2 Hayyoota 8 - KITAABA WAAQA

¹ Duuba Elishani niiti worra Shunemu, ta inni ilma isii duisa keesaa kaase taanini qaraa waan jed'e kai, siifi worri keetileeni fulla d'ibiti godaana; AABBO Waaqi haga ganna torba lafa tana beela iti buusa.

² Duuba isiini dubbi Elisha ch'aqafte, worra isii fud'atte, kaate godaante, ganna torba lafa Filisti keesa teete.

³ Ganni torbeeso hobae jennaani lafa Israeliti deebite, gara hayyu d'at'e, mana kiyyafi lafa tiyya na deebisi jetteeni.

⁴ Gaafa isiini fulla hayyu d'ufte, hayyuuni Gehazi, hojattu Elisha, woliini haasau jira. Hayyichi waan mama ka Elishani tolche isa iraa odeefachu jira.

⁵ Ato Gehazini tae aka Elishani nama due kaase hayyuuti himu jiru, niitiini taani olseente, mana kiyyafi lafa tiyya na deebisi hayyuuni jette. Gehazini waan isaani jed'e, Ee hayyicha, niitiini tana, ammalle gurbaani isii ka Elishani kaaseleeni kuno kana.

⁶ Hayyuuni, Dubbini sunini jirti? jed'e isi gaafate jennaani, Ee injirti, jetteeni. Jennaani hayyichi nama toko yaame, waan niiti tana ch'ufa deebisaafi, ammalle waan lafti isii ganna torbaani isiini ala teete suni baaftele ch'ufa deebisaafi jed'e.

Elishafi Benhadadi hayyu Shamu

⁷ Gaafa toko ka hayyuuni Shamu Benhadadini fayya intahiini, Elishani Damaski d'aqe. Hayyichi aka Elishani d'ufe d'agaye jennaani,

⁸ waan Hazaelini jed'e, Raaga suni waan kana geesifi, waan jettuuni, Aka anini fayyu AABBO Waaqa naa gaafad'i.

⁹ Jennaani Hazaelini gaala afurtama waan dadansa dira Damaski keesaa argatani ch'ufa iti fayye, gara Elisha d'aqe. Hazaelini isaani bahe jennaani inni waan jed'eeni. Ilmi kanke hayyu Benhadadini na erge, beeni, Elisha aka anini d'ukuba fayyu AABBO Waaqa naa gaafad'i nani jed'e.

¹⁰ Elishani waan jed'eeni, Beeni, AABBO Waaqi yayu aka atini fayya d'aba kana fayyite, ammo eege dootu na garsiise jed'iini.

¹¹ Jennaani Elishani aka male fuula yakate, ila iti qabe, Hazaeli laale ch'eerse bohe.

¹² Hazaelini waan jed'eeni, Aabbo, atini maanifi boota? Elishani waan jed'eeni, Waan hamtu atini worra Israeli tolchitu anini imbeekha, atini dira worra jajaba gubde, nama worraa kaima ch'ufa qaqalte, ijoolle worraa ch'ufa ch'ach'arasite, nad'eeni worraa ta garaacha qabdu ch'ufa garaa baqasita.

¹³ Hazaelini waan jed'eeni, Anini ufiftu, nami sareele ingeenne, akami dandae irre waan akasi sunini tolchu qaba? Elishani waan jed'eeni, AABBO Waaqi yayu na garsiise, aka atini hayyu Shamu taatu.

¹⁴ Hazaelini Benhadaditi deebie, jennaani Benhadadini, Elishani maani sini jed'e? jed'e gaafate Hazaelini waan jed'eeni, Inni waan sini jed'e, Inuma fayyita.

¹⁵ Ammo boriyyaate Hazaelini baddo fuud'e, bisaani keesa kaye, fuula isaa iraa kaye, ukaamse ijeese, fulla isaa hayyu tahe.

Hayyu Yuda ka Yehoramu jed'ani

¹⁶ Ganna shaneeso ka Yoramuni, ilmi Ahabu, hayyu Israeli tahe, Yehoramuni, ilmi Yehoshefathi, hayyu Yuda tahe.

¹⁷ Gaafasi ganni isaa sodomi lama, ammalle inni ganna saddeeti Yerusalemu keesa worra Yuda mohate.

¹⁸ Niitiini isaa dubra Ahabu, ammalle inni worra Ahabu gula bahe, akuma hayyoota Israeli taani waan hamtu tolche. Inni AABBO Waaqa durati ch'ubbu tolche,

¹⁹ ammo AABBO Waaqi worra Yuda balleesu dide; wonti akanatiifi inni duru hojattu isaa Dauditi kakhate, aka d'alooti isaa haguma jiru jireenna lafa Yuda mohatu.

²⁰ Bara Yehoramuni lafa fide suni, worri Edomu finna worra Yuda dide hayyu ufi fohate.

²¹ Jennaani Yehoramuni gaari isaa ka fardi hirkisu ch'ufa guurate, Sairi d'aqe, achiti askartini Edomu worra Marsite. Halkani suni isaafi worri isaa ka gugurda askarti gaarini yaatu, nyaapa suni iti ch'abse, askartini ch'uftileeni worra ufiti baqatte.

²² Worri Edomu haga arrale finna worra Yuda jala injiru. Baruma suni worri Libnaleeni finna worra Yuda jalaa bahe.

²³ Waan Yehoramuni tolche ch'ufa kitaaba Odu Hayyoota Yuda keesati t'aafaniti, t'aafani.

²⁴ Yehoramuni due irreesa hayyoota ka dira Daudi keesati awaalani, jennaani ilmi isaa Ahaziani fulla isaa hayyu tahe.

Hayyu Yuda ka Ahazia jed'ani

²⁵ Ganna kud'ani lameeso ka Yehoramuni, ilmi Ahabu, hayyu Israeli tahe, Ahaziani, ilmi Yehoramu, hayyu Yuda tahe.

²⁶ Gaafasi ganni isaa diddami lama, duuba inni ganna toko Yerusalemu keesa worra Yuda mohate. Haati isaa Athalia, isiini dubra Ahabu, ka hayyu Israeli ammalle akhaakhuni isii, Omri, ka innileeni duri hayyu Israeli.

²⁷ Waan Ahaziani soda Ahabu taheefi, inni worra Ahabu gula bahe AABBO Waaqa durati ch'ubbu tolche.

²⁸ Ahaziani Yehoramu hayyu Israeliti goli tahe, worri woliini Yae, hayyu Shamu ka Hazaeli jed'ani had'e. Ramothi ka Gileaditi woli had'ani, Yehoramu had'iisa suni keesati madeesani.

²⁹ Inni aka fayyu dira Yezreeli d'aqe achi tae; ato inni achi jiru Ahaziani isa argu d'aqe.