2 Petro 2 - KITAABA WAAQA

¹ Raagooti d'ara duru biyyati d'ufte, ammalle akasuma raagooti, d'ara isaniti indufti. Barsiisa d'araatiifi ta nama balleesituuni d'ufte, Aabbo ka worra baase mormatte maro tokotu ufi balleesite.

² Yo akasi taatele, nami hedduuni kara worra hama gula yaa. Ammalle waan worri tolchuufi, hameenna kara d'uga dubbatani.

³ Barsiiftuuni d'ara tunini sabdooma ufitiifi odu d'ara odeesiti, aka wo keesa argattu. Bara heddu Nami worra qoru kurfo jira, Ka worra balleesuleeni ya hiriibaa kae!

⁴ Waaqi malaika duri daba tolchite akanumati illakimne, ammo boola ibaditi gate duuba achiti haada sibiilatiini hid'ani, dukana keesati qorsuma eegati.

⁵ Waaqi lafa duri akanumati illakimne, ammo lafa worra Waaqa insodaanne bokaa gudda iti roobe fach'aani balleese; nami inni baase Nuhu ka d'uga barsiiseefi nama torba d'ibi.

⁶ Waaqi dira Sodomafi ka Gomora wollaala iti mure, ibidaani gube daara tolche, akheekha nama Waaqa insodaanne ka eegi tana d'ufu tolche.

⁷ Inni nama dansa ka Lutu jed'ani ch'alla baase, ka hameenni worra seera imbeenne isa gaargalche.

⁸ Nami dansaani sunini jiddu worraa tae, guyya ch'ufa hameenna worraa arge d'agaye, garaani isaa hamaate.

⁹ Tanaafi Waaqi aka nama d'uga gaargala isaa duraa baasu imbeekha, ammalle nama hama haga Guyya Qorsuma gaargalchu imbeekha,

¹⁰ keesuma worra d'araa nafa hama gula yae jabeenna Waaqa tuffatu. Barsiiftuuni d'ara tunini ch'ufti daalle kiyyibdu, ta mata jabaattu, ta uumata gubba jira insodaanne arabsitu.

¹¹ Malaikaleeni ta jabeennaafi humna worra ira qabdu Aabbo durati worra himatte inarabsitu.

¹² Ammo worri kunini aka bineensa ala ka qalbi inqamne jira, ka qabisaafi ijeecha d'alate; worri waan inhubanne arabsa. Worri aka bineensa ala balleesani;

¹³ akuma worri gaargalaani d'ufe, worrale gaargala itiini d'ufani gammadi worraa yo waan d'araa nafa worraa quufisitu guyya guddaani tolchani, hojja worri sagale isanii woliini nyaatu waan fafaati, waan worri kara sobaa jaalatufi.

¹⁴ Worri waan tokole imillatu, nad'eeni male, sabdooma worraa ka gara daba haguma jirani inquufsani. Worri nama laafa ch'ufa t'urura keesa buusa. Onneeni worraa ya sabdooma baratte, tanaafi worri abaarsa Waaqa qaba.

¹⁵ Worri la kara qajeela iraa gore bade; ya kara Balaamu, ilma Beori gula yaae; inni hori hameenna tolche fud'atu jaalate,

¹⁶ waan wollaala isatiifi isa gorsani. Wonti akanatiifi harreeni duudaani qonqo namatiini dubbatte, waan daalluma ka raagi suni tolchu d'owarte.

¹⁷ Worri kunini aka eela madda inqamne jira, aka dumansa bubbeeni fuutu jira; Waaqi ya dukana sipe keesati fulla worraa mid'aase.

¹⁸ Dubbi kiyyibatiifi ta daalluma dubbatani, nama diquma toko worra wollaala qabu keesaa imbahiini d'araa nafatiini sobani t'urura ke buusani.

¹⁹ Nu isani balchoomsina nama suniini jed'ani, ammo worri ufiyu tissele waan hamtu, wonti akanatiifi naminu tisse waan isa dabsate ch'ufaati.

²⁰ Yo nami maro Aabboofi Qarqaarsa keenna Yeso Kristo beekhufi t'uri lafaa keesaa bahe, ammo ammalle hameenni suni isa qabe dabsate, nami sunini haga qarale ira hameenna keesa jira.

²¹ Sila ira isaa jirti, yo inni kara d'uga imbaratiini, fulla barate, ammo seera qulqullo isaa kennani kaani ira badu.

²² Wonti worri tahe mammaasa, Sareeni didiiga ufiti deebite nyaatti jed'ufi Goljaani d'iqani iti deebie d'oqe keesa gangalata jed'u, aka inni d'uga agarsiifti.