2 Korintho 3 - KITAABA WAAQA

¹ Nu waan ufi guddisu jirru fakaanna? Yokhaani aka biyya gari tatabe ufiini beesimnu isaniti d'umne yokhaani isani ira fud'achu malle?

² Tatabeeni teenna isani, ta garaa keenna keesati t'aafani, aka nami ch'ufti soome baratu.

³ Kristoti tatabe tana t'aafe harka keennaani erge. D'akha gubbati kalaamuuni int'aamne ammo garaa nama keesati t'aafani Lubbu Waaqa jirutiini.

⁴ Wonti nu waan kana jennuufi maro d'uga Waaqa Kristo keesa qamnuufi.

⁵ Wonti nu keesa jira, ta aka nu waan kana tolchu dandeennu agarsiiftu injirtu. Jabeenni nu qamnu fulla Waaqati d'ufa:

⁶ isati nu dandeesise aka wold'aqisa hareesa kanaani hojannu, wold'aqisi kuni waan seera t'aafaniitiniti ammo waan Lubbuuti. Seeri t'aafani duisaani d'ufa, ammo Lubbuuni nama jireesiti.

⁷ Seera duri d'akha gubbati t'aafani, hojja seera suni kennani guddinni Waaqa imullate. Ato guddinni suni badele, fuuli Musa guddo ch'ululuqe, gochiti Israeli isa ilaalu dad'abde. Yo Seeri, ka hujiini isaa duisaani d'uftu, guddinna kana ch'ufaani d'ufe,

⁸ guddinni Lubbuuni d'uftuuni, hagasi ira jira!

⁹ Hujiini wollaala namatiini murani waan guddo, ammo hujiini namaani, Wollaala inqabdu jed'ani hagasira guddo.

¹⁰ Nu waan kana maro guddinna gudda amma jiruufi jenna, guddinni duri jiru amma injiru.

¹¹ Yo guddinni waan haguma diqa toko taa keesa jiraate, waan haga hegeri taa hagasi ira keesa jira!

¹² Maro abdi tana qamnuufi nu guddo garaa jabaanna.

¹³ Nu aka Musa injirru, ka hagogo matati uyifate aka gochiti Israeli ch'ululuqa fuula isaa ka baddu ingarre.

¹⁴ Qalbi worraa gaafasi dukaneesani; haga arrale hagogooni suni qalbi worraa gubbuma teeti, ato kitaaba wold'aqisa duri soomanu. Yo nami Kristo keesa jiraate ch'alla hagogo suni nama iraa fuud'ani.

¹⁵ Haga arrale yo worri Seera Musa soomu hagogooni qalbuma worra gubba teeti.

¹⁶ Ammo daandaani iraa fuud'ani, akuma t'aafiini jettu, Musani Aabbooti deebinaani hagogo iraa fuud'ani jed'ani.

¹⁷ Aabbooni armati baanaani Lubbu; fulla Lubbuuni Aabbo jirtu balchoomati jira.

¹⁸ Nuuni ch'ufti guddinna Aabbo fuula hagogo inqamneeni akuma dawiti mullimna; kara kanaani gara nu galchani, aka isa fakaannu guddinna muumme inqamneeni; Aabbooni ka akana tolchu Lubbu.