2 Hayyoota 7 - KITAABA WAAQA

¹ Elishani waan jed'eeni, Waan AABBO Waaqi jed'u d'agaya! Bori hojja tana Samaria keesa dargaye kilo sadi yokhaani garbu kilo jaa qarsi tokooni gurgurani.

² Namichi hayyuuni deemu waan Elishani jed'e, Dubbini sunini intaatu, ato AABBO Waaqi amuma tana bokaya buusele! Elishani waan jed'eeni, Atini waan suni iluma teetiini garta, ammo woma insooratu.

Aka duuli worra Shamu kae gale

³ Duuba nami afuri ka d'ukuba hama aka qomaat'a qabu, balbala dira Samaria alaani tataa. Worri waan woliini jed'e, Nu maanifi haga doonuti arma teteenna?

⁴ Ato dira duunele beelumaani doona; yo armati hamnele inuma doona. D'iiro, gara duula Shamu nu yaasa; yo worri lubbu nu baase injiraanna, ammo yo worri nu ijeesele silaaftu inuma doona.

⁵ Lafti galgaloofte jennaani worri fulla duuli Shamu jiru d'aqe, artini bahani jennaani namu achi d'abani.

⁶ AABBO Waaqi dibbeesa orisaa askarti heddu ta fardaafi gaarini yaatu d'ageesise, duuba worri Shamu waan hayyuuni Israeli hayyoota Hititifi ta Misiri, askarti isaani woliini worrati bite worra haasise sehani.

⁷ Duuba galgala suni worri Shamu kae baqate, waarofi fardooleefi harreelele ch'ufa akanumati lafati lakisani kaani biraa baqatani.

⁸ Worri afraani kaani fulla askartini baqatefi taanini bahe jennaani waaro toko seenani waan keesati argani ch'ufa nyaatani d'ugani, qarsifi worqifi woya ch'ufa guuratani, itiini d'aabatani, d'ofatani; jennaani ammalle keesa deebiani, waaro d'ibi duudani, akuma kaani tolchani.

⁹ Ammo eege waan woliini jed'ani, Nu waan dansa tahuti injiru, nu odu dansa tana d'ofachu himmalle. Yo nu haga diirama ch'almineni gaargali nu inhanqatu. Amuma tana nu yaasa, worra hayyuuti himna!

¹⁰ Duuba worri achi kae, dira Samariati dachae, askarti balbala dira suni eeduuni waan jed'e, Nu fulla duuli Shamu jiru d'anne, nama tokole achi d'amne; fardooleefi harreelele mukha ira inhiinne, waaroleeni akuma worri biraa yae jirti.

¹¹ Worri balbala eegu kaani dubbi suni labse, labsaani sunini mana hayyule geete.

¹² Hayyuuni halkani kae waan hojattu isaatini jed'e, Anini waan worri Shamu malatu ya arge, worri aka nu beela qamnu imbeekha, tanaafi fulla qara jirani kaani raasa keesati d'okhachu d'aqani, waan jed'ani, Hojja worri dira keesaa bahu, worra qaqamne dira worra fud'anna.

¹³ Hojattuuni isaa toko waan jed'e, Nami dira kana keesa jiru ufuftu ya bade, akuma nama dueti. Duuba namafi fardoole shani ta hafte ergine, waan nyaapi sunini keesa jiru hubanna.

¹⁴ Duuba nama fohatani, hayyuuni worra fohatani suni gaari lamaani erge, waan jed'eeni, Beena waan worri Shamu keesa jiru laala.

¹⁵ Worri haga galaana Yordani yae, kara suni ch'ufa keesati woyaafi miha worra Shamu ka ato worri baqatu iraa jige argani. Duuba deebiani waan ch'ufa hayyuuti himani.

¹⁶ Jennaani worri Samaria ch'ufti bahe, bulto worri Shamu keesaa baqate taani saame. Duuba akuma AABBO Waaqi jed'e kaani dargaye kilo sadi yokhaani garbu kilo jaa qarsi tokooni gurgurani.

¹⁷ Duuba hayyuuni Israeli namicha isani deemu kaani gudda worra balbala dira eegu tolche. Biyyiti namicha suni ira ejaanjatte ijeefte, akuma Elishani gaafa hayyuuni isa argu d'ufe kaani fage.

¹⁸ Elishani qara waan hayyuuni jed'e, Bori hojja tana dargaye kilo sadi yokhaani garbu kilo jaa balbala Samariati qarsi tokooni gurgurani,

¹⁹ ammo namichi hayyuuni deemu kaani waan jed'e, Dubbini sunini intaatu, ato AABBO Waaqi amuma tana bokaya buusele! Jed'e morme Elishani waan jed'eeni, Atini waan suni iluma teetiini garta, ammo woma insooratu.

²⁰ Duuba wonti inni tahe tana, fullo dirati biyyiti ira ejaanjatte ijeefte.