2 Hayyoota 11 - KITAABA WAAQA

¹ Haati Ahazia akuma lubbu ilma isii d'ageeteni, kaate nama fiit'a hayyu ch'ufa, fit'a jette.

² Nama ch'ufa fit'ani, Yoashi ilmi Ahazia ch'allaani bahe. Isale sila worruma kaani woliini fit'ani, ammo adaada isaa Yehosheba, ta dubra hayyu Yehoramu, oboleeti Ahaziati, isa baase. Isiini isaafi qabdu isaa fuute Mana Waaqa, fulla keesa bulaniti Athalia duraa d'ossite, akasiini lubbu baafte.

³ Ganna jaa Yehoshebani gurba suni qorqorate Mana Waaqa keesati d'ossite, ka Athaliani lafa mohattu.

⁴ Ammo ganna torbeeso qaallichi Yehoyadani, worra gugurda askarti hayyu eeddu matatifi worra mana isaa tissuleeti mataa yaame Mana Waaqati koota jed'eeni, kakhachiise, waan inni tolchu fed'u iti hime. Duuba inni Yoashi ilma Ahazia worra garsiise.

⁵ Waan jed'eeni, Hojja guyya Sabato huji d'uftani, isani nami hagi toko mana hayyu eega;

⁶ hagi tokoleeni balbala suni eega, ammalle hagi tokoleeni askarti taani duuba ejaanja, balbala eega.

⁷ Jari sila guyya Sabato oolu ha fulla lamati gargari bahe Mana Waaqa eegu, aka hayyu qorqoratu.

⁸ Isani nami ch'ufti, ka namu goraade ufi harkaa qabu, hayyu bira indeemina, fulla inni deemu ch'ufa gula yaa, tissa. Nama isaniti d'iaatu ch'ufa ijeesa.

⁹ Jari gugurdaani kaani jecha Yehoyada guute, jara ufi ch'ufa isatini d'ufe, jara guyya Sabato oolufi ka hojatule.

¹⁰ Inni worra gugurda suni woraanafi wonte duri hayyu Daudini qabu, ta Mana Waaqa keesati olnaqani kenneefi,

¹¹ ammalle jara suni ch'ufa ka goraade ufi harka qabu Mana Waaqa duraani d'ufe, Hayyu eega jed'eeni.

¹² Jennaani Yehoyadani Yoashi gabaase, sure hayyuma mata isaa ira kaaye, kitaaba seera hayyuuni lafaani fidu keesati t'aafani iti kenne. Duuba Yoashi, muudani akasiini hayyu tolchani biyyiti harka d'oofte, lalabde waan jette, Lubbuuni hayyu ha d'eeratuti!

¹³ Hayyiti Athaliani aka askartifi biyyiti lalabdu d'ageete jennaani, utaalte, Mana Waaqa fulla biyyiti wolti baatu d'ufte,

¹⁴ hayyu ka utuba balbala Mana Waaqa fulla aada gula hayyuuni eju, eju agarte. Isa jara gugurdafi worra magalata d'auti marse bira ejaanja, biyyitileeni gammadde lalabde magalata d'oofti. Jennaani Athaliani woya ufi tatarsaafte, iyyite waan jette, ya mala nati d'aatani na balleesani! Ya na balleesani!

¹⁵ Yehoyadani aka Athalia Mana Waaqa keesati ijeesani infed'u, tanaafi waan worra gugurda askartitini jed'e, Jiddu askarti tana keesa alati baasa, nama lubbu isii baasu fed'u ijeesa.

¹⁶ Duuba isii qabani, mana hayyu, geesani, fulla Fullo Fardati isii ijeesani.

Aka Yehoyadani lafa mid'aase

¹⁷ Yehoyadani hayyufi biyyale ch'ufa wolti yaame, aka worri nama AABBO Waaqa tahe, isaani wold'aqani woliini taani tolche; inni ammalle akasuma hayyuufi biyyale wold'ageesise.

¹⁸ Jennaani biyyiti ch'ufti mana Baali d'at'e ch'ach'absite; worri fulla sorio irati baasanifi waan boch'ani kad'atanile ch'ufa ch'ach'absani balleesani qaallicha Baali ka Maatani jed'anile waan sorio irati baasani durati ijeesani. Jennaani Yehoyadani nama Mana Waaqa eegu tolche,

¹⁹ isaafi worri gugurda askartitifi jara hayyu eegufi jari mana hayyu eeguleeni, hayyu fulla Mana Waaqati fuud'e, mana hayyuuti geese, ka biyyiti ch'ufti gula yaatu. Yoashini balbala eedotini olseene, barch'uma hayyu ira tae.

²⁰ Jennaani nami ch'ufti gammade, dirileeni nagaya argate, haguma Athalia mana hayyu keesati ijeesani.

²¹ Yoashini, gaafa hayyu Yuda tahe, ganni isaa torba.