2 Hayyoota 12 - KITAABA WAAQA

¹ Ganna torbeeso ka Yehuni hayyu Israeli tahe, Yoashini hayyu Yuda tahe, ganna afurtama Yerusalemu keesa lafa mohate. Haad'a isaa maqaani Sibia isiini dira Beersheba keesati d'alate.

² Jireenna isaa ch'ufa keesa inni waan AABBO Waaqa gammachiisa tolche, waan qaallichi Yehoyadani isa barsiisefi.

³ Ammo tatule fulla gaareeni gubaa ta waaqa d'ara iti yaamatani tokole imballeesine; biyyiti achiti sorio baafte, hit'aana aarsu illakimne.

⁴ Yoashini qaalole yaame waan jed'eeni, Beese Mana Waaqatini d'ufani ch'ufa, waan aada gula guyya ch'ufa baasani taanaani, waan fed'i gula baasani taanaani, olkaya.

⁵ Qaalluuni ch'ufti ha nama inni fuula beekhu beese iraa fuud'e olkayu, duuba beese sunini ha Mana Waaqa fulla inni ch'abeni ch'ufa mid'aasaniti.

⁶ Ammo ganna diddami sadii ka Yoashini hayyu tahe suni ch'ufa qaaloleeni sunini Mana Waaqa taka imid'aasine.

⁷ Duuba inni Yehoyadafi qaalole taani yaame waan jed'eeni, Isani maanifi Mana Waaqa mid'aasu diddani? Armaa achi beese guurtani suni oliinkayina, nama Mana Waaqa mid'aasuti kenna ha worri manani mid'aasuti.

⁸ Qaaloleeni aka deebite beese nama iraa guurte, Mana Waaqa ufiini imid'aasine ee jette.

⁹ Jennaani Yehoyadani sanduqa fuud'e qadaada isaa ure, sanduqa suni waan sorio irati baasani gama mirga fulla Mana Waaqa oliini seenani d'aatu kaaye qaaloleeni balbala eeddu beese Mana Waaqatini d'ufani ch'ufa sanduqa suni keesa buufte.

¹⁰ Hojja beeseeni suni sanduqa keesati guddatu ch'ufa, nami hayyu wot'aafufi qaallichi guddaani d'ufani, qarsi suni hedani, subba keesati naqani hod'ani olkayani.

¹¹ Eegi beese suni hedani t'aafani, fuud'aniti harka worra Mana Waaqa ijaaruti kennani, duuba worra suniti hogeeyi mukhaatifi, ijaartufi

¹² ka d'akhaani wojaarufi ka boch'ule beese baasafi. Ammalle worri mukhaafi d'akha manani mid'aasani bite, waan fed'ani d'ibile ch'ufa baasa.

¹³ Ammo beeseeni sunini huji muduunu qarsifa ta qorifa magalata fa yokhaani miha ifse fa yokhaani miha d'ibi qarsiini mid'aasani tokole inhojanne.

¹⁴ Beese suni damoosa. Worra hujitifi miha manani jaarani ch'allaa baasani.

¹⁵ Worri huji suni hojatu ch'ufti nama d'ugaati, tanaafi wonti worra waan beese suni gaafatanifi injirtu.

¹⁶ Beese sorio gati baasanitifi ta sorio dabaani ufi iraa baasani Mana AABBO Waaqatini ind'umne, beeseeni sunini ta qaaloleeti.

¹⁷ Gaafasi Hazaelini hayyuuni Shamu, d'aqe dira Gathi had'e dabsate; eegi sunile Yerusalemu had'u fed'e.

¹⁸ Yoashini, hayyuuni Yuda, waan jari duri isa durati hayyu tahe, Yehoshefathifi Yehoramufi Ahaziani AABBO Waaqa baase, fuud'e, waan inni baaseefi worqi Mana AABBO Waaqatifi ka hayyu keesa jirtu ch'ufa iti dare Ahazeli hayyu Shamuti erge, jennaani Ahazelini askarti isaa Yerusalemu biraa galche.

¹⁹ Waan Yoashini tolche ch'ufa kitaaba Odu Hayyoota Yuda keesati t'aafaniti t'aafani.

^20-21 Hojattuuni Yoashi mala isati d'aate, worri nami lama, ka Yosakari ilma Shimeathitifi Yehozabadi ilma Shomeri jed'ani, fulla lafa duuchani mana irati jaarani ta Yerusalemuni ilaboru, ta qajeela kara Sillati gabuu kaaniti isa ijeese. Duuba irreesa hayyoota ka dira Daudi keesati isa awaalani; jennaani ilmi isa Amaziani fulla isa hayyu tahe.