2 Korintho 1 - KITAABA WAAQA

¹ Maqaani kiyya Paulo, ergattu Kristo Yeso fed'i Waaqa gula, ammalle oboleesa keenna Timotheo woliini jirra. Gara gumi Waaqa ta Korintho jirtuufi gumi Waaqa ch'ufa ta Akaya keesa jirtu:

² Waaqi Abba keennafi Aabbo Yeso Kristoni eebafi nagaya isanii kennina.

Pauloni galata Waaqaa deebisa

³ Waaqa Abba Aabbo keenna Yeso Kristoti galata deebimna, inni Abba naasu, Waaqa qarqaarsa aka ch'ufa namaa kennu!

⁴ Gaargala keenna ch'ufa keesati nu qarqaara, aka nuleeni dandeenne nama gaargala qabu ch'ufa qarqaarru, qarqaarsa nu Waaqa ira arganne suniini.

⁵ Akuma nu gaargala Kristo gudda qoodannu, akasuma maro Kristotiifi qarqaarsa isaa guddale qoodanna.

⁶ Yo nu gaargalle, maro qarqaarsafi baafama keesanitiifi gaargalla; yo nu qarqaarani isanile ya qarqaarani, irre ta isani gaargala aka keenna obsitaniini isani kennani.

⁷ Tanaafi abdiini nu isani abdannu diqole inchochoone; nu imbeenna aka, akuma gaargala keenna qoodattani, akasuma qarqaarsa nu argannule qoodattani.

⁸ Oboleyaani, nu gaargala lafa Asia keesati arganne isani qaabsiisu feena. Baani nura kayani waan guddo, ammalle aka male nuti ulfaate, tanaafi nu waan jiraannu ufi inseene.

⁹ Waan ijeecha nuti murani seene. Ammo wonti kunini aka nu ufi inabdanne ammo Waaqa ka nama due kaasu abdannufi taate.

¹⁰ Inni gaargala duisa kana keesaa nu baase, hegerile nu baasa; nuleeni abdi teenna isa ira keyanne aka inni ammalle nu baasu,

¹¹ akuma isanileeni kad'acha teesaniini nu qarqaartani. Kara kanaani kad'acha heddu ta nuu kad'atani d'agayani, Waaqileeni nu eebisa; duuba nami hedduuni qonqo olfud'ate maro teennaafi galata deebisa.

Herega Paulo gaargalchani

¹² Wonti nu ufi guddimnuufi tana: heregi keenna aka dansa nu beesisa, aka lafa tana keesa, keesuma jiddu teennaafi teesani, nu garaa tokooni d'uga Waaqi nu kenneefi eeba Waaqaatiini teenne, ammo qalbi namatiini inteenne.

¹³ Nu waan isani soomtani hubattani ch'alla isani t'aamna. Anini inheregad'a aka isani waan ammatana aka dansa inhubatiini

¹⁴ hegeri hubattani, aka Guyya Aabbo Yeso isanileeni akuma nu maro teesaniifi ufi guddimnu maro teennaafi ufi guddiftani.

¹⁵ Waan kana aka dansa beennaani, anini aka imaltu gara keesani d'aqu herege, aka maro lama eeba argattani.

¹⁶ Gaafa Makedonia deemuufi gaafa galule isani ira bahu fed'e, aka imaltu tiyya ta Yudea keesa na qarqaartani.

¹⁷ Gaafa waan kana herege anini waan aka injirre tahe? Anini yo woi heregu, aka nama lafa herega? ka Ee, Ee yokhaani Hiyyo, Hiyyo fulla tokotu jed'u?

¹⁸ Waaqi ka d'ugaati, kakhuuni tiyya gara keesani Ee yokhaani Hiyyoniti.

¹⁹ Wonti akanatiifi Yeso Kristoni Ilmi Waaqa ka anaafi Silafi Timotheoni isaniti odeesine, ka Eetiifi Hiyyo jed'uuniti. Inni Eeti Waaqaati;

²⁰ wonti akanatiifi waan Waaqi kakhate ch'ufa inni ee jed'a. Maro waan kanatifi maro Yeso Kristotiifi nu Amini jenne Waaqa guddimna.

²¹ Waaqati nu jabeesa isani woliini, jireenna keenna ka Kristo keesa; ammalle isumati biyya ira koba nu baase,

²² beesisa ufi nura kaye, ammalle Lubbu Qulqullo ufi nuu kenne, aka qabdo nuu taatu.

²³ Anini Waaqa ka d'uga tiyya yaamad'a, inni garaa kiyya imbeekha! Anini aka isani ingaargalchineefi Korintho d'aqu dide.

²⁴ Waan isani d'ugefachaani jabaatanifi nu waan isani d'ugefachu maltani isaniti himuti injiru. Ammo nu aka gammada argattani isani woliini hojachuuti jira.