2Tasaloonqe 2 - KITAABA WAAQA

¹ Waan d'ufiisa Aabbo keenna Yeso Kristotiifi woldeenna nu isa woliini wolwoldeennu: anini isani kad'ad'a, oboleyaani,

² aka iworere yokhaani indalanne, yo guyyaani Aabbo ya d'ufe jed'ani. Hegeri waan kana nama fage yokhaani ka barsiisuti jed'e, yokhaani nuti tatabe tana keesati t'aafa jed'anifa.

³ Nami tokoleeni kara tokoleeni isani insobini. Guyyaani ind'ufu, haga Loli guddaani tahe Nami Hamaani ka fulla ibidati male mullatuuti.

⁴ Waan nami kad'atuufi ka nami guddisu ch'ufa inni indida. Inni waan ch'ufa ira ufi guddise, d'aqe Mana Waaqa keesa tae Waaqa ufiini jed'a!

⁵ Inqaabattaniiyu? Waan kana ch'ufa anini ato isani woliini jiru isaniti hime.

⁶ Ammo woiti waan kana amma tahu d'owa, isani waan suni inuma beetani. Yo hojjaani geete Hamaani suni imullata.

⁷ Hameenni nami hubachu indandeenne amma lafa jira, ammo wonti tahu malte intaatu, haga namicha waan suni d'owu kara keesaa gorsaniti.

⁸ Jennaani Hamaani Suni mullate, Aabbo Yesoni hafuura afaani isaatiini isa ijeese, d'ufiisa isaa ka guddinnatiini lafaa isa balleesa.

⁹ Hamaani Kaani jabeenna Sheet'anatiini d'ufe mamisa gosa heddutiifi akheekha d'ara aka heddu tolche,

¹⁰ soba hedduuni worra badu soba. Maro d'uga worra baaftu jaalachu didaniifi badani.

¹¹ Maro waan kanatifi Waaqi badi hamtu worrati erga, aka waan d'ara d'ugefatani.

¹² Duuba namaama ind'ugefatiini, ka daba jaalatu ch'ufa, wollaala iti murani.

Baafamafi isanii fohatani

¹³ Hojja ch'ufa maro teesaniifi Waaqaa galata deebisu malle, isani oboleyaani Aabbooni jaalatu. Wonti akanatiifi Waaqi haguma qara isani fohate, aka baafamtani, waan Lubbuuni isani qulqulleesite isani d'uga fud'attaniifi.

¹⁴ Waaqi Odu Dansa ta nu isaniti hasoomneeni isani yaame; wonti inni isani yaameefi aka isani qooda guddinna Aabbo Yeso Kristo argattani.

¹⁵ Tanaafi oboleyaani, jabaad'a, ejad'a, d'uga nu barsiisafi tatabe teenna keesaleti isani barsiimne qaabad'a.

¹⁶ Aabbo Yeso Kristofi Waaqi Abba keenna, ka nu jaalate eeba ufitiifi jannooma hegerifi abdi dansa nuu kenne,

¹⁷ garaa keesani jabeese isani kibina, aka waan dansa ch'alla dubbattani tolchitani.