2Tasaloonqe 3 - KITAABA WAAQA

¹ Tanaafi, dubbi buufata, oboleyaani, Waaqa nuu kad'ad'a, aka dubbini Aabbo fulla ch'ufa geete dabsattu, akuma jiddu teesaniti taate.

² Ammalle Waaqa kad'ad'a, aka inni harka nama hamamatiifi ka dabaati nuu baasu. Wonti akanatiifi nami ch'ufti d'ugefacha inqabu.

³ Ammo Aabbooni ka d'ugaati. Inni isani jabeeseti Sheet'anale isani iraa d'owa.

⁴ Aabbooni ya isani nu d'ugefachiise; ammalle nu imbeenna, aka isani waan nu isaniti himnu ch'ufa arrafi hegerile guuttani:

⁵ Aabbooni jaalala Waaqaatiifi obsa Kristoni namaa kennuti isani akheekhiina.

Huji hojad'a

⁶ Maqa Aabbo Yeso Kristotiini isaniti himna, oboleyaani teenna: oboleyaani huji hojachu diddu ch'ufa lagad'a, ka waan nu barsiimne gula indeemne.

⁷ Isaniyu imbeetani, aka waan nu tolchine tolchu maltani. Gaafa isani woliini jirru nu huji hojachu indinne.

⁸ Qarqaarsa nama tokole bilaasha imfud'anne. Ammo halkani guyya gaargalle hojanne, aka nu nama tokole ind'imne.

⁹ Nu waan kana maro waan nu argachu malle nuu kenna jechu indandeenneefi, jechu indinne, ammo aka akheekha dansa isani agarsiimnuufi dinne.

¹⁰ Gaafa isani woliini jirru, Nami hojachu didu sagale inyaatini jenne.

¹¹ Wonti nu waan kana jennuufi, waan aka nami gari jiddu teesani keesa huji hojachu dide waan nama d'ibi ch'alla yaku jiru d'ageenneefi.

¹² Maqa Aabbo Yeso Kristotiini jara suni himne gorsina: Huji teesani laana hojad'a, ufi bulcha.

¹³ Ammo isani, oboleyaani teenna, waan dansa tolchu indad'abiina.

¹⁴ Nami toko hegeri d'aamsa nu tatabe tana keesati t'aamnu inguutufa. Nama suni ilaala, lagad'a, aka inni ufumaani ch'eeru.

¹⁵ Ammo aka nyaapa isa intolchiina, aka oboleesa gorsa.

Dubbi eege

¹⁶ Aabbooni, ka nagaya namaa kennu, hojja ch'ufaafi guyya ch'ufa nagaya isani guutinna. Aabbooni isani ch'ufa woliini ha tau.

¹⁷ Waan kana anini harkuma kiyyaani t'aafa: Pauloni nagaya isani fuud'a. Anini tatabe ch'ufa akana maqa kiyya jalati t'aafa; anini akana t'aafa.

¹⁸ Eebiti Aabbo Yeso Kristo isani ch'ufa woliini tahinna.