2 Hayyoota 22 - KITAABA WAAQA

¹ Ganni Yosia saddeeti gaafa inni hayyu Yuda tahe, ammalle inni Yerusalemu keesa ganna sodomi toko lafa mohate. Had'a isa maqaani Yedida, isiini dubra Adaya, ka dira Bokathi.

² Yosiani waan AABBO Waaqi fed'u tolche, faanuma ababo isaa Daudi, ka diqole iraa ingorini bahe, Seera Waaqa ch'ufa jabeese guute.

Aka kitaaba Seera AABBO Waaqa ka bade argani

³ Yosiani ganna kud'ani saddeeteeso ka lafa mohate keesa nama isaa tatabe t'aafu ka maqaani Shefani, ilma Azalia ka akhaakhu Meshulamu, Mana Waaqati erge waan jed'eeni,

⁴ Beeni, gara Hilkia Qaallu gudda d'aqi, haga beeseeni qaaloleeni fullo Mana Waaqa keesati nama iraa guurte geetu hubad'i.

⁵ Waan atini jettuuni, Beese suni worra Mana Waaqa mid'aasuu kenni. Duuba worri ha

⁶ ogeeyifi ijaartufi worra d'akha boch'u baase ammalle mukhaafi d'akha manani mid'aasanile bituti.

⁷ Worri hujiti mata ch'ufti nama d'uga, ka hori ch'ubbu inyaanne, tanaafi wonti isani beese suni maanini hojattani jettani gaafatanifi injirtu.

⁸ Shafanini d'aamsa hayyu Hilkiati hime jennaani, Hilkiani waan jed'eeni, Anini yayu kitaaba Seera Mana Waaqa keesati arge. Duuba Hilkiani kitaaba fuud'e iti kenne jennaani Shefanini fuud'e soome.

⁹ Duuba hayyuuti deebie waan jed'eeni, Hojattuuni tante yayu beese Mana Waaqa keesa jirtu taani fuute worra Mana Waaqa mid'aasuu kennite.

¹⁰ Ammalle wonti inni jed'e, Anini kuno kitaaba Hilkiani nati kenne harka qaba, jed'e, duuba hayyu soome.

¹¹ Hayyuuni kitaaba soomu jirani d'agaye jennaani laalefate woya ufiraa qabu tatarsaase,

¹² duuba seera baase, waan qaallicha Hilkiafi, Ahikamu ilma Shafanitifi Akbori ilma Mikatifi Shafani ka tatabe hayyu t'aafufi Asaya ka hayyu hojattuuni jed'e,

¹³ Bena, anaafi gumi Yuda ch'ufaa waan kitaaba kana keesati t'aafani AABBO Waaqa nuu gaafad'a. AABBO Waaqi yayu nuti dallane, maro ababooti teenna waan kitaaba kanati t'aafani gula yau dideefi.

¹⁴ Jennaani Hilkia, Ahikamu, Akbori, Shafani ammalle Asayani yaani niiti Hulda jed'ani ta raaga ta dira yerusalemu moga hareetiti galtu d'aqani wogaafatani. (D'iirsi isii shalumuni ka ilma Tikra, ka akhaakhu Harhasi, inni nama woya Mana Waaqa qorqoratu.) Worri waan tahe kana ch'ufa iti hime,

¹⁵ jennaani isiini waan jetteeni, AABBO Waaqi Israeli waan jed'u: waan isani nama nati isani ergeeni jettani,

¹⁶ AABBO Waaqi Israeli waan jed'u, Anini Yerusalemu nama isa ch'ufa ingaargalcha, akuma kitaaba hayyu soomani keesati t'aafani.

¹⁷ Worri ya na dide sorio waaqa d'ibi baase, akanaani worri huji sunini na dallansiise, tanaafi dallansuuni sunini ta anini Yerusalemuti dallane deebite amma nara ingaltu.

¹⁸ Ammo gama hayyu. Anini AABBO Waaqi Israeli waan jed'u: Atini waan kitaaba keesati t'aafani ch'aqafte,

¹⁹ aka anini Yerusalemufi nama isi ch'ufa, imballeesa jed'e sodaachise d'ageete, ch'ubbu iraa deebite, na durati ufi diqeesite, woya tante tatarsaafte boote. Anini dira suni waan nama rifachiisa tolcha, aka nami maqa isaatini nama abaaru. Ammo anini kad'acha tante yayu d'agaye.

²⁰ Tanaafi haga atini dootuti anini Yerusalemu gaargalche woma intolchu. Atini ato nagayi jiru doota. Jari deebie d'aamsa kana hayyu Yosiati hime.