1 Timotheo 2 - KITAABA WAAQA

¹ Qaraa fiit'e, waan anini jed'u, kad'achaafi yaamachafi galata Waaqa deebisiti maro nama ch'ufatiifi tolcha;

² ammalle hayyootafi worra lafa fidu ch'ufa kad'ad'a aka nu jireenna dansa ka nagayaa ke teennu, Waaqa beekhitiifi adaba dansaani.

³ Wonti kunini dansa, ammalle Waaqa Qarqaarsa keenna gammachiifti.

⁴ Inni nama ch'ufa ka baafame d'uga baratu fed'a.

⁵ Wonti akanatiifi Waaqa toko ch'allati jira, ammalle ka Waaqafi nama woltiini d'ufu namicha toko, ka Kristo Yeso jed'ani,

⁶ ka nafa ufii kenne akasiini nama ch'ufaa baasu. Guyyaani geennaani, dubbi suni ya d'ugeesani.

⁷ Maro waan kanatifi aka anini ergattufi, barsiiftu gosa d'ibi tahu na ergani, aka d'aamsa d'ugefachaatifi ka d'ugaa odeesu. Anini kiyyibuuti injiru d'uga dubbachuu jira!

⁸ Anini nama ch'ufa ka fulla ch'ufati Waaqa kad'atu fed'a, nama Waaqa jaalatu ka dalansufi wolmormiti male harka olqabate kad'atu.

⁹ Anini nad'eenile ta ch'eerte woya isi fakaattu keyattu fed'a; mata aka shooba filatani, worqifi dooqafi woya gati gugurdo keyachu himmalle,

¹⁰ ammo isiini huji dansa aka nad'eeni aada beetu ha hojattuuti.

¹¹ Nad'eeni ch'alleesafi obsaani wo barachu malte.

¹² Anini nad'eeni d'iira barsiiftu yokhaani ta d'iira fiddu imfed'u; ch'allisu malte.

¹³ Wonti akanatiifi duri qara Adamu uumani, eege Hawai uumani.

¹⁴ Adamuni insobamne, ammo niitiini sobamte, seera Waaqa ch'absite.

¹⁵ Ammo nad'eeni yo ijoolle d'alte baafamti, yo isiini d'ugefachaafi jaalalafi qulqulloomafi adaba dansaani teete.