2 Korintho 6 - KITAABA WAAQA

¹ Huji teenna ta nu Waaqa woliini hojannu keesati nu isani kad'anna: ya eeba Waaqa argattani, imballeesina.

² Waan Waaqi jed'e ch'aqasa: Anini hojja jed'e si ch'aqase, guyya baafama si qarqaare. Ch'aqasa! Hojjaani fed'i Waaqa barbaadattani tana, guyyaani baafama kana!

³ Nu nama tokole ka wollaala huji teenna argu imfeenu, tanaafi gufu daandi nama tokole keesa kayu imfeenu.

⁴ Ammo waan tolchinu ch'ufa keesati aka hojattu Waaqa ufi agarsiisu feena. Gaargalafi d'ipufi hameenna ch'ufa inoobsina.

⁵ Ya nu d'aanani, nu hid'ani, d'akhaani nu had'ani; ya hujiini ufi dad'absinne, hiriibafi sagale male yaane.

⁶ Qulqulloomafi beekhumafi obsafi arjoomaani, aka nu hojattu Waaqa, ya ufi agarsiimne; Lubbu Qulqullofi jaalala d'ugatiifi

⁷ d'aamsa keenna ka d'ugatiifi jabeenna Waaqaatiini. D'ugaani woraana wonte teenna, ta haanunifi ta ufira d'owarrunile.

⁸ Nu guddisani, nu ch'eersani; nu arabsani, nu faarsani. Kiyyibdoole nuuni jed'ani, ammo nu d'uga dubbanna;

⁹ nama nami imbeenne nuuni jed'ani, ammo nami ch'ufti fuula nu beekha; waan nu doone sehani, ammo aka isani gartani nu injirra. Ato nu gaargalchanile, nu inijeemne;

¹⁰ ato nu lalefannele, nu hojja ch'ufa gammada qamna; hiyyeeyi fakaanna ammo nama heddu duroomsina; waan woma qamnu imfakaannu ammo waan ch'ufa inqamna.

¹¹ Jaalaani teenna ta Korintho jirtu! Nu ya diideesine waan ch'ufa isaniti himne, ya garaa keenna isaniti mullimne.

¹² Garaa keenna isani dura inhiinne; isaniti garaa keesani hid'e male.

¹³ Anini aka waan isani ijoolle tiyya isaniti dubbad'a. Waan nu isani seenu isanileeni nu seha. Garaa keesani nuu bana!

Worra ind'ugefanne eegad'a

¹⁴ Nama ind'ugefatiinini haga taka inhojatiina, wonti suni intaatu. D'ugaafi wollaali wahela woli tahu indandaa? Ifsaafi dukantileeni woliini taati? Hiyyo.

¹⁵ Kristofi Sheet'ani wold'aqu indandaani? Nama d'ugefateefi ka ind'ugefatiini maal woli iraa qabani?

¹⁶ Mani Waaqa, waan harkaani boch'ani ka worri Waaqa imbeenne kad'atuuni wolintaani? Nu Mana Waaqa jiruuti! Akuma Waaqi ufiini jed'e, Anini mana kiyya worra woliini jaarad'e worra woliini taa, anini Waaqa worraa tahe, worrileeni gumi tiyya taha.

¹⁷ Tanaafi Aabbooni waan jed'u, Worra lakisa, biraa yaa. Waan t'uri qaba intuqiina, yoosi anini isani fud'ad'a.

¹⁸ Anini abba keesani tahe, isani ilmaani tiyya ta d'iiratifi ta dubra taatani, Aabbo Guddaani akana jed'a.