2 Hayyoota 3 - KITAABA WAAQA

¹ Ganna kud'ani saddeeti ka Yehoshefathini hayyu Yuda tahe, Yoramuni, ilmi Ahabu, hayyu Israeli tahe, inni dira Samaria keesa ganna kud'ani lama lafa mohate.

² Inni AABBO Waaqa durati ch'ubbu tolche, ammo haad'afi abba isaa ira gooma; ammalle akheekha abbaani isaa Baali mid'aase kaanile ch'abse balleese.

³ Ammo akuma Yeroboamu ilma Yebati, ka isa durati hayyu tahe inni, worra Israeli ch'ubbu keesa buuse lakisu dide.

⁴ Meshani hayyuuni Moabu, nama guddo hooliye qabu, duuba ganna ch'ufa inni ilmoole hooliye isaa kuma d'ibba tokotifi hooliye kuma d'ibba toko dabbasa iraa ch'ire, waan kana hayyu Israeliti damoosa baasa.

⁵ Ahabuni hayyuuni Israeli due jennaani, Meshani waan duri baasu kaani garagale baasu dide.

⁶ Maro tokotu hayyu Yehoramuni dira Samaria keesa bahe duula isaa ch'ufa wolti yaame.

⁷ Duuba qonqo Yehoshefathi hayyu Yudati erge waan jed'eeni: Hayyuuni Moabu ya nati gargale; atini wahela na intaatu, aka Moabu had'u d'annu? Inni waan jed'eeni, Hayye dansa, ha tatu, anini kurfo jira aka si qarqaaru, fardooleeni tiyyaafi nami kiyyaleeni ch'ufti kurfo jirani.

⁸ Kara kami yaana? Yehoramuni waan jed'eeni, Kara d'eera lafa aloo ta Edomu keesa bahu kaani gula yaana.

⁹ Duuba hayyooti Israelitiifi ta Yudatifi ta Edomu kaate duula woliini yaate; torba karaa bulte jennaani bisaani iraa d'umatani, namaafi hori worri yaunile d'eebuuni balleesite.

¹⁰ Hayyuuni Israeli waan jed'e, D'iiro, ya banne! AABBO Waaqi yayu nuu sadeenu harka Moabu keesa nu buuse!

¹¹ Yehoshefathini waan jed'eeni, Raagi arma jira, ka nu AABBO Waaqa wo nuu gaafad'u jennuuni? Namichi hayyu Israeliti hojatu toko waan jed'eeni, Elisha, ilma Shafati ka duri Eliya jala hojatuti arma jira.

¹² Yehoshefathini waan jed'e, Inni raaga d'uga, ka dubbi AABBO Waaqa qabu. Jennaani hayyooti sadeeni taani gara Elisha d'at'e.

¹³ Elishani waan hayyu Israelitini jed'e, Anini maanifi si qarqaara, beeni, raagoota abbeetifi haate gula yaani d'aqi. Ammo hayyuuni Israeli waan jed'eeni, Hiyo, laki, achi ind'aqu, nami hayyoota sadeeni tana harka Moabuti kenne AABBO Waaqa.

¹⁴ Elishani waan jed'eeni, Maqa AABBO Waaqa gudda anini hojad'uni kakhad'a, anini sila woma sira inqabu, ammo amma Yehoshefathi, hayyu Yuda, ka goli teeti kana iraa ch'eera.

¹⁵ Amma nama sirba beekhu toko naa ga yaami. Ato inni kiraari d'ae sirbuti jiru, irreeni AABBO Waaqa Elisha ira buute.

¹⁶ Jennaani inni waan jed'e, Wonti AABBO Waaqi jed'u tana: Laga kana ch'ufa haro keesati qoqota.

¹⁷ Ato bokayafi bubbele argu baatani amuma tana laga kana bisaani guutani, isanifi looni keesanifi horiini, keesani ka geejiba ch'ufti d'uddani d'eebu baatani.

¹⁸ Elishani ammalle waan jed'e, Wonti kunini Waaqaa woma keesa injirtu, inni worra Moabule harkuma keesaniti kenna.

¹⁹ Isani dira worraa jajaba mimid'aaga haatani balleesitani; mukeeni worraa dandansale ch'ufa ch'irtani balleesitani, madda worrale ch'ufa duuchitani, oobru worraa dadansa ch'ufa d'akha iti guurtani balleesitani.

²⁰ Boriyyaate, hojja sorio diirama baasani taani bisaani qajeela Edomuti ga d'ufani lafa ch'ufa fud'atani.

²¹ Worri Moabu aka hayyooti sadeeni suni worra had'u d'ufte d'agaye jennaani, nama miha lolaatiini yau dandau ch'ufa, diqaafi guddale ch'ufa, wolti yaame, fulla seera lafa suniti wolti baase.

²² Hojja worri bori diirama lafaa kae, aduuni bisaaniti ibsite kayyoni isii suni d'iiga fakeesite.

²³ Worri waan jed'e, Woni kunini d'iiga! Hayyooti sadeeni taani ya woli haate wolballeesite! Nu yaasa, d'anneti bulto worraa saamana.

²⁴ Ammo worri fulla sunini bahe jennaani worri Israeli kae, worra had'e ufira deebise, reebuma reebe, worra hobaase,

²⁵ dira worrale balleese. Worri Israeli, ato oobru worraa taani keesa dabru, d'akha iti guure oobru ch'ufa d'akhaani duuche; ammalle madda ch'ufa duuchani, mukeeni worraa dadansa ch'ufa ch'irani. Eege, dira Kea-Haresethi ch'allaati hafe, isaale worri gullubaa marse d'akhaani had'e.

²⁶ Hayyuuni Moabu aka dabsatani arginaani, nama d'ibba torba, ka goraade qabu, fuud'e, irreeni nyaapa isaa kaani keesa dabru fed'e, aka sila gara hayyu Shamuti baqatu, ammo indad'abe.

²⁷ Jennaani ilma isaa ka angafa ka isa gula sila hayyu tahu, fuud'e dallaa d'akhaa ka dira sunini jaarani gubbati qale, waaqa Moabuti sorio baase. Worri Israeli aka taka inargini sodaate, dudda duubati deebie, kae lafa ufiti ufira gale.