2 Hayyoota 2 - KITAABA WAAQA

¹ Guyyaani AABBO Waaqi Eliya bubbeeni gubbati olfuud'u geennaani Eliyaafi Elishani Gilgali kaani yaani.

² Ato worri yau Eliyaani waan Elishani jed'e, Abbo, atini asuma hafi, AABBO Waaqi ya Betheliti na erge. Ammo Elishani waan jed'eeni, Anini maqa kanketifi ka AABBO Waaqatini kakhad'a, aka si jala inhamne. Jennaani worri Betheliti woliini iti d'aabate.

³ Gumiini raagoota ta achi teetu, gara Elisha d'at'e waan jetteeni, Atini aka AABBO Waaqi arra abba kanke si bira fuud'u beeta? Elishani waan jed'eeni, Ee, imbeekha, ammo waan suni ira imbahiina.

⁴ Jennaani Eliyaani waan Elishani jed'e, Abbo, atini asuma hafi, AABBO Waaqi ya Yerikoti na erge. Ammo Elishani waan jed'eeni, Anini maqa kanketifi ka AABBO Waaqatini kakhad'a, aka si jala inhamne. Tanaafi worri kae Yerikoti woliini iti d'aabate.

⁵ Gumiini raagoota ta achi teetu, gara Elisha d'at'e waan jetteeni, Atini aka AABBO Waaqi arra abba kanke si biraa fuud'u beeta? Ee, anini imbeekha, ammo waan suni ira imbahiina jed'e.

⁶ Jennaani Eliyaani waan Elishani jed'e, Aabbo, atini asuma hafi, AABBO Waaqi yayu galaana Yordaniti na erge. Ammo Elishani waan jed'eeni, Anini maqa kanketifi ka AABBO Waaqatini kakhad'a, aka si jala inhamne. Tanaafi worri kae woliini yae,

⁷ ammalle raagooti nami shantama worra gula yaate. Eliyaafi Elishani afaani galaana ejaanjani, raagooti shantama taanileeni worra hanqate ejaanjite.

⁸ Jennaani Eliyaani woya ufi ufira fuud'e, wolti dachaase bisaanini d'ae. Bisaani kaani gargari bahani, isaafi Elishani lafa goddu ira gama kaaniti taakani.

⁹ Worri achini bahe jennaani Eliyaani waan Elishani jed'e, Ato na si biraa infuune, waan anini sii tolchu nati himi. Elishani waan jed'eeni, Irre atini woini tolchitu haga toko na kenni.

¹⁰ Eliyaani waan jed'eeni, Atini waan jabdu kad'atte, ammo yo aka si biraa na fuud'ani agarte, inargata; yo na inargini, inargatu.

¹¹ Worri haasaa iti d'aabate, ato worri yau gaarini nafi isaa ch'ufti ibida, ka fardi isaa hirkisuleeni ch'ufti ibida, jiddu worra lamaani bahe, Eliyaa bubbeeni gubbati olfuute.

¹² Elishani waan suni ch'ufa arge jennaani lalabe waan jed'e, Aabbo kiyya, aabbo kiyya, qarqaarsa jaba Israeli! Duuba hagi inni Eliya arge hagasuma. Laalalaani Elishani woya ufi fulla lamati gargari tarsaase,

¹³ woya Eliya iraa buute fuud'e, kae deebie afaani galaana Yordani eje.

¹⁴ Woya Eliya sunini bisaani d'ae waan jed'e, AABBO Waaqi Eliya me? Jennaani maro lameeso bisaani suni d'ae, bisaani gargari ch'itani jennaani inni kae gama kaaniti taake.

¹⁵ Raagooti shantama ta Yeriko taani isa agarte jennaani waan jette irreeni Eliyaa ya Elishati hafte! Worri fuula keesa yae durati gajed'e,

¹⁶ Waan jed'eeni, Nu nami shantama kunini ch'ufti kaima jajaba, eegi, abbe sii barbaanna. Egeri lubbuuni Waaqa isaa fuute, gaarafa yokhaani balefa keesa isa buufte. Elishani waan jed'eeni, Hiyo indeemina.

¹⁷ Ammo worri guddo dubbi suni lakisu dide, jennaani inni waan jed'eeni, Beena barbaada. Worri shantama kae yae, fulla ch'ufa haga guyya sadi barbaade lafaa d'abe.

¹⁸ Jennaani Elisha ka Yerikoti worra eegu jiruti dachaani, jennaani inni waan jed'eeni, Anini indeemina isaniini injenne?

Waan mama ka Elishani tolche

¹⁹ Nami gari, ka dira Yeriko, gara Elisha d'aqe waan jed'eeni, Aabbo akuma atini gartu, diri kunini fulla dansaa jira, ammo bisaani isaa hamo, nad'eenile garaacha iraa baasani.

²⁰ Inni waan jed'e, Sooda qori hareetiti naqa, natiini koota, worri itiini d'ufe jennaani

²¹ inni gara maddo suni d'aqe, sooda suni bisaaniti naqe waan jed'e, wonti AABBO Waaqi jed'u tana: Anini bisaani kana inqulqulleesa, aka isaani deebiani nama inijeemne yokhaani nad'eenile, garaacha iraa imbaamne.

²² Duuba bisaani suni arti asi haga arrale qulqullo, akuma Elishani jed'e kaani.

²³ Elishani Yeriko bahe Betheli d'aqe, ato inni karaa deemu ijoolleeni d'iira toko dira keesaa d'ufte isa goyeesite. Waan jetteeni, Armaa deemi, seseega molticha! Arma deemi!

²⁴ Elishani iti garagale, maqa AABBO Waaqatini abaare. Jennaani gorjami d'ad'alani lama danqara keesaa gadi bahe, ijoolle suni keesa nama afurtami lama artumati gargari ch'ire hobaase.

²⁵ Elishani kae, gaara Karmeli d'aqe, duuba eege artile bahe Samariati deebie.