaqa diqole ingammachiimne.