2 Korintho 12 - KITAABA WAAQA

¹ Ato woma bahu d'ibaatele anini ufi guddisu male. Ammo anini amma waan daayyatiifi waan Aabbooni nati mullise dubbachu male.

² Anini nama Kristiana toko fuula beekha, ka ganna kud'ani afuri ka dabre gara Waaqa gubbati olfuud'ani (anini wonti kunini d'uguma taatule imbeekhu, hegeri inni daayya arge, Waaqa ch'allati beekha).

³ Anini ammalle iti deebie jed'a, Anini aka nama kana gara Waaqaa gubbati olfuud'ani imbeekha (ammalle, wonti kunini d'uguma taatule anini imbeekhu, wonti sunini daayya taatule imbeekhu Waaqa ch'allati beekha),

⁴ achiti inni waan arabi dandae injenne, ka afaani nama sila indubbanne d'agaye.

⁵ Tanaafi anini waan nama kanatifi ufi guddisa; ammo waan kiyyaani ufi inguddisu, waan laafinna kiyya agarsiisa male.

⁶ Yo anini ufi guddisu fed'e, anini sila daalle intahu; maro d'uga dubbad'eefi; ammo anini ufii inguddisu; wonti akanatiifi anini nama tokole ka na saadu infed'u, ammo aka inni waan anini tolcheefi ka anini jed'e ch'alla arge saadu fed'a.

⁷ Ammo aka ufi guddisu na d'owani maro waan dansa ka anini argeetiifi, nafa kiyya keesa qoraatiini na woraante; wonti na d'ukubse suni aka ergattu Sheet'ana taate na gaargalchite ufi guddisu na d'owarte.

⁸ Maro sadi anini waan kana Waaqa kad'ad'e, Nara fuud'i jed'eeni.

⁹ Inni waan naani jed'e, Eebiti tiyya sii geeti; jabeenni kiyya hojja atini laafa waan gudda. Maro waan kanatifi anini guddo laafinna kiyyafi ufi guddisa, aka jabeenni Kristo na gubba tau.

¹⁰ Anini laafinnafi arabaafi d'ibafi d'ipufi gargala maro Kristotiifi indidu. Wonti akasitiifi yo anini laafa anini guddo jabaad'a.

Jaalalafi qarqarsa Paulo

¹¹ Anini aka daalle tahu jira, ammo isaniti na tolche. Nami sila na owisu male isani. Ato anini woma tahu d'ibaad'ele, anini ergattu teesani suni maand'aniti.

¹² Waan aka anini ergattu na agarsiisu ch'ufa kara obsatiini jiddu teesani keesati tolchani; akheekhafi huji jabdufi waan mama jiddu teesaniti tolchani.

¹³ Wonti d'ibiini anini isanii tolche taka gumi d'ibi intolchiini maani? Qarqaarsa ch'alla naa kenna isani injed'iini. Naa araarama, yo anini waan hamtu isani tolche!

¹⁴ Marooni sadeeso ta anini imaltu gara keesani d'ufu tana, anini diqole ulfinna isaniti tahu imfed'u. Anini isani fed'a male, hori keesani imfed'u. Ijoolleeni abbaafi haad'a ufi nyaachisu himmalle ammo abbaafi haati ijoolle ufi nyaachisu malte.

¹⁵ Anini waan qabu ch'ufa gammadaani baasa, nafa kiyyale, aka isani qarqaaru. Yo anini guddise isani jaalad'e, jaalalti teesani dandeete diqaatti?

¹⁶ Yo anini duri baa ulfo isaniti tahu d'ibaad'ele, nami gari waan jed'u, Inni malte worrati d'aate worra sobe.

¹⁷ Akamiini? Anini nama tokole isaniti erge karaa suniini isani dabse?

¹⁸ Anini Tito kad'ad'e, aka inni deemu, oboleesa d'ibile isa woliini erge. Titoti isani dabse? Anaafi inni herega takafi adaba taka inqamnu?

¹⁹ Hegeri isani waan nu haguma duriiti ufi dubbachu jirru nu seetani. Hiyyo, nu waan Kristoni nuu dubbachu fed'u dubbanna, fuula Waaqa durati, ammalle waan nu tolchinu ch'ufa, jaalaani tiyya, isaniini qarqaara.

²⁰ Anini insodaad'a aka yo ani achiini bahe isani aka anini fed'u injirtani, anileeni hegeri aka isani feetani injiru. Hegeri anini woldidiisafi qotefi dalansufi ufi jaalachafi arabaafi woli hamachafi ufi g guddisiitifi hameenna arga.

²¹ Insodaad'a, aka yo anini ammalle d'ufu, Waaqi kiyya fuula keesani durati na diqeesa, ammalle aka anini worra duri daba tolche, ammo hameenna suni ka aka daba algaloomatiifi ka d'araa hamtu ira indeebiini bohu.